اسوأ ما فى توكيل تويوتا ....!!!!!!

اسوأ ما فى تويوتا هو خدمه العملاء بتاعه التوكيل اللى فى العباسيه عشان تحجز لصيانه لازم تتزل

انا بصراحه محروق منهم ... انا العربيه معايا بقالها 4 شهور احتجت للتوكيل 3 مرات
اول مرة صيانه الالف ودى مكنش فيها مشكلة بصراحة

ثم صيانه الخمسة ودى عشان احجزلها قعدت اسبوع عشان احجز وفى الاخر عملت شكوى وهما اللى كلمونى

دلوقتى لما الزجاج الامامى اتشرخ من اسبوعين تقريبا .. بقالى فوق الـ 10 ايام تقريبا يوميا اكلمهم ولا حياه لمن تنادى .. اكلم الرقم المختصر يقولى معلش يا فندم هانعمل شكوى وهما لازم يكلموك خلال 24 ساعه وممكن هما مشغولين عشان موديلات 2009 وو ومفيش ... قالولى شوف مركز خدمه بتاع القطاميه كلمتهم قالولى مفيش الزجاج دلوقتى

انا عامل تقريبا 6 شكاوى وشكوى بالايميل ومفيش اى حاجة فى الاخر الواد اللى بيرد عليا قالوا مفيش غير انك تروح وتتفاهم معاهم عشان اخد استثناء ... يعنى فى الاخر اروح اتخانق معاهم عشان اخش بعد كل العذاب فى التليفونات ,

هو التوكيل هناك الناس بتعاملك كويس وذى الفل بس عشان احجز بصراحة بيزلوا الواحد

انا شايف موضوع الرقم المختصر ده ولا ليه لزمه لانهم مش بيعملوا اى حاجة للناس ... المفروض الناس اللى بترد هيا اللى تحجزلنا ... مش مهمته انه يثبتنى وخلاص , يأما يقولوا الرقم المختصر ده للمبيعات فقط

يا ياريساوى طيب ما تروح بتاع ابو رواششششش

هو اسهل ومش بنفس الزحمه ولا ضغط العباسيه

انا الاقرب ليا هو العباسيه لانى فى المعادى ... ثم لو زحمه يقولولى تعالى بعد شهر اتنين لكن مش القلبه دى يعنى

هو فعلا ابو رواش الناس بتشكر فيه بشكل ملحوظ ... توكل وروح علي هناك

هو توكيل العباسبه قفل خلاص يعنى .. ولا هما بتبعوا هذه السياسه لاجبار الناس يروحوا الامكان التانيه الابعد وتخفيف الضغط عنهم ومش مشكلة ارهاق العميل؟؟؟؟؟؟؟؟؟؟؟؟؟؟؟

هو إمتى حيفتحوا بقى مركز التجمع الخامس ؟؟؟؟

يعنى بدل ما تنتظر شهر او اسبوع

انت ساكن فى المعادى يعنى الدائرى وبقيت فى الهرم ومنه لابو رواش فى يوم واحد وتخلص نفسك بدل العطله

اقتباس:

---

المشاركة الأصلية كتبت بواسطة دموع الثلج

يعنى بدل ما تنتظر شهر او اسبوع

انت ساكن فى المعادى يعنى الدائرى وبقيت فى الهرم ومنه لابو رواش فى يوم واحد وتخلص نفسك بدل العطله

---

شكرا والله يا دموع بس عارفه النقطه االلى مضايقانى انهم ولا بيعبروا حد وسايبين الناس تولع وعمال اكل فى نفسى بس النهارده كنت عند الجمعيه للتأمين الصبح ولقيت نفسى جمب التوكيل بتاع العباسيه فعديت عليهم وقبلت الراجل بتاع السمكره وان شاء الله هاروح يوم السبت الساعه 8 صباحا .... الزجاج ب 2700 تقريبا يعنى نفس ثمن الزجاج بتاع الكورولا

يا جماعه توكيل العباسية علية ضغط بسبب الكسل....

كل ايلي ساكن في محيط 40 كم من المركز مش عايز يروح ابو رواش او العبور ...يبقي طبيعي المركز يبقي مكدس ومضغوط...والانتظار بالشهر والشهرين...
برضة لما مركز التجمع يشتغل ...هاتلاقي كل ايلي بيروح العباسية راح علي هناك علشان جديد واماكن باركينج كتير وواسع ومريح....وبرضة هاينضغط ويبقي بالشهر والشهرين....

انا شايف ان احنا سبب المشكلة.....لتعنتنا في التسهيل علي نفسنا في صيانة يوم واحد....يعني مشوار الصيانة دة بيكون يوم واحد فقط...مهما كان طويل ومتعب اهوة يوم ويعدي....

يا هيرو توكيل العباسيه عليه ضغط عشان عربيات تويوتا من اكثر العربيات مبيعا وكونه فى قلب القاهرة
هو انا لو ساكن قريب من ابو رواش مثلا فى المهندسين مش هاروحه واروح العباسيه .... اكيد لأ طبعا !!!!!!!!!!!!!!!!!!
ثم الزحمه فى كل حته , انا حاولت مع ابو رواش يومين وعملت شكوى وبرضه نفس المشكلة

المشكلة فيهم يا باشا ... لو هي الدنيا منظمه صح يبقى يردوا على الناس ويقول مفيش حجز غير يوم كذا

لو مفيش نظام وكمان مع الزحمه يبقى الموضوع بيزداد سوء ,وده ناتج ان غالبيه الشركات تهدف للبيع فى المقام الاول , يعنى تويوتا عامله رقم مختصر عشان المبيعات وليس لخدمه العملاء فى الاساس ولكن اعتقد ان التوكيلات اصبحت تهتهم اكثر بخدمه ما بعد البيع

لكن فى الاخر تقول ان احنا السبب عشان الكسل .... كان ياريت حد يعبرنى بس ويقولى روح ابو رواش يوم كذا وانا اروح واخلص

انا كان نفسى الرقم المختصر ده اللى بيردوا فيه على طول ... يبقى للحجز فى اى فرع فى القاهرة بحيث اللى يرد عليك يقولك مفيش غير يوم كذا فى فرع كذا او يوم كذا فى الفرع التانى ..... دى اقل حاجة تويوتا تعملها لعملاءها

علي فكره الرقم المختصر ده فعلا عشان المبيعات وليس لخدمه العملاء
رقم الحجز فقط هوه 248800400 و 24880412
للأسف اسهل حل للتعامل مع مركز العباسيه انك تعدي عليهم بنفسك في يوم علشان تحجز
لأن موضوع التليفونات ده لسه فيه مشكله عندهم
بس علي فكره هما ابتدوا يعملوا حاجه جديده للعملاء المنتظمين في الصيانه الدوريه معاهم
بيبعلك SMS ويقترح عليك معاد صيانه لو موافق بترد عليه ok
لو مش موافق متردش وهما هايتصلوا بيك في خلال كام يوم
بس ده للصيانه الدوريه فقط

اقتباس:

---

المشاركة الأصلية كتبت بواسطة tamohsen

علي فكره الرقم المختصر ده فعلا عشان المبيعات وليس لخدمه العملاء
رقم الحجز فقط هوه 248800400 و 24880412
للأسف اسهل حل للتعامل مع مركز العباسيه انك تعدي عليهم بنفسك في يوم علشان تحجز
لأن موضوع التليفونات ده لسه فيه مشكله عندهم
بس علي فكره هما ابتدوا يعملوا حاجه جديده للعملاء المنتظمين في الصيانه الدوريه معاهم
بيبعلك SMS ويقترح عليك معاد صيانه لو موافق بترد عليه ok
لو مش موافق متردش وهما هايتصلوا بيك في خلال كام يوم
بس ده للصيانه الدوريه فقط

---

انا فعلا عديت عليهم وحجزت خلاص , حلو موضوع الرسائل وياريت فعلا يطوروا الموضوع شوية , بس هما بيعرفوا ميعاد الصيانه المتوقعه ازاى ؟

اتوكل على الله وروح العبور القزاز موجود هناك وعلى ضمانتى كمان لان القزاز بتاعى برضة مشروخ والمهندس وانا بغير الاكصدام كان بيقولى اغيرلك القزاز كمان قولتلة لاء فاهو 100% موجود هناك

بلاش العبور الله يخليك.....

نصيحه مني لوجه الله

أكيد أي مركز تاني هيكون أحسن من العبور

أنا مريت معاهم بتجربه زفت الصراحه!!!

مهندس / تامر

اخيرا والحمد لله روحت النهارده فرع العباسيه وتم تغيير الزجاج الامامى الاصلى ماركة AGC Lamisafe بمبلغ 2533ج


وعرفت ان مركز التجمع الخامس هايبتدأ يشتغل من اول الشهر اللى جاى خلاص

شكرا يا بودى وم/تامر على المداخله وانا كنت عايز اروح التوكيل فعلا اضمن من ماركز الخدمه ... بس ايه اللى حصل مع حضرتك يا م/تامر

الف مبروك يا حسام

و شكرا على خبر إفتتاح مركز التجمع الخامس

مبروك عليك القزاز الجديد بس غالى قوى قوى قوى

اقتباس:

---

المشاركة الأصلية كتبت بواسطة Yarisawy

انا فعلا عديت عليهم وحجزت خلاص , حلو موضوع الرسائل وياريت فعلا يطوروا الموضوع شوية , بس هما بيعرفوا ميعاد الصيانه المتوقعه ازاى ؟

---

هما بيتوقعوا من مواعيدك للصيانه السابقه , يعني انا مثلا بعمل صيانه كل حوالي 6 شهور.

اليوم وبعد حوالى 5 شكاوى وبعد اكثر من اسبوعين كلمونى اخيرا النهارده واعدت تعتذر كثير بس بصراحة الاهم واللى فرحنى بجد هو ان

1- هايبقى فيه رقم مختصر للصيانه فقط وهذا لحجز الصيانات فى اى مركز سواء العباسيه او ابورواش او التجمع , وده لان الرقم الموجود هو فعليا للمبيعات ذى ما قلت وكنت اتمنى انهم يعملوا الخدمه دى واتحققت على طول
2- بقى فيه قسم للشكاوى وخدمه العملاء لحل المشاكل وارقامهم هى 24880400 والارقام الداخليه هى : 1451 و 1453 و 1454 وكمان ادونى ايملات بتاعتهم الخاصه بالشكاوى

كده فعلا هما بيحسنوا من نفسهم لان انا مكنتش مقتنع ان بالخدمه دى ولا كنت مقتنع ان المشكلة ان الناس بتروح العباسيه بس لان لسبب كان مفيش نظام عندهم ومن الواضح انهم تلافى هذه العيوب

انا ساكن فى الهرم و مع ذلك بتعامل مع مركز العباسيه لأنه أكثر حرفيه و تمكن من مركز أبو رواش و ده باعتراف الفنيين نفسهم. المهم أنا معنديش مشكله مع الصيانه لأنى دايما أبعت e-mail للبنت بتاعت الصياته و هى دايما تتصل فى خلال 24 ساعه لتحديد الموعد و النظام ده هم اللى قالولى عليه لما اشتكيت من صعوبه التليفون . ال e-mail مش معايا دلوقت لكن أول ما أجيبه حاحطه علشان الناس تستفيد منه .