الموضوع: استفتاء لاصحاب الخبره و اصحابي الجدعان في نظام صوت

سلام عليكم و رحمه الله و بركاته
انا معايا كورولا 2004 و كنت عاوز اركب نظام صوت علي ادي كده و كنت عاوز اسالكم علي شويه حاجات
اولا الكاسيت اللي فيها هو الكاسيت الاصلي يا تري هحتاج اغيره ضرورى و لا ممكن نسيبه زي ما هو
انا كل اللى عاوزه نظام صوت رايق و صافي و مفيش مانع من اني احيانا بحب اسمع اغاني خبط و رزع انا لقيت فيه اراء كتير هنا ف المنتدي عن تركيب جوز سماعات كيينوود 400 دبل بيس او 700 وات بس يكون معاهم جي ام يا تري كده هانغير الكاسيت و نجيب بايونير بردو
الكاسيت البايونير 1750 ب677 علي سوق دوت كوم و دا تقريبا اعلا حاجه شوفتها ع الموقع لاني مش بفهم ف موضوع الصوت دا خالص و لقيت جي ام علي نفس الموقع 600وات ب905 تقريبا اللي هو سيمفوني و بردو شوفت ناس كتير بتشكر فيه بس انا مش عارف اصلا ايه لازمه الجي ام و لا ليه هاحطه اصلا بس يا تري هايفرق مع نقاء الصوت ؟؟ سماعات كينوود 700وات تقريبا ب400 او حاجه مش فاكر بصراحه يا جماعه
يعني كاسيت بايونير و جي ام 600 وات و سماعتين كيينوود 700 وات هيدخلو ف 2000 جنيه علي كده مش ناقص غير بازوكا بقي و بناقص 1000 كمان بس انا عاوز اوفر شويه عشان اعدل شويه نور الصالون و اصلح المكيف بتاع العربيه
ايه رايكم لو ركبنا 4 كيينوود 400وا دبل بيس دول هيعملو 700 جنيه و كاسيت بايونيير ب677 وجي ام يا دوب علي اد السماعات هانبقي محتاجين جي ام كام يا جماعه و يا تري كده الصوت هيبقي كويس
عاوز اقتراحتكم في اوفر نظام و يعني لو حبينا نزود فيه حاجه بعد كده نقدر نغيرها من غير خساير انا الميزانيه 1500 وممكن2000 كمان بس بالخناق بقي شوفولولي و النبي اقدر اعمل ايه و لو ممكن نوفر من مصاريف الصوت عشان لسه كمان هاشتري طقم جنط 15 و مش عارف منين ما حدش يقدر يدلني علي واحد يديني فردتين اتنين او واحده من الجنط بدل المكسوره
عندي فكره في اضائه نور الاصالون لما اعملها هارفعهلكم بس ادعولي لاني فلوس قربت تخلص