الموضوع: مجتاج مشورة فى بونتو موديل 2000

المشاركة الأصلية كتبت بواسطة said.d.y

السلام عليكم ورحمة الله وبركاته،،،،،،
في مشوار البحث عن عربية مستعملة لواحد صاحبى، اتعرض علينا امبارح عربية فيات بونتو موديل 2000 ماشية 118 الف كم ، رشة خارجى بالكامل، اتعمل فيها شغل سمكرة من غير تغير حاجة ، مفيهاش شغل ميكانيكا ولا عفشة وراكب فيها طقم كاوتش جديد ، فيها شغل سمكرة مرمات، ومحتاجة دهان خارجى نظافة ، ونظافة للصالون وكسوة جديدة للفرش، وشوية ترويش ، ودى علشان العربية تكون صح. رخصتها باسم صاحبها ولسة فيها 6 شهور.
صاحبها طالب 30000جم بدون اى فصال. تكلفة التظبيط حوالى 4000: 5000جم.
كدة في السليم ولا كتير وبلاش ................

اعتقد ان 30 ألف على بونتو 2000 قليل :d
فاكشف عليها فى مركز صيانة أو بنزينة، اكشف على حالة الموتور والفيتيس وكهربتها وبتسخن ولا لأ وتكيفها كمان، وانا فى رأيى ان مش مهم حوارات السمكرة والدوكو طالما مش حاجة فى العظم أو القوائم نفسها لأن اى عربية بتتخبط وبتتجرح.

هى قطع غيارها متعبة بعض الشيء وغالية نسبيا لو قارنتها بالفيات عامة بس هى عربية مريحة فى الاستخدام

وربنا ييسرلك الخير