الموضوع: نقص زيت شديد فى صنى 2008

ممكن يكون انت بتبص على العربية وهى باردة تلاقى العلامة على max وهى سخنة على min

طبعا يا عم محمد انت سيد العارفين ان الزيت مالوش غير 4 اماكن يخرج منهم

تسريب من الجوانات
تبخر من سكة الفايظ لو شمبر حبك الزيت بايظ
احتراق مع الوقود من سكة الشنبر او الصباب
هروب الى ماء التبريد لو فيه مشكلة جوان وش سلندر

اسهل اختبار هو اختبار الفايظ، هتحتاج تفك خرطوم ال Pcv وتسد مكانه فى الثروتل بادى، بصباعك،و تفك خرطوم البريز وتشد دراع الاكسراتير، جابت معاك بخرة يبقى عيب شنبر حبك الزيت وتبقى العربية محتاجة طقم شنبر ويروح صاحبك يشرشحلهم فى التوكيل لأن المفروض فى الحالة دى يجيبوله موتور جديد، هو مدفعش حاجة وتسعين ألف علشان يركب عربية ويشمبرها بعد كام شهر

لو مفيش بخار يبقى عليك وعلى محطة البنزين تختبر كبس موتور، لو الكبس طلع ضعيف يبقى برضه عيب شمبر او صباب وبرضه ويروح صاحبك يشرشحلهم فى التوكيل لأن المفروض فى الحالة دى يجيبوله موتور جديد، هو مدفعش حاجة وتسعين ألف علشان يركب عربية ويشمبرها بعد كام شهر

لو كبس الموتور كويس يبقى بص على مية التبريد، هل مختلط عليها زيت ام لا

لو مية التبريد نضيفة يبقى لازم تلاقى زيت متسرب فى مكان ما، بص على مكان الطبة من تحت وبص حوالين الموتور كله وبص على اويلسيلات الكرنك

اما بأه حكاية بخر زيادة اللى قالوها فى التوكيل فدى الاشتغال بعينه، لأن طول الوقت الزيت مفتوح له سكة هروب من خرطوم ال Pcv وطول الوقت الضغط فى كارتيرة الزيت اعلى من الضغط الجوى بسبب هروب نسبة من غازات الحريق وطول الوقت الضغط داخل الثروتل بادى اللى بيفتح عليه خرطوم ال Pcv اقل من الضغط الجوى، يعنى اى كمية زيت هتتبخر هتتشفط الى الثروتل بادى لحظيا، وبالتالى الزيت مش مستنى تنفيس فى غطا التاكيهات علشان يتبخر، ونسبة البخر دى بتكون محسوبة وبتكون جرامات مش كتير طوال عمر الزيت داخل المحرك

فيه برضة اقتراح تانى قبل ما يولع فى التوكيل، انه لو حاطط موبيل وان يغيره الى شل اكسترا ولو حاطط موبيل Xhp يغيره الى شل هيليكس 20-50 لاكن فيه كلام كتير ان زيت موبيل خفيف وبيتبخر، وده بس لقطع الشك باليقين قبل ما الراجل يقتل حد علشان محدش دمه يروح هدر