شباب الحمدلله ربنا وفقني واشتريت لادا 2107 روسي

**tamer_austen** · 20-02-2016 03:15 PM

شباب ارجو من حضراتكم ذوي الخبره او اصحاب تجارب مع الوحش الروسي لادا 2107 يقولي اهم النصايح الخاصة بالصيانه الدوريه او الاسبوعيه للعربيه يعني انضف ايه ابص علي ايه اشحم ايه معلش اتحملوني لسه مبتديء

**man1974** · 20-02-2016 05:03 PM

متابع

**mohsal** · 20-02-2016 08:10 PM

مبروك عليك عربيتك الجديده ربنا يباركلك فيها راجع مواضيع المنتدى وحتعرف كل حاجه عن العربيه واى حاجه فى العربيه لاقدر الله احنا فى الخدمه هى عربيتك موديل كام وعامله كام كيلو وموتور انجكشن ولا كربراتير

**zamek** · 20-02-2016 08:40 PM

اولا هتغير زيت العربيه و تحط زيت جديد و اسئل المالك القديم كان بيحط ايه و غير فلتر بنزين و فلتر الهوا وعند الميكانيكي وخلي عفشجي يبص علي بيض و جلب المقصات الاماميه لو عايزه تتغير غيرها غير كده ما تصرفش عليها اي حاجه غير لما تتطلب لو انت جديد في السواقه حاول تخف رجلك علي المكنه و ما تقرص عليها

**tamer_austen** · 21-02-2016 03:23 PM

المشاركة الأصلية كتبت بواسطة zamek

اولا هتغير زيت العربيه و تحط زيت جديد و اسئل المالك القديم كان بيحط ايه و غير فلتر بنزين و فلتر الهوا وعند الميكانيكي وخلي عفشجي يبص علي بيض و جلب المقصات الاماميه لو عايزه تتغير غيرها غير كده ما تصرفش عليها اي حاجه غير لما تتطلب لو انت جديد في السواقه حاول تخف رجلك علي المكنه و ما تقرص عليها

الف مليون شكر علي ردود حضراتكم الحمدلله كل ده فعلا عملتو في العربيه اول مااشتريتها بس انا قصدي ايه اللي المفروض اتابعه كل اسبوع و اقوم بيصانته يعني كل اسبوع ابص علي ايه و اخلي بالي منه

**zamek** · 21-02-2016 03:35 PM

للبطاريه لو سائله هتبص علي الميه بتاعتها و ميه القربه والرديتاتير و زيت الماتور و زيت الفرامل والدبرياج العفشه كل 6شهور لو حركت العربيه متوسطه

**Mohamed Desoky** · 21-02-2016 03:45 PM

السلام عليكم ورحمة الله وبركاته الادا اول عربيه لى من 16 سنه عيوبها سابتة مابتتغيرش 1 السخونه عينك على الحراره باستمرار صيف شتا 2 العفشه اخطر شىء ونقطة ضعف البيضه لما تملص كارثه فى اى مكان بدون انظار 3 الكاتينة الجنزير دايما ودنك مع صوت الموتور لان الجنزير بيرخى كل فترة الميكانيكى يبص عليها كل فتره دى العيوب الاساسية الادا حلوه لاهل الخبره وشكرا