الموضوع: حرب المنتديات

الأخ الفاضل الأستاذ اسلام جلال انا معك 100 % ولا داعى ابدا لخلق نوع من التفتيت للأعضاء لأن الجميع اناس محترمون وانا دخلت اليوم هناك في الموقع الآخر ووجدت تهنئة من الأستاذ هاني بايو الشخصية الناضجة فعلا وده مثال على النضوج وعدم أخذ الأمور بحساسية شديدة.
يا جماعة الخير احنا كلنا مشتركين في هواية جميلة الا وهى حب السيارات وكلنا بنخدم بعض لوجه الله ولا ينتظر احدنا مقابل من الآخر سوى الدعاء له فيا ريت نحاول نوزن الأمور بشكل افضل ومش لازم ناخد كل حاجه على اعصابنا ونتحمق من كل حاجه ومن اى حاجه حتى لو كانت ممكن تعدي.
صدقوني هى دي مشكلة العرب بصفة عامة اللي بيلعب عليها دايما المستعمر وللأسف احنا دايما بنقع في نفس الغلطة وبدل ما نتوحد نتفرق.

اما بالنسبة لموضوع الحذف فأنا ضد كل ما يحذف وضد الرقابة المتعنتة لأن اللي ممكن يشوفه الرقيب ممنوع أو قابل للحذف ممكن تشوفه الناس التانية مباح طالما ما تم كتابته لا يمس الدين او العقيده أو تجريح الآخرين.

فأنا ادعوكم جميعا للوحدة وانبذوا خلافاتكم وتعايشوا وحاولوا تتفرجوا على برنامج دعوة للتعايش لعمرو خالد.

وشكرا جزيلا

عزيزى إسلام جلال, لم اعرف ما هو المنتدى الاخر الذى تتحدث عنه, هل هو المنتدى الجديد للاسبيرانزا الذى اقامه بعض الاعضاء السابقون والحاليين هنا ؟؟؟
اذا كان هذا هو محور الحديث فيا سيدى الفاضل نحن لم نعترض على اقامة اى شخص لاى منتدى فهذا حق مشروع ولا شأن لنا به ولكن ان يحاول البعض الدعاية بمثل هذا الاسلوب فى موقعنا فهذا ما لا نقبله ابدا وهذا هو اساس المشكلة ونحن ليس بيننا وبين اى موقع اخر مشاكل من اى نوع لان التنافس هو دليل التفوق والموضوع ليس حربا او ما شابه واعتقد اننى قد وضحت وجهة نظرى بالموضوع.

بالنسبة لحديس سيادتكم عن الخروج عن الاداب العامة, تفتكر حضرتك لو اى اخت من اخواتنا دخلت على موضوع ولقت كلام بذىء او ما شابه مظلل رغم ان العضو موقوف , هل سيهمها هذا فى شىء ام ستتقزز وتغلق الصفحة ولربما " تدعلى علينا " ايضا؟؟؟

انا احذف ما اجد انه ليس مهما او مكررا او بذيئا ولا يصح ولا اقبل ان تراه اختى ولا اخى وهذا هو المبدأ وانا هنا اتحدث عن نفسى وهذا هو رأى الشخصى ولا علاقة للادارة به.

حلاوتك يا هندسه
ايوه كده يا عم اسلام
ده انا صوتى انبح فى الموضوع ده ونفسى حد يسند معايا
كله الا الحذف . ردوا على المواضيع كيف شاتم
لكن الحذف يقلل من المصداقيه ويعطى احساس للعضو بان رايه لا قيمة له
طبعا احنا متفقين على ازالة اى لفظ بذىء . وهذا لا خلاف عليه
تحياتى للجميع
السلطان

المشاركة الأصلية كتبت بواسطة Islam_galal

-عدم حذف اي مواضيع و انما تظليل الكلام الخارج عن النص الادبي و بالتالي الشخص الغير محترم حيفضل غير محترم امام الجميع.
-اذا تكرر الخروج عن النص تلغي عضوية الشخص الخارج عن النص و تظل المشاركات موجودة مع تظليل الكلام الخارج كعبرة و ليظل الأعضاء كلهم حتي الجدد علي علم بأي شخص غير محترم و يا حبذا لو تم عمل مكان لهؤلاء الاعضاء الملغية عضويتهم و المشاركات المتسببة في ذلك مع تظليل الكلام الخارج.

انا اويد كلامك فالرقابة سلاح ذو حدين ، ممكن لتأييد رأى او لمنع اساءة و ده مش علشان فى شك فى الاخوة المشرفين (انا مقدر تماما لمجهودهم و تعبهم) بس علشان احنا بشر و جل من لا يسهو.

ده كلام ينطبق على الاعضاء و المشرفين، فممكن يكون حد انفعل و اخطا و ممكن يكون المشرف تسرع و حذف ، فالافضل على الاقل ترك الموضوع للتصويت و يتم الحذف بعدد محدد من الاصوات و بدل ما يكون رأى شخصى يصبح رأى الاغلبية و كذلك الغاء العضوية و غيرها و ده كمان هيبقى مساعد للمشرفين.

و الله اعلم