يوميات مواطن مصرى فى مبنى مرور طنطا الجديد المطور فى سبرباى لتجديد رخصة تسيير مركبة

[img3]http://i.imgur.com/SUAgH.png[/img3]

http://i.imgur.com/uy7L24S.gif

http://i.imgur.com/xWl2f.gif


فيديو تفاعلي عن إجراءات التراخيص والمستندات المطلوبة

http://www.youtube.com/watch?v=PQjB_n1M9pA



http://i.imgur.com/xWl2f.gif

http://i.imgur.com/uy7L24S.gif

ملخص لما تم خلال 6 أيام لتجديد رخصة تسيير المركبة
التفاصيل كلها فى باقى الموضوع

(1) بعد 3 محاولات فى 3 أيام على مدار شهر ذهابا وايابا الى نيابة مرور طنطا فى سبرباى تم استخراج شهادة المخالفات والحمد لله مفيش اى مخالفات وتم دفع 10 جنيه رسوم

(2) فى اليوم التالى توجهت مرة اخرى رابعة لاجراء الفحص الفنى للسيارة وصلاحية الطفاية اشتريت طلب الفحص الفنى وشهادة صلاحية طفاية الحريق وطوابع شرطه للتجديد 3 سنوات ودفعت 18 جنيه

(3) توجهت الى اكشاك التأمين الاجبارى ودفعت 310 جنيه رسوم التامين لمدة 3 سنوات

(4) اخدت العربية وتوجهت الى الباب الآخر فى الجهة الاخرى من مبنى مجمع الخدمات المرورية للدخول لعملية الفحص الفنى للسيارة وفحص طفاية الحريق تمت بنجاح بعد حوالى ساعة من الانتظار على الابواب وفى الطابور وتوجهت الى مبنى المرور للوصول الى الموظف المختص لاتمام اجراءات تجديد الرخصة ولكن فوجئت بالطوابير اللى فى الصور والخناقات على الابواب لمجرد اخذ رقم فقط !!!


(5) توجهت لليوم الخامس الى مبنى المرور وبتاخد رقم وبتنتظر حتى يتم النداء على رقمك وكان فيه نظام ونظافه على مستوى عالى ... ولما جه الدور عليا لتجديد رخصة عربيتى شاهين موديل 2004 توجهت الى الموظف

- بيكتبلك وصل تروح بيه للخزنه علشان تدفع ضريبه 3 سنوات 685.40 جنيه + 20 جنيه 3 استمارات نموذج 251 من الخزنة
- بـ 5 جنيه ملف اصفر معفن كان بيتباع قبل كده بـ 1 جنيه فى المرور القديم الموظف كتب عليه رقم العربية ملف فرعى وللأسف النت كان مقطوع عن المرور والطابعه مش شغاله

- الموظف بياخد منك الاوراق كلها شهادة المخالفات + اورنيك الفحص وشهادة صلاحية الطفاية + صورة البطاقة الشخصية

(6) فى اليوم السادس توجهت الى المرور والنت رجع والحمد لله والطابعة اشتغلت واستلمت الرخصه

http://nileup.com/up/uploads/nilemotors_14580681451.jpg

تمت بحمد الله

http://i.imgur.com/xWl2f.gif

مواضيع ذات الصلة

http://www.nilemotors.net/Nile/338242-a.html

http://www.nilemotors.net/Nile/459600-a.html

http://www.nilemotors.net/Nile/371786-a.html



http://www.samysoft.net/forumim/nehaya/c336f12409-4.gif

http://i.imgur.com/Ml7kAAl.gifhttp://i.imgur.com/lolFOkW.gifhttp://i.imgur.com/0xjs9lu.gifhttp://i.imgur.com/toXv2SU.gifhttp://i.imgur.com/0xjs9lu.gifhttp://i.imgur.com/XYDLQYN.gifhttp://i.imgur.com/iwQxkMF.gif

http://i.imgur.com/2efLjdK.gif

فعلا حاجة غير ادميه

مش طنطا بس ده كل المرور الا القليل منهم فى المناطق الراقيه جدا وليست الراقيه فقط

بالصور.. زحام بنيابة مرور طنطا بسبب شهادات المخالفات: «تعامل غير آدمي»

https://scontent-amt2-1.xx.fbcdn.net...4a&oe=57968B03

تكدس المواطنين الراغبين فى استخراج شهادات المخالفات في مقر نيابة مرور طنطا بـ«سبرباي».
أحمد العواني التقط صورًا لمشهد الزحام وأرسلها لنا عبر رقمنا على «واتس آب»، الذي يتلقى أخبار وصور المواطنين، وتُنشر على موقع «شارك المصري اليوم»، كبتل
وأشار «العواني» إلى أن مقر نيابة مرور طنطا في منطقة سبرباي تم تجديده بهدف التيسير على المواطنين وتقديم الخدمة بسهولة وبجودة عالية، إلا أنه فشل في استخراج شهادة المخالفات بعدما ذهب مرتين «أول مرة كانت من شهر، الملفات كانت مسافرة القاهرة ومفيش شهادات مخالفات، تاني مرة النهاردة ولاقيت المنظر المفجع ده مفيش مكان تحط فيه رجل واحدة».
وأضاف: «رجعت بدون ما أعمل أي شيئ، الرخصة انتهت وعاوز أجددها، شئ غير آدمي ومعاملة مهينة… مش عارف أعمل إيه؟!!»

الرابط على جريدة المصرى اليوم

http://sharek.almasryalyoum.com/citi...harbya/476554/


https://scontent-amt2-1.xx.fbcdn.net...4a&oe=57968B03

https://scontent-amt2-1.xx.fbcdn.net...37&oe=575E0EDA

https://scontent-amt2-1.xx.fbcdn.net...64&oe=574BBA8A

شوف من الاخر بتدور على حد من اللى بيخلصو انا اخر مره دافع 60 جنيه استغرق الوقت 10 دقائق وكانت شهاده المخالفات فى ايدى وكان الزحمه فظيعه بس نعمل ايه هى دى الدوله سلك امورك او ضيع يوم كامل واتبهدل

كنت هناك من إسبوعين كده عشان أطلع شهادة مخالفات لتجديد الرخصة

قالك الورق لسه مجاش وهتاخد ورقة هبلة كده بتنص علي الأتي :
" أن نيابة المرور معندهاش مانع إنك تستكمل إجرائات الترخيص لحين وصول أوراق المخالفات للنيابة بعد شهر "

وده معناه أنك عشان تجدد الرخصة هتروح المرور - اللي فـ مكان تاني - مرتين .. أيوه إنت قريتها صح.. ليه :no1: ؟؟

-مرة عشان تاخد تصريح مؤقت أن الدولة هتسيبك تمشي علي الأرض الملكية لمدة شهر.
- والمرة التانية عشان لو حصلت معجزة والورق وصل بعد شهر تروح بقي تقدم لـ رخصه المكوك بتاعك.

يستثني من ذلك الصور النمطية للتأخيرات اللي هي :
- الورق لسه موصلش - الكمبيوتر عطلان - سراج بيه اللي بيشخبط بالأحمر القلم بتاعو خلص :satelite:

الجدير بالذكر أن موظف الشباك كان محترم جدا للأمانة

ومصدعين دماغنا بالحكومة الالكترونية .. بجد مهزلة وتعامل غير ادمي.

ضيف كمان نيابة مرور6 اكتوبر النقل مع الملاكى مع التاكسى مع الرخص المهنيه والله فى الصيف لاتقدرتاخد نفسك وله تعرف تقف على رجلك غيرمعاملة الناس مع بعض فى الزحمة والسجاير والارض مش نضيفه المنظومه كلها فاشله ومفيش امل لاى حلول

اقتباس:

---

المشاركة الأصلية كتبت بواسطة rotanamasoud

شوف من الاخر بتدور على حد من اللى بيخلصو انا اخر مره دافع 60 جنيه استغرق الوقت 10 دقائق وكانت شهاده المخالفات فى ايدى وكان الزحمه فظيعه بس نعمل ايه هى دى الدوله سلك امورك او ضيع يوم كامل واتبهدل

---

.........

مهو ده المفهوم الاليكترونى للحكومة

:Zb_sor1[1]::Zb_sor1[1]::Zb_sor1[1]::Zb_sor1[1]:

rotanamasoud

:bravo::bravo::bravo::bravo::bravo::bravo::bravo:: bravo::bravo::bravo::bravo::bravo::bravo::angelnot ::angelnot::angelnot::angelnot::angelnot::angelnot ::angelnot::angelnot:

https://scontent-amt2-1.xx.fbcdn.net...ae&oe=5792700D


اليوم.. افتتاح مبنى مرور طنطا الجديد

الغربيه - بوابة الوفد - عاطف دعبس :

يفتتح صباح اليوم الخميس اللواء أحمد صقر محافظ الغربية مبنى إدارة مرور طنطا الجديد بمنطقة سبرباى بجوار مجمع المواقف الجديد بحضور اللواء نبيل عبد الفتاح مدير إدارة المرور واللواء حسام خليفة نائب مدير الأمن واللواء أحمد عبدالوهاب واللواء حاتم عبد الله مساعدى مدير الأمن والعميد إبراهيم عبد الغفار مدير المباحث ونواب مجلس النواب ومنهم اللواء سعيد طعيمه وعبد المنعم العليمى وجلال عواره نواب طنطا.
وأكد المقدم حسن الحو مدير المشروع التنفيذى أن المبنى تكلف 9 ملايين جنيه ويضم كافة الإدارات المتعلقة بالتراخيص والفحص والتجديد والتصوير والتأمين والمخالفات بحيث لايضطر المواطن إلى التوجه لأكثر من مكان لإنهاء إجراءات الترخيص كما كان يحث سابقا
وكان اللواء محمد نعيم محافظ الغربية الأسبق قد قام بوضع حجر الأساس للمبنى الجديد ليكون مقرا حضاريا ومناسبا لعاصمة الغربية.

نقلاً عن جريدة الوفد


https://scontent-amt2-1.xx.fbcdn.net...03&oe=574D501B

https://scontent-amt2-1.xx.fbcdn.net...4f&oe=57950F52

https://scontent-bru2-1.xx.fbcdn.net...ba&oe=5797DC3A

الحمد لله نفدت منييييييييييييييييييهم
بعد محاولتين فاشلتين لاستخراج شهادة المرور
نجحت فى المرة الثالثه اليوم
وكعادة اى مواطن صالح ملتزم بقوانين وآداب المرور
مفيش اى مخالفات .... لله الحمد والشكر
ان شاء الله هبدأ فى اجراءات تجديد الرخصة من بكره

بالصور.. محافظ الغربية ومدير الأمن يفتتحان مبنى إدارة المرور الجديد بطنطا
الافتتاح تم يوم الخميس الماضى
والجاتوه والحاجه الساقعة والوجبات اتوزعت واتاكلت بالهنا والشفا والحفلات اقيمت بمناسبه هذا الصرح العظيم لخدمة المواطنين
وطالب "السيد المحافظ"، العاملين بالمبنى، بالحفاظ على الشكل الحضاري للمبنى والعمل على تسهيل الإجراءات في إطار القانون والعمل على إنهاء أي أوراق للمواطنين في أسرع وقت وحسن معاملة المواطنين واحترام حقوق الإنسان.
ولكن الواقع والحقيقه غير كده تماماً الوضع مأساوى والزحام لا يطاق والوقت بيهدر
لسه راجع من هناك لرابع مره بعد انجاز جزء ضئيل جدا من المطلوب !!!

اقتباس:

---

بالصور.. محافظ الغربية ومدير الأمن يفتتحان مبنى إدارة المرور الجديد بطنطا

http://gate.ahram.org.eg/media/news/...1-316_main.jpg

افتتح اللواء أحمد ضيف صقر محافظ الغربية، واللواء محمد الشرقاوي مساعد وزير الداخلية لوسط الدلتا، واللواء نبيل عبد الفتاح مدير أمن الغربية، اليوم الخميس، مبنى إدارة المرور الجديد بطنطا والذي يضم الشهر العقاري ووحدة التراخيص ونيابة المرور على مساحة 12600 متر بتكلفة 9 ملايين جنيه.

وأكد مدير أمن الغربية أن هذا الصرح يرفع شعار "لا للرشوة.. لا للمحسوبية"، لوجود كاميرات بجميع أنحاء المبنى، تراقب جميع الإجراءات التي تقدم للمواطنين من قبل جهاز الشرطة.

وأضاف "عبدالفتاح"، أن المبنى يتكون من غرفة مركزية تحتوي على شاشات لمراقبة حركة السير وميدان اختبار القيادة من أنفاق وكباري وساحة للفحص الفني وعيادة وحملة ميكانيكية ومحاكم ونيابات المرور والشهر العقاري ومبنى إعاشة ومنافذ شركات التأمين.

وأوضح مدير الأمن، أن مبنى إدارة المرور يتكون من غرفة مركزية بها 65 كاميرا موزعة على جميع الشوارع الرئيسة والميداين العامة لمراقبة حركة المواصلات لمنع التكدس وإظهار جميع محاولات سرقة السيارات التي تتم في الشوارع.

ووجه اللواء أحمد ضيف صقر محافظ الغربية، الشكر للواء محمد نعيم محافظ الغربية الأسبق، الذي قام بتخصيص تلك المساحة لإنشاء ذلك الصرح الكبير الذي يمثل طفرة كبيرة في الخدمات الشرطية.

وطالب "صقر"، العاملين بالمبنى، بالحفاظ على الشكل الحضاري للمبنى والعمل على تسهيل الإجراءات في إطار القانون والعمل على إنهاء أي أوراق للمواطنين في أسرع وقت وحسن معاملة المواطنين واحترام حقوق الإنسان.

http://gate.ahram.org.eg/media/news/...0251054-25.jpg

http://gate.ahram.org.eg/media/news/...0407053-40.jpg

http://gate.ahram.org.eg/media/news/...520392-552.jpg

---

فكرة تجميع كل مقدمى الخدمات المروريه من نيابة مرور وشهر عقارى والمرور والفحص فى مكان واحد ممتازه بدل ما كنا بنتسحل من اقصى شمال طنطا الى اقصى جنوبها ومن شرقها الى غربها لاتمام اجراءات الترخيص والتجديد ونقل الملكية
وكنت بتمنى اشوف خدمة محترمه بعد ما كل العالم سبقنا فى تيسير وتسهيل الخدمات لمواطنين ولكن للأسف مفيش اى تغير ملموس فى الخدمة بالعكس الوضع سيئ جدا والزحام لا يطاق والوقت والجهد بيضيع بدون داعى ومفيش حاجه بتخلص بالساهل
ده المنظر اليوم الاحد 13-3-2016

http://www.youtube.com/watch?v=HSj5PPNepSI

عملية الفحص الفنى للسيارة وفحص طفاية الحريق تمت بنجاح بعد حوالى ساعة من الانتظار على الابواب وفى الطابور ودفعت التأمينات وتوجهت الى مبنى المرور للوصول الى الموظف المختص لاتمام اجراءات تجديد الرخصة ولكن فوجئت بالطوابير اللى فى الصور والخناقات على الابواب لمجرد اخذ رقم فقط !!!

https://scontent.faly1-1.fna.fbcdn.n...51761943_o.jpg

https://scontent.faly1-1.fna.fbcdn.n...41279866_o.jpg

https://scontent.faly1-1.fna.fbcdn.n...19731737_o.jpg

https://scontent.faly1-1.fna.fbcdn.n...13227764_o.jpg

https://scontent.faly1-1.fna.fbcdn.n...82537420_o.jpg

https://scontent.faly1-1.fna.fbcdn.n...85281890_o.jpg

اقتباس:

---

المشاركة الأصلية كتبت بواسطة elawany13

بالصور.. محافظ الغربية ومدير الأمن يفتتحان مبنى إدارة المرور الجديد بطنطا
الافتتاح تم يوم الخميس الماضى
والجاتوه والحاجه الساقعة والوجبات اتوزعت واتاكلت بالهنا والشفا والحفلات اقيمت بمناسبه هذا الصرح العظيم لخدمة المواطنين
وطالب "السيد المحافظ"، العاملين بالمبنى، بالحفاظ على الشكل الحضاري للمبنى والعمل على تسهيل الإجراءات في إطار القانون والعمل على إنهاء أي أوراق للمواطنين في أسرع وقت وحسن معاملة المواطنين واحترام حقوق الإنسان.
ولكن الواقع والحقيقه غير كده تماماً الوضع مأساوى والزحام لا يطاق والوقت بيهدر
لسه راجع من هناك لرابع مره بعد انجاز جزء ضئيل جدا من المطلوب !!!

---

الف الف مبروك والله وعملوها الر ورفعه راس المهم هيا الحفله دى وطبعا جايببن بنات تسرفس على الضيوف كل ده على حساب مين جاتوهات ومشروبات لا والكارثه مياه معدنيه كل ده علشان افتتاح ادارة مرور ايه الاعجاز فى كده مش ده اهدارللمال العام فعلا مفيش امل فى البلد دى

حلقة اليوم اتنشرت على المصرى اليوم

بالصور.. مشوار بـ 4 أيام.. مواطن يرصد رحلة فحص سيارته بمرور طنطا - شارك المصرى اليوم

اليوم الخامس فى مبنى المرور الجديد

توجهت صباح امس الى مبنى المرور للمرة الخامسه فى الساعه 8:30
لاقيت طابور محترم واقف قدام المبنى بس كان منظم نوعا ما عن اليوم السابق وبيتحرك
من على البوابه بتاخد رقم زى البنوك وشركات المحمول

http://nileup.com/up/uploads/nilemotors_14580671841.jpg

وبمجرد دخولى عينى على الفور إلتقطت بعض الإيجابيات والتطور التى اتمنى ان تستمر وتتحسن للأفضل ولا يحدث فيها انتكاسه وبعض من السلبيات التى اتمنى تلاشيها فى المستقبل القريب

- المبانى جميلة جدا وفخمة من الداخل وفوجئت بتكييف شغال والجو بديع وفيه كراسى كتيره جدا للمواطنين للجلوس عليها وانتظار الساعه السعيدة التى سيتم نطق الرقم الخاص بسيادتكم
طبعا المكان مزدحم وفيه ضوضاء صاخبه بسبب الجمهور الكبير المتواجد والسيدة صاحبة الصوت العالى الشهيرة التى تنادى على أرقام العملاء ومدخنين زكموا انوفنا بسجائرهم اللعينة وللأسف المكان بيتوسخ رويدا رويدا بأعقاب السجائر
واستغربت ازاى المكان ده مفيهوش اى لوحات لمنع التدخين وغرامات على المدخنين خصوصا انه مغلق ومكيف أو حتى طفايات لأعقاب السجائر علشان متترميش على الأرض وربنا استجاب لأمنياتى وفوجئت وانا منتظر بفرد من أفراد الشرطة بيعلق لوحات ممنوع التدخين ولكن للأسف الناس اللى واقفين حواليه من جمهور المتعاملين أو حتى العاملين فى المرور بيضحكوا معاه وفى ايديهم السجائر ويتصاعد منها الدخان !!!

- من الايجابيات التى وجدتها ان الموظفين لابسين زى بلون موحد واعلى كل شباك موجود شاشة مضيئة بالرقم الذى سيتعامل معه الموظف وكانوا شغالين فى بيئة مناسبه ومريحة ليهم نوعا ما وفيه نظام عالى ومش بيتعامل الا مع العميل صاحب الرقم فقط مش الهرجله واللخبطة والعك اللى كان فى المبنى القديم وكان فيها موظفين كثر مخصصين لتجديد رخص التسيير والارقام كانت ماشيه بسلاسه وبسرعه نسبيه معقولة برغم الزحام الشديد ....فى المبنى القديم كان كل موظف مخصص له مجموعه من ارقام السيارات فكان من الطبيعى انك تلاقى موظف واقف قدامه 10 عملاء فى وقت واحد والتانى مفيش معاه شغل فى النظام الجديد كله شغال وبالرغم من انى انتظرت حوالى ساعة ونصف الا ان الاجراءات امام الموظف وامام الخزنة لدفع الضريبه وشراء النماذج واتمام الاوراق مأخدتش اكتر من ربع ساعه وتمت بسلاسه غير معهودة وبدون واسطه ولا محسوبيه وكنت منبهر جداً بهذه الجزئية تحديدا رغم معاناتى خلال الايام السابقة
ولكن ليا اقتراح للسادة المسئولين قد يفيد
لازمتها ايه تعامل المواطن مع الخزنة ؟ .. ليه اتعامل مع الخزنة ومع اللى بيبيع الاستمارات واللى بيبع الملفات !!!! ... ايه المانع ان العميل يتعامل مه موظف واحد فقط يكون عنده كل هذه الاوراق والمستندات وهو اللى يستلم منى الفلوس ويدينى الوصل ويبقى يحاسب الخزنة فى نهاية اليوم وبكده نوفر وقت اكتر ونحسن الخدمة أكثر
والكل يبقى مرتاح

- الضابط رئيس قسم الترخيص شاب شكله محترم برتبه رائد كان دائم الحركة فى وسط الجمهور وفى وسط الموظفين وبدت عليه العصبيه والتوتر الشديد كان بيرفض وبيصرخ فى وجه اى شخص بيحاول تخطى الدور وكان بيقول كله بالأرقام ومفيش حد احسن من التانى حتى ولو كان أمن دولة وأى موظف بيلاقيه متراخى او تسبب فى تكدس العملاء امامه كان بيهزقه امام الجميع وبيضغط عليه لإتمام عمله ... ولكن طبعا احنا فى مصر وفوجئت بشخص آخر بيزاحمنى فى دورى وتخطى دوره بورقه من سيادة الرائد !!!!

بعد اتمام الاوراق الموظفه قالتلى كده تمام وتنفست الصعداء ولكن الحلو مبيكملش كالعادة طباعة الرخص متوقفه بسبب انقطاع خدمة الانترنت عن مبنى المرور !!!!
فحضرتك هتنتظر حتى عودة النت وتشغيل الطابعة واستلام الرخصه
سألتها طيب ممكن امشى وابقى اجى آخر اليوم لاستلام الرخصة قالتلى ممكن على الساعه 1 الى 2 هتلاقيها جاهزة .. قولتلها مش ممكن تتأخر لبكره قالتلى لا هتاخدها النهاردة
قولتلها طيب علشان ادخل المبنى تانى هقف الطوابير الطويلة اللى تحت ديه تانى قالتلى خد رقمك وابقى ادخل بيه على طول
رجعت تانى الساعه الواحدة ظهراً فوجئت ان خدمة الانترنت لازالت معطله عن المرور !!
انتظرت حتى الساعه 2:30 مفيش فايده!!!

وانتهى اليوم الخامس بدون الحصول على الرخصة المنشوده
وكالعادة فوت علينا بكره ياسيد على ما النت يكون رجع ياخويا

الغريب ان خدمة الانترنت كانت شغاله على موبايلى وفى البيت بدون مشاكل
طيب اتفضلوا اطبعوها عندى

وكده بقيت ماشى بدون رخصة تسيير ومعرض فى أى لحظة للتوقف فى كمين وتطبيق القانون بغرامه وسحب رخصة القيادة أو سحب السيارة بالكامل
وربك اللى بيستر

********************************

اليوم السادس والأخير فى مبنى المرور الجديد

توجهت اليوم للمرة السادسة الى مبنى المرور على أمل ان يكون المرور سدد اشتراك الانترنت الخاص به لتى اى داتا وتم تشغيل الخدمة من جديد

والحمد لله على الساعه 12 ظهراً الرخصة تم طباعتها واستلمتها

لقد هرمت من أجل هذه اللحظة

http://nileup.com/up/uploads/nilemotors_14580681451.jpg

نقلت اليكم التجربة بحلوها ومرها
وبتمنى ان تصل هذه الآراء للسادة المسئولين
وعلى أمل ان الخدمة تتحسن ويخف التكدس ويسود النظام والعدل
ويظل شعار لا للواسطة والمحسوبيه قائما وفعالاً وتتغير الصورة رويدا رويدا نحو الأفضل والأحسن

ولنا عودة مع المرور ان شاء الله فى شهر 7 القادم لتجديد رخصة تسيير المتوسيكل

Elawany13

:bravo::bravo::bravo::bravo::bravo::bravo::bravo:: bravo::bravo:

[img3]http://i.imgur.com/SUAgH.png[/img3]

http://i.imgur.com/uy7L24S.gif

http://i.imgur.com/xWl2f.gif


فيديو تفاعلي عن إجراءات التراخيص والمستندات المطلوبة

http://www.youtube.com/watch?v=PQjB_n1M9pA



http://i.imgur.com/xWl2f.gif

http://i.imgur.com/uy7L24S.gif

ملخص لما تم خلال 6 أيام لتجديد رخصة تسيير المركبة
التفاصيل كلها فى باقى الموضوع

(1) بعد 3 محاولات فى 3 أيام على مدار شهر ذهابا وايابا الى نيابة مرور طنطا فى سبرباى تم استخراج شهادة المخالفات والحمد لله مفيش اى مخالفات وتم دفع 10 جنيه رسوم

(2) فى اليوم التالى توجهت مرة اخرى رابعة لاجراء الفحص الفنى للسيارة وصلاحية الطفاية اشتريت طلب الفحص الفنى وشهادة صلاحية طفاية الحريق وطوابع شرطه للتجديد 3 سنوات ودفعت 18 جنيه

(3) توجهت الى اكشاك التأمين الاجبارى ودفعت 310 جنيه رسوم التامين لمدة 3 سنوات

(4) اخدت العربية وتوجهت الى الباب الآخر فى الجهة الاخرى من مبنى مجمع الخدمات المرورية للدخول لعملية الفحص الفنى للسيارة وفحص طفاية الحريق تمت بنجاح بعد حوالى ساعة من الانتظار على الابواب وفى الطابور وتوجهت الى مبنى المرور للوصول الى الموظف المختص لاتمام اجراءات تجديد الرخصة ولكن فوجئت بالطوابير اللى فى الصور والخناقات على الابواب لمجرد اخذ رقم فقط !!!


(5) توجهت لليوم الخامس الى مبنى المرور وبتاخد رقم وبتنتظر حتى يتم النداء على رقمك وكان فيه نظام ونظافه على مستوى عالى ... ولما جه الدور عليا لتجديد رخصة عربيتى شاهين موديل 2004 توجهت الى الموظف

- بيكتبلك وصل تروح بيه للخزنه علشان تدفع ضريبه 3 سنوات 685.40 جنيه + 20 جنيه 3 استمارات نموذج 251 من الخزنة
- بـ 5 جنيه ملف اصفر معفن كان بيتباع قبل كده بـ 1 جنيه فى المرور القديم الموظف كتب عليه رقم العربية ملف فرعى وللأسف النت كان مقطوع عن المرور والطابعه مش شغاله

- الموظف بياخد منك الاوراق كلها شهادة المخالفات + اورنيك الفحص وشهادة صلاحية الطفاية + صورة البطاقة الشخصية

(6) فى اليوم السادس توجهت الى المرور والنت رجع والحمد لله والطابعة اشتغلت واستلمت الرخصه

http://nileup.com/up/uploads/nilemotors_14580681451.jpg

تمت بحمد الله

http://i.imgur.com/xWl2f.gif

مواضيع ذات الصلة

http://www.nilemotors.net/Nile/338242-a.html

http://www.nilemotors.net/Nile/459600-a.html

http://www.nilemotors.net/Nile/371786-a.html



http://www.samysoft.net/forumim/nehaya/c336f12409-4.gif

http://i.imgur.com/Ml7kAAl.gifhttp://i.imgur.com/lolFOkW.gifhttp://i.imgur.com/0xjs9lu.gifhttp://i.imgur.com/toXv2SU.gifhttp://i.imgur.com/0xjs9lu.gifhttp://i.imgur.com/XYDLQYN.gifhttp://i.imgur.com/iwQxkMF.gif

http://i.imgur.com/2efLjdK.gif