الموضوع: نفسي اشتري عربية :)

السلام عليكم :) اولا انا اول مرة اشترك في منتدي واول مرة اكتب موضوع الي حفذني قمه الاحترافيه في الردود والناس المحترمه فعلا والنصائح الرائعه الي استفدت منها كتير دا خلاني اعمل تسجيل واكتب موضوع عشان مطولش عليكوا بقي

انا اول مرة اشتري عربيه وبعد ما عملت سيرش في المنتدي عن انواع العربيات وكميه المعلومات الرهيبه الي عرفتها منكم قولت مش هسال صحابي ولا هسال حد الا انتم :)
انا لسة شاب وعاوز عربيه اروح بيها مشوار شغلي كل يوم انا وزوجتي من عين شمس للمهندسين وبعدين بطلع من المهندسين الي مدينه نصر انا بدفع مواصلات تقريبا 1000 جنيه شهريا :(
انا معايا تقريبا 35 او 40 الف جنيه بالكتير قريت عن

الفيات بونتو 94
ورينو كليو 2004
و سيات ايبيزا
اسبرانزا a113
وفيات بيترا
وبولوا
وكل عربيه قريت فيها مميزات وعيوب وشرحكم الوافي الجميل خلاني اشرحلكم ظروفي عشان ترشحولي عربيه من العربيات دي او اي نوع تاني يكون موفر في البنزين وقطع غيار كويسة وانا اصلا من النوع الي بيحافظ علي الاشياء وفي السواقه مش قوي بس اتعلمت بسرعه جدا لدرجه ان اول مرة ركبت 27 مشيت بيها علطول :) عفريت انا انا عارف ههههههه .. فانا بعد ازنكم محتار ومش عاوز ارمي فلوسي لاني اتصرفت فيهم بالعافيه ولسة بجمع في حقهم كمان انا عارف المبلغ مش كبير بس نفسي اجيب حاجه كويسة انا طولت معلش بس اخوكم الصغير وبيدلع عليكم بقي :) ربنا يخليكم فعلا انتم فتحتوا نفسي اني اركب عربيه وكمان عاوز اعرف اجراءات الشراء والرخصة بس دي مش مهمه قوي الاهم اني اختار عربيه كويسة انا بتابع علي دوبيزل وعلي كونتكت كار ولو في ابليكيشن تاني زيوا ياريت تقولولي واسف علي الاطاله مرة تانيه وشكرا ليكم ولو حد حابب يتواصل معايا ahmedota525@gmail.com دا الايميل بتاعي وشكرا ليكم جدددددددااااااا :) اخوكم احمد ابراهيم

المشاركة الأصلية كتبت بواسطة عقرب عجوز

اهلا بحضرتك وربنا انشالله يكتبلك الي فيه الخير
من راي المتواضع ارشحلك رينو كليو عن تجربة انا من حلمية الزيتون وشغلي ف مدينة نصر
العربيو بجد حاجة محترمة ثبات عالطريق استهلاك بنزين ممتاز حاجة فرنساوي كدة محترمة جدا قطع غيارها واسعارها كويسة اقرا برضو اكتر عنها
وربنا يوفقك في اختيارك

محتاج اتواصل مع حضرتك ياريت عشان افهم منك اكتر دا رقمي ممكن نتواصل واتس اب 01008981631 اسمي احمد ابراهيم