مشكلة في الزينون

**AhMeD MeTwAlY** · 06-03-2016 03:46 PM

دلؤقتي انا الزينون جنني خلاص

المشكلة حصلت من 3 او اربع شهور
لمبة الزينون فصلت روحت لواحد كهربائي قالي اللمبه محروقه هات اتنين وفعلا روحت اشتريت اتنين وركبناهم والنور شغال عالي وواطي وتمام
جيت افتح النور بليل فانوس واحد اشتغل روحت للكهربائي قالي جرب لمبه تانيه اشتغل وظبطنا عليها النور وقالي دي باظت رجعها للراجل انا كبرت دماغي ومشيت عادي روحت مشوار نزلت اشغل العربيه لمبه واحده الي اشتغلت
بدات بقي اتخنق قمت فاكك الزينون ولما فضلت احنكش فيه وصلت ان لما بفصل الاسلاك بتاعت العالي في الاتنين بيشتغلو تمام بس بدون تقليب انما لما اوصل سلك النور العالي لازم واحده تفصل بمزاجهم هما مش مزاجي انا يعني مره تلاقي اليمين مره تلاقي الشمال مره تلاقي الاتنين
المشكله فين ؟؟؟
ولو الموضوع صعب اوي كدا انا ممكن استغني عن الزينون اركبه شبوه
بس محتاج لمبات فوق تعمي بمعني الكلمه لاني بنزل البلد كتير والطريق رايح جي ويا دوب بياخد عربيتين والناس بتمشي فاتحه العالي لدرجة اني وقفت في عرض الطريق ونزلت سالت واحد انت فاتح العالي قالي عشان اشوف

قولتله وانا مشوفش قالي مش مشكلتي
العربيه سكودا فليشيا 97 اللمبات عالي وواطي في لمبة واحده

**AhMeD MeTwAlY** · 06-03-2016 08:02 PM

هو الموضوع كبير كدا
طيب النهارده انا غيرت البلطات باتنين بخمسين جنيه الوحده
واشتغلو تمام الاتنين بس لو سبتهم شغالين خمس دقايق ورجعت شغلتهم تاني ميشتغلوش لازم اسبهم شوية وبعدين اشغلهم دا طبيعي؟؟

**AlphaCharlie** · 06-03-2016 08:43 PM

لو تقدر تستغنى عن الزينون في الفوانيس الرئيسية وتنقله في الشبورة يبقى خير ما فعلت.
وتشتري طقم نايت بريكر اصلي غالبا ثمنهم 220 او 230 حيديك 150% قوة النور العادي وحوالي 30 متر زيادة في الاضاءة.

**AhMeD MeTwAlY** · 07-03-2016 12:51 AM

المشاركة الأصلية كتبت بواسطة alphacharlie

لو تقدر تستغنى عن الزينون في الفوانيس الرئيسية وتنقله في الشبورة يبقى خير ما فعلت.
وتشتري طقم نايت بريكر اصلي غالبا ثمنهم 220 او 230 حيديك 150% قوة النور العادي وحوالي 30 متر زيادة في الاضاءة.

دي الفكره المقترحه عندي في الوقت الحالي فعلا اني اشيل الزينون واركب لمبات مكانه وفي ناس قالتلي هات لمبات الواطي نور عادي والعالي زينون
نايت بريكر تصنيعه ايه بظبط واعرف ازاي انه الاصلي لاني بدات اتخنق من الفتي

**AlphaCharlie** · 07-03-2016 08:51 PM

المشاركة الأصلية كتبت بواسطة ahmed metwaly

دي الفكره المقترحه عندي في الوقت الحالي فعلا اني اشيل الزينون واركب لمبات مكانه وفي ناس قالتلي هات لمبات الواطي نور عادي والعالي زينون
نايت بريكر تصنيعه ايه بظبط واعرف ازاي انه الاصلي لاني بدات اتخنق من الفتي

النايت بريكر تصنيع ألماني. وتعرف إنه أصلي لما تشتريه من واحد واخد التوكيل بتاعه. أنا أعرف واحد في أكتوبر أشتريت من عنده طاقم لمبات h1 ب 190 جنيه. بالنسبة لل h7 ب 225 جنيه. عموما السعر من 185 إلي 230

**AhMeD MeTwAlY** · 11-03-2016 01:12 AM

تم حل المشكلة
والجزئ الي كان بايظ ان الكتاوت الي كانت بتركب بتاعت الزينون 35w المفروض اركب كتاوت زينون 55w وفعلا لما ركبتها وجربت الزينون اكتر من مره الحمد لله شغال تمام