الموضوع: أكواد خدمة acea

كود acea a1 موفر فعلا في البنزين.. ولكن ممكن جدا يكون التوفير ده غير محسوس لإن المواصفة بتاعت acea بتعتبر الزيت موفر في الوقود لو عمل فرق في الاستهلاك حوالي 2.5% أفضل من ال15w-40..

أما بالنسبة لحماية المحرك.. فالزيت ده عايز استخدام "عادي"... وللأسف الاستخدام العادي ده مش بيحصل مع حد فينا لإن الكتالوجات محددة طبيعة الاستخدام "الشاق" بشوية حاجات زي:
القيادة في الزحمة.. القيادة في درجات حرارة مرتفعة.. المشاوير القصيرة أقل من 8 كيلومتر.. القيادة في الجو المغبر.. القيادة بسرعة عالية أعلى من 140 كم/س...

يعني الزيت ده عايز واحد عايش في منطقة فاضية ومشاويره كلها رايقة وكمان الجو اللي بيسوق فيه دايما شتا أو ربيع... وده من الآخر كده جو أوروبا.

الزيت ده لو استخدمته نزله على مواعيد الاستخدام الشاق وما تزودش كيلو واحد عن المكتوب في الكتالوج (كبيرك 5000 كم).

والأهم... ﻻزم تتأكد من إن كتالوج عربينك بيوصي بالكود ده أصلا.. وإلا ما تستخدموش من أساسه..

وأنا شخصيا لو قدامي زبت بالكود ده مش هستخدمه.. وهجيب acea a5... أفضل بكتير.



...

المشاركة الأصلية كتبت بواسطة Bassam Zaki

بجد شكرا ليك جدا يا بشمهندس على ردحضرتك
بس حتى لو الزيت اللي بكلم حضرتك عنه كان تخليقي بالكامل
وحتى لما قريت في كتالوج العربية لقيت مواصفة Vw 503 00 Acea A1
تحت بند Auto's met long-lifeservice والمواصفة دي لزوجتها 5W-30 or 0W-30

لو الكتالوج عندك بيوصي بمواصفات معينة .. فانسى أي كلام تسمعه من أي حد تاني.

احنا بنتكلم بشكل عام...


على حسب ما فهمت.. العربية عندك فولزفاجن..

عموما.. خلي بالك إن كتالوجات الفولزفاجن فيها توصيف يلخبط شوية...

فولزفاجن في العادة بتوصي بالزيت على حسب أسلوب استخدامك وعلى حسب نظام صيانتك للعربية... وعلى حسب عربيتك فيها تجهيزات معينة ولا لأ.


لو عربيتك مجهزة بأجهزة قياس عمر الزيت... فهنا لازم تلتزم بحاجات معينة بيبقى كاتبهالك في الكتالوج.. وبناء عليه تقدر تخلي الزيت في العربية لمسافات ومدد طويلة جدا (على حسب ما أذكر 50 ألف كيلومتر أو سنتين).. وطبعا.. مواصفات الزيت بتكون عالية.

إنما لو عربيتك مش مجهزة.. أو بتمشي بنظام الصيانة العادي بتاع العربيات العادية.. فهنا مواصفات الزيت بتتغير للمستوى الأقل غالبا.. وتغيير الزيت بيكون أسرع (15 ألف على أقصى تقدير)..


فلازم تفهم الكتالوج كويس قبل ما تجيب الزيت .. لإنك لو كنت ماشي بنظام وجبت الزيت بتاع النظام التاني ممكن تسبب مشاكل على المدى الطويل... أبسطها تكون الترسبات الطينية جوه الموتور (Sludge)... ودي حاجة معروفة عن مواتير فولزفاجن.


...