السلام عليكم
أخى العزيز
موضوع الزيت دا مهم جداً فى البيتلز لآنها بتعتمد إعتماد تام على الزيت و الهوا فى التبريد
المهم لو كمية الزيت اللى بتنقص كبيرة فتابع التالى:
1- المهم أن الزيت فى الماتور مايكونش معدى علامة Max و لا أقل من Mini
2- لو الزيت اللى بينزل تحت علبة الزيت على طول يبقى المشكلة فى مسمار علبة الزيت و بتبقى حلها بسيط و بتحتاج جوان كاوتش أو اللى بيغير الزيت يلف عليها خيط.
3- لو الزيت اللى نازل من الماتور على الأجناب تحت علبة التيكهات يبقى العيب فى جوان التاكيه و دا بيتغير بـ 5 جنية للواحد تقريباً ؟
4- بص على بكرة الكرانك لو الزيت بينزل منها أو من تحت الماتور من الداخل يعنى آخر الماتور من تحت تبقى المشكلة مشكلة أولسيهات و فى هذة الحالة لازم تسقط الماتور و تغير الأولسيهات.
و عشان تعرف أو تحدد مكان نزول الزيت لوحدك الأول قبل ما تروح للميكانيكى , حاول تنظف الماتور و علب التاكيهات من برهة و الماتور من تحت و بعدين تشوف التسريب منين و لو كانت كمية التسريب كبيرة و كل يوم و الزيت بينقص لازم تروح للميكانيكى فوراً.
ويا رب أكون أفدتك و دا فى رأيى المتواضع و معرفتى المحدودة
و شكرا
المفضلات