الموضوع: حساس الكرنك والكامه

السلام عليكم ياشباب

من فتره كده ظهرت علامه الcheck engine وديتها لواحد عنده كشف كمبيوتر طلع مشكله في حساس الكرنك
خدتها ووديتها التوكيل بردو عشان اتأكد عملوا فحص بالكمبيوتر والمهندس هناك قالي ان المشكله في حساس الكامات وحساس السرعه cam shift position sensor و vehicle speed sensor ف انا دلوقتي عاوز افهم ليه التوكيل قالي حساس كامه وليه المركز التاني قالي حساس كرنك؟ هل هما حساس واحد يعني ولا ايه المشكله بالظبط

كمان انا العربيه بتبطل مني علي السلانسيه يعني مثلا وانا بهدي وداخل علي مطب او واقف عشان ارجع بضهري كده يعني عمرها مابطلت مني وانا مثلا دايس بنزين وبجري .. هل ده من مشاكل الحساسين دول سواء الكرنك او الكامات ؟ ولا دي مشكله تانيه ؟
العربيه نيسان صني n17