تعديل نظام التكييف لازالة حمله من علي المحرك

**AlphaCharlie** · 24-02-2016 08:15 PM

سؤالي بحصوص التكييفات العادية الي بتحمل علي المحرك بطمبورة وسير تكييف. ودا طبعا بيؤثر علي عزم المحرك وايضا إستهلاك الوقود. ودا بيكون واضح جدا في سيارات كثير مثل لانوس لانها 8 صباب فقط. وكثير من السيارات اقل من 1600 سم3.

ففي العربيات الالماني مثلا لا يوجد اي سيور. لا تكييف ولا دينامو وكل العزم رايح للحركة فقط.

وهما حالين المشكلة دي عن طريق إضافة موتور كهربائي وبطارية إضافية لتشغيل كباس التكييف.

طيب يا ترى في حد فكر في تعديل سيارته بعمل هذه الفكرة؟

لو حد عنده افكار ازاي يوصل الموتور الكهربائي الي بيكون في الشنطة هو والبطارية الخاصة بالتكييف بالكباس وهو في الامام في 90% من السيارات؟

**Mecha** · 25-02-2016 07:41 AM

علي وصفك ، الحل الكباس يتنقل للشنطه ويدور من المتور الكهربا ، وتتمد مواسير او خراطيم للفريون تحت العربيه وتتعزل.

**AlphaCharlie** · 25-02-2016 12:27 PM

المشاركة الأصلية كتبت بواسطة mecha

علي وصفك ، الحل الكباس يتنقل للشنطه ويدور من المتور الكهربا ، وتتمد مواسير او خراطيم للفريون تحت العربيه وتتعزل.

شكرا غلي إهتمامك..
بس هل هذا فعلا التصميم المعمول به في السيارات زي مرسيدس؟ مواسير الفريون ممتدة أسفل السيارة؟
وهل دا مش حيأثر علي قدرة التكييف علي التبريد؟

**rotanamasoud** · 25-02-2016 07:34 PM

تاثير على السحب اقوى لان الحمل كان مباشر طاقه حركيه بتشغل الكمبريسور ده النظام الشائع
طيب النظام اللى بتتكلم عنه
طاقه حركيه من الموتور الى الدينمو تتحول طاقه كهربيه الى البطاريه ثم تتحول طاقه كيميائيه فى البطاريه ثم تتحول الى حركيه من محرك الكباس الى الكباس ليعمل النظام الجديد
كده ايه اللى وفرناه احنا زودنا الحمل لان فى فقد فى كل مرحله تحويل طاقه

**AlphaCharlie** · 26-02-2016 01:35 AM

المشاركة الأصلية كتبت بواسطة rotanamasoud

تاثير على السحب اقوى لان الحمل كان مباشر طاقه حركيه بتشغل الكمبريسور ده النظام الشائع
طيب النظام اللى بتتكلم عنه
طاقه حركيه من الموتور الى الدينمو تتحول طاقه كهربيه الى البطاريه ثم تتحول طاقه كيميائيه فى البطاريه ثم تتحول الى حركيه من محرك الكباس الى الكباس ليعمل النظام الجديد
كده ايه اللى وفرناه احنا زودنا الحمل لان فى فقد فى كل مرحله تحويل طاقه

أنا مش مهندس لكن منطقيا ..
الدينامو بيشحن البطارية وبيفصل الشحن فترات طويلة وبعدين يرجع يشحن تاني علي حسب دائرة الشحن. وفي نفس الوقت الدينامو شغال مع الموتور بإستمرار .. يعني في طاقة مهدرة من الأوقات إلي دائرة الشحن بتفصل فيها.

وبعدين خلينا بنكلم عملي..
لو نقارن أداء العربيات المعمول فيها النظام دا بأداء أي عربية من النظام العادي.
حنلاقي التعديل دا بيخلي إستجابة الموتور عالية جدا سواء كان التكييف شغال أم لا. أما العربيات العادية وأنت ماشي علي 100 مثلا وشغلت التكييف بتحس إنك شيلك رجلك من علي دواسة البنزين..

**Mecha** · 26-02-2016 10:02 AM

الدينمو شغال تقريبا كل الوقت ، كل الاحمال بيغذيها مع البطاريه، عاوز تتاكد قيس بالافو هتلاقي الفولت علي طول اعلي من البطاريه
انت بتقول معمول في العربيات الالماني . شفتو كدا ؟؟
عشان بالطريقه دي متور الكمبرسور هيكون كهربي مش ميكانيكي كما الموجود.
التكييف بيسحب من ٣-٥ حصان.وشغال علي كلاتش فصل ، الضايع حمل تدوير الطمبور و احتكاك السير
هل الدينمو العادي يقدر يوفر الاحصنه دي طول الوقت ؟!!!!
سمعت عن واحد مصري خد براءه للموضوع تكييف اداره كهربا . لكن كاعتماديه وكفاءه بالنسبه للحالي مش واضح. وطبعا ناس كتير بتسجل براءات لحاجات اقل من الموجود ومصيرها المعتاد النسيان والاهمال لعدم المنفعه.
تحياتي

**rotanamasoud** · 26-02-2016 01:31 PM

المشاركة الأصلية كتبت بواسطة alphacharlie

أنا مش مهندس لكن منطقيا ..
الدينامو بيشحن البطارية وبيفصل الشحن فترات طويلة وبعدين يرجع يشحن تاني علي حسب دائرة الشحن. وفي نفس الوقت الدينامو شغال مع الموتور بإستمرار .. يعني في طاقة مهدرة من الأوقات إلي دائرة الشحن بتفصل فيها.

وبعدين خلينا بنكلم عملي..
لو نقارن أداء العربيات المعمول فيها النظام دا بأداء أي عربية من النظام العادي.
حنلاقي التعديل دا بيخلي إستجابة الموتور عالية جدا سواء كان التكييف شغال أم لا. أما العربيات العادية وأنت ماشي علي 100 مثلا وشغلت التكييف بتحس إنك شيلك رجلك من علي دواسة البنزين..

فى حاجه اسمها حمل الدينمو يعنى لو الدينمو مسحوب منه 10 امبير حمله غير لما يكون مسحوب منه 100 امبير مش موضوع انه متوصلا بستمرار موضوع مقدار الحمل ومفيش طاقه مهدره لان السحب حسب مقدار الحمل(مقصود بالمهدره هنا مفقوده)
بالنسبه لان الدينمو حيفصل كتير ده فى التشغيل العادى لاكن لو عندك حمل زى التكييف لو مثلا2 حصان يعنى1500 واط مش حيكون فى فرصه انه يفصل والتكييف شغال
عمليا الموضوع ده يفرق عشان البطاريه بتعمل مساعده كبيره جدا للنظام (تعمل كمكثف عملاق)فبتساعد ان الحمل ميكونش مباشر زى فى التكييف العادى وطبعا بتكون بطاريه سعه كبيره مش زى البطاريات العاديه
الخلاصه طبقا لقانون بقاء الطاقه ان مفيش توفير حيحصل للنظام بل حيزيد الاستهلاك نسبه قليله للمفاقيد فى الطاقه
لاكن حنحصل على المميزات التاليه
حمل غير مباشر على المحرك
نظام مستقل عن المحرك ممكن يوضع فى اى مكان بعيد عن حوض الموتور

**AlphaCharlie** · 27-02-2016 12:55 AM

المشاركة الأصلية كتبت بواسطة mecha

انت بتقول معمول في العربيات الالماني . شفتو كدا ؟؟
عشان بالطريقه دي متور الكمبرسور هيكون كهربي مش ميكانيكي كما الموجود.

شوفت عربيات بتشغل التكييف والموتور مش شغال. فطبعا دا مفصول عن المحرك

التكييف بيسحب من ٣-٥ حصان.وشغال علي كلاتش فصل ، الضايع حمل تدوير الطمبور و احتكاك السير
هل الدينمو العادي يقدر يوفر الاحصنه دي طول الوقت ؟!!!!
سمعت عن واحد مصري خد براءه للموضوع تكييف اداره كهربا . لكن كاعتماديه وكفاءه بالنسبه للحالي مش واضح. وطبعا ناس كتير بتسجل براءات لحاجات اقل من الموجود ومصيرها المعتاد النسيان والاهمال لعدم المنفعه.
تحياتي

يعني غير مجدية في رأيك طالما انها لن تصل لكفائة التبريد التقليدية.

**Mecha** · 27-02-2016 05:51 AM

واضح انك شفت تكييف شغال بالتبخير
ودا بيتملي ميه ويتشحن من العربيه وفيه بطاريه.
ودا مفهش كمبلسور وللبلاد بموسم صيف قصير زي شمال اوروبا وكندا.
اللي شفته تعتقد ينفع لمصر ؟؟
العربيه اللي شوفتو فيها نوعها ايه ، ومواصفات فين