تغيير كاوتش العربية الى غالبا مش باستعملها

انا بغير الكاوتش عشان مدة صلاحيتة انتهت مش عشان عمل الكيلو مترات الى المفروض يعملها
وده راجع لقلة استخدامتى للسيارة
يعنى انا عامل دلوقتى حوالى 26 الف كيلو فى 6 سنين وشهرين وهاغير الكاوتش الى بالكيلو متر بيقعد 40 الف كيلو
هل فى نصائح بخلاف شراء كاوتش تاريخه حديث
يعنى معدل تأكل المداس treadwear ( مقاومة الكاوتش للتأكل ) ييفضل يكون اقل من 300 ولا اكثر وهل لده علاقة بمدة الصلاحية ولا ملوش
لأنى ما يهمنيش مقاومة الكاوتش للتأكل تكون عاليه ( لأنى مش بمشى كتير ) لكن الى يهمنى أن عمره الافتراضى كوقت يكون كبير نسبيا

اقتباس:

---

المشاركة الأصلية كتبت بواسطة wmz

انا بغير الكاوتش عشان مدة صلاحيتة انتهت مش عشان عمل الكيلو مترات الى المفروض يعملها
وده راجع لقلة استخدامتى للسيارة
يعنى انا عامل دلوقتى حوالى 26 الف كيلو فى 6 سنين وشهرين وهاغير الكاوتش الى بالكيلو متر بيقعد 40 الف كيلو
هل فى نصائح بخلاف شراء كاوتش تاريخه حديث
يعنى معدل تأكل المداس treadwear ( مقاومة الكاوتش للتأكل ) ييفضل يكون اقل من 300 ولا اكثر وهل لده علاقة بمدة الصلاحية ولا ملوش
لأنى ما يهمنيش مقاومة الكاوتش للتأكل تكون عاليه ( لأنى مش بمشى كتير ) لكن الى يهمنى أن عمره الافتراضى كوقت يكون كبير نسبيا

---

هو نوع الكاوتش اللي راكب حاليا أيه ؟
و ماهو معدل التأكل الحالي ؟
و ماهي حالة الكاوتش من حيث :
- وجود تشققات بالاطارات
- حالة السلك

جزاك الله خير علي الاهتمام
الكاوتش الي فيها بتاع الفلريكة واسمه kormoran هو مش عامل مشاكل ومانمش ولا مرة ولا اتخرم واعتقد ان حالة السلك كويسة لكن الي هيخليني اغيرة الفترة الكبيرة وظهور تشققات رفيعة علي جانب جوز الفرد الامامي ومعرفش معدل تأكل المداس كام

جزاك الله خير علي الاهتمام
الكاوتش الي فيها بتاع الفلريكة واسمه kormoran هو مش عامل مشاكل ومانمش ولا مرة ولا اتخرم واعتقد ان حالة السلك كويسة لكن الي هيخليني اغيرة الفترة الكبيرة وظهور تشققات رفيعة علي جانب جوز الفرد الامامي ومعرفش معدل تأكل المداس كام

اقتباس:

---

المشاركة الأصلية كتبت بواسطة wmz

جزاك الله خير علي الاهتمام
الكاوتش الي فيها بتاع الفلريكة واسمه kormoran هو مش عامل مشاكل ومانمش ولا مرة ولا اتخرم واعتقد ان حالة السلك كويسة لكن الي هيخليني اغيرة الفترة الكبيرة وظهور تشققات رفيعة علي جانب جوز الفرد الامامي ومعرفش معدل تأكل المداس كام

---

بالنسبة لمعدل التأكل بيتم قياسه بواسطة بوكليز بشكل عمودي علي المداس من اعلي نقطة في النقشة لأوطي نقطة

و لكن بما أن ظهرت تشققات جانبية فمن الافضل تغييره
و طالما انك مش بتمشي كتير و بتغير الكاوتش علي المدة و ليس الكيلومترات يبقي من الافضل تركب نوع مش غالي و تعمل تدوير للاطارات كل 10,000 كم و تستخدم منظفات أو أسبريهات تلميع للكاوتش كل فترة تحافظ علي لمعانه و في نفس الوقت تحافظ عليه طري لأطول وقت ممكن

لكن لو بتسافر كتير زي حالاتي و بتعمل كيلومترات في وقت قليل و بتمشي بسرعات كبيرة يبقي أنصحك بكاوتش كويس يتحمل الطرق و السرعات

على العكس الكاوتش الغالى زىى البريدجستون او اليوكوهاما بتبقى الخامات عالية الجوده وده بيتحمل الركنة والرطوبة وقلة التشغيل اكتر بكتير من الكاوتش الرخيص وده بيديلة عمر افتراضى والكاوتش مابينملش ويشقق وعلشان كده الناس اللى بتشترى كاوتش مستعمل بتدور على الماركات دى علشان بيبقوا متاكدين من متانه الكاوتش وتحملة لاقصى درجة !!

ما دام حضرتك مش بتستخدم العربية كتير.. يبقى المفروض ما تجيبش حاجة غالية أو مواصفاتها عالية .. ﻷنك غالبا مش هتحتاجها..

عموما.. الtreadwear أو مؤشر التآكل بيبقى دليل على إذا كان الكاوتش ده طري ولا ناشف..

في جميع الأحوال... ما تخليش الكاوتش يقعد في العربية أكتر من 5 سنين من تاريخ إنتاجه.. وتاريخ الإنتاج بيبقى مختوم على أحد جنبين الفردة وبيبقى رقم من 4 خانات...

أول خانتين بيبقوا رقم الأسبوع اللي تم الإنتاج فيه.. والخانتين التانيين بيبقوا للسنة ااميلادية

زي كده

3415

ده معناه إن فردة الكاوتش انتجت في الأسبوع ال34 من سنة 2015... وحضرتك عارف إن السنة 52 أسبوع..


فنصيحتي الوحيدة لحضرتك إنك تشتري كاوتش جديد على قد ما تقدر... وما تقعدوش أكتر من 5 سنين.....وما تنساش الاستبن


...