الموضوع: البيتلز بتجيب زيت من تحت ؟؟؟؟؟؟

المشاركة الأصلية كتبت بواسطة ahmed2y

السلام عاليكم

ازيكو جميعا يا شباب واخص بالذكر الاخ احمد حسن صديقى واشكرة على الشرح الدقيق الوافى المتكامل الاركان الذى يعنى لا تشوبة شائبة اية رايكو فى شوية العربى دول هههههههههه وبقول للحسينى لحد ما تشوف ميكانيكى وتحل الموضوع تابع دايما قياس الزيت ودى اهم حاجة لحد ما تشوف الحل لان عندى نفس المشكلة

وعليكم السلام ورحمة الله وبركاته

حبيبى أحمد باشا الدغيدى
واحشنى و الله و كل سنة و إنت بخير و صحة و سعادة إنت و أهل بيتك بمناسبة رمضان.

الحسينى حل مشكلة الزيت ده من زمااااااااااااااااااااان و الحمد لله

انا كان عندي مشكله ان في زيت بينقط من العربيه من تحت

المهم سالت طبعا اهل الخبره في المنتدي الاستاذ هاشم واستاذنا احمد حسن بارك الله لهم
انا بعد ما اتصلت بالاستاذ احمد حسن وربطلي مع الميكانيكي عاطف عبده فرج وكنت ناوي انزل القاهره لكن للاسف محصلش نصيب
المهم عرفت من كذا بتلزاوي في اسيوط ان في واحد محترم علي كلامهم محترف بيتلز
المهم ظبط نفسي ورحتلوا يوم الخميس
المهم قبل ما اروحلوا غسلت الموتور بالجاز والهواء عشان يبقي واضح مكان التسريب بتاع الزيت ونزلتله من سوهاج لاسيوط
المهم بس علي العربيه وقالي ده الجوانات كلها والاولسيهات عايزه تتغير المهم قالي العربيه هتاخدها تاني يوم وانما هفتحلك مخصوص انا سمعت كده وقلت بس يبقي انا كده هترفع طالما مخصوص
المهم قالي الطلبات حسبه 200 جندي اديتوا وقالي خلاص يا باشا انت كده لو وراك مشوار اعتمد علي الله
وعليها فضلت معاه لحد ما سقط الموتور وفك وش التاكيهات وتمام ومشيت وانا معاه علي تليفون
ونزلت تاني يوم قبل صلاه الظهر لاقيت مقفل المتور
تمام وركبلي طقم كهربا كامل (كوندنسر - وابلاتين - وطقم بوجيهات ياباني ) وقالي ميه ميه وركب الموتور ولحم الشكمان لان كان مخرم من الكوع النيكل وتمام وحط زيت جديد وظبط المكنه وطلع جرب الحمد لله تمام
وبص علي الفرامل راح مرجلش عليها وخدلها هوا بقت علي الشعره وبص علي كاوتش الكبالن والتيل وقالي 100 100 لاني كنت مغيرهم من شهرين هما والطنابير اللي ورا
وتمام وزي الفل
جينا بقي للحساب
حاسيت ان انا
قالي باقي طلبات 50 جندي
والمصنعيه 350 بس عشان انت اول مره وتابع فلان وفلان خليها 300
وقلتله انت بتهزر
بصلي وقالي يا بيه الشغل ده انا مش بعملوا اقل من 500 جنيه فبقلوا اومال لو عمره كنت اخدت كام خلاص يا باشا خلي والبؤين دول طبعا
انا رحت اتصلت وانا واقف باخويا الله يصبره احمد حسن قالي لا كتير اوي اوي وصعق طبعا وقالي هي 100 150 بالكتير اوي المهم كاني ماني انا لحد ما رسيت علي 200 جنيه و بقشيش 10 للصبي عشان ركب الكنبه اللي ورا ونضف العربيه واي خدمه يا باشا
يعني طلبات ب250 جندي وتشمل طقم كهربا وشويه جوانات واولسيهات وملء اسطوانه الدبرياج ب50 ولحام الشكمان وغيار زيت
و210 مصنعيه
و230 بطاريه بالمره لان كان فيها ربع ضارب واخد القديمه طبعا وملقتش 55 امبير جبت ال 70 امبير طبعا الموضوع ده كله باسيوط
انا عارف انو لو في قاهره المعز مكنتش هدفع ده كله
وعلي راي اخويا احمد حسن محدش بيتعلم ببلاش
واسف بجد علي الاطاله والملل اللي سببته






__________________

اللهم يسر لنا امورنا في دنيانا