اى عربية اوتوماتيك بفتيس AMT هتكون اعطالها سهلة التصليح وفتيسها عمره طويل وغير مكلف لاءن زيته بتاع فتيس مانيوال وبيشتغل بديسك واسطوانة وفورش عادى وكل شركات العربيات دلوقتى اتجهت له زى لادا جرانتا ورينو لوجان الشكل الجديد والشانجان مينى بينى والجلورى دونج فينج
لو موتور كهرباء بدلا من دواسة الدبرياج باظ بيتغير له شربون زى المارش ولو له ماستر زيت باكم بيتغير حشو او ماستر كامل ولو بيهنج او بيخرف فى الحر الشديد او الزحمة بتغير سوفت وير لكومبيوتر الفتيس علشان بدلا من انه يخرف او يهنج فى درجة حرارة 44 مئوية بيتغير ل 60 او 70 مئوية وكله بالكامل فتيس مانيوال بتحكم اليكترونى من كومبيوتر ويبقى اوتوماتيك وتنسى مشاكل الميجا ترونيك وعقل الفتيس البادى فالف والقربة والتورك كونفرتر وكلتشات محروقة متفحمة ومتفتفته وفلتر زيت فتيس مسدود ومش موجود جديد ومشاكل ارتفاع سعر زيت فتيس CVT والقرف ده ولا زيت احمر ولا ابيض ولا زيت كهرباء بياخود زيت فالفالينا عادى جدا !!
وكمان فى منه بعض الانواع بينفع تتزق العربية لو البطارية نامت على عكس الاوتوماتيك التقليدى !!!
AMTs (automated manual transmissions)
وبقى بيستخدم الاءن فى سيارات النقل والاتوبيس
لازم تدوس فرامل قبل تدوير الموتور والا العربية مش هتدور ولا تسمع صوت مارش حتى !!!
[IMG][/IMG]
تاتا نانو اوتوماتيك
https://www.youtube.com/watch?v=HeT1KGypzVA
المفضلات