العربية لما تسخن مش بترضى تدور هوندا سيفك 92

**فارس الواحة** · 07-03-2016 08:25 PM

السلام عليكم :
المشكلة بختصار ان العربية لما تسخن لو بطلتها او بطلت منى و انا بدى غيار و مؤشر الحرارة يقارب النص ، المارش صوته شغال لكن مش بيقوم العربية الا لما العربية تتساب عشر دقايق تبرد شوية ، طبعا دى مشكلة لانه ممكن الموقف ده يحصل فى طريق اتجاه واحد و كدا انا هوقف الشارع كله ، اكرر ده بيحصل لما العربية بتسخن فقط .
المشكلة الثانية : بحس انها بتستهلك بنزين زيادة ، هل كدا اعمل مستوى البنزين اللى داخل للماكينة و اقلله شوية ؟
بخصوص المشكلة الاولى : هل كدا المارش ؟ و ممكن اعرف المارش الاستيراد يعمل كام ، و رأيكم اجيب جديد ولا اصلح ده ؟

**ahmed.biso13** · 07-03-2016 08:48 PM

انا راى تغيرجلب واتوماتيتك المارش عند الخراط وده عشان الحاجة الجديدة اخرامها مش زى فبريكا السيارة
والنسبة لموضوع البنزين مقدرش افتى لوكانت السيارةانجكشن
بالنسبة للكربرراتير دى مشاكله كتير وحلها كتيرتنظيف

**engmesk3** · 08-03-2016 01:25 PM

بص يا باشا :

المشكلتين ليهم علاقة ببعض .. انت غالبا عندك كاربيراتير..

المارش طالما بيحرك الموتور يبقي طلعه بره القصة..

انت مشكلتك يا سيدي في البوابة بتاعة الكاربيراتير .. البوابة دي ليها فيلم كده لو مش متظبطه هتبرجل الدنيا..

البوابة دي لازم تكون مواربة علي خفيف لما العربية تكون باردة عشان تدور .. ساعتها العربية وهي باردة بتبقي محتاجة خليط هوا وبنزين فيه نسبة بنزين اعلي..
(لو مفتوحة ع الاخر والعربية باردة مش هتدور)

ولازم تكون مفتوحة ع الاخر والعربية سخنة (لو مواربة والعربية سخنة مش هتدور)

فاللي بيحصل معاك غالبا ان البوابة طول الوقت مواربة وبالتالي خليط غني بالبنزين طول الوقت (يعني استهلاك بنزين عالي طول الوقت) ... سهولة الدوارة وهي باردة .. عشان كده بتستني العربية تبرد عشان تعرف تدورها تاني...

الحل:
البوابة دي واصلة بسخان (راس لونها اسود وطالع منها سلك) المفروض السلك ده بيكون واصل بمكان في الدينامو بيحيث ان السخان يوصله 12 فولت اول مالعربية تدور فيبتدي السخان ده يفتح في البوابة بالتدريج ويحقق المعادلة الصعبة اللي هي (بوابة مواربة ع البارد وبوابة مفتوحة ع الاخر (زاوية قائمة) وهي سخنة) .. اتاكد ان السلك ده واصلة 12 فولت والعربية دايرة فقط ...

**فارس الواحة** · 08-03-2016 03:15 PM

المشاركة الأصلية كتبت بواسطة engmesk3

بص يا باشا :

المشكلتين ليهم علاقة ببعض .. انت غالبا عندك كاربيراتير..

المارش طالما بيحرك الموتور يبقي طلعه بره القصة..

انت مشكلتك يا سيدي في البوابة بتاعة الكاربيراتير .. ا...

مع كامل احترامى لجهدك فى الرد و خالص شكرى
الميكانيكى و الكهربائى اكدلى ان د مشكلة مارش مش كاربرتير ، الكاربرتير عندى تمام

**فارس الواحة** · 08-03-2016 03:17 PM

المشاركة الأصلية كتبت بواسطة ahmed.biso13

انا راى تغيرجلب واتوماتيتك المارش عند الخراط وده عشان الحاجة الجديدة اخرامها مش زى فبريكا السيارة
والنسبة لموضوع البنزين مقدرش افتى لوكانت السيارةانجكشن
بالنسبة للكربرراتير دى مشاكله كتير وحلها كتيرتنظيف

تغيير الجلب و الاتوماتك يخش فى مصاريف كام تقريبا ؟
السيارة كاربرتير و المشكلة بتاعن البنزين سببها ان هوا و نسبة البنزين مش ظابطه و محتاجه حد يخدلها وزنه .

**engmesk3** · 08-03-2016 03:57 PM

المشاركة الأصلية كتبت بواسطة فارس الواحة

مع كامل احترامى لجهدك فى الرد و خالص شكرى
الميكانيكى و الكهربائى اكدلى ان د مشكلة مارش مش كاربرتير ، الكاربرتير عندى تمام

:)
يا باشا مفيش مشكلة المهم المصلحة :)
بس طالما انت بتقول ان المارش صوته شغال .. يعني بيحرك الموتور .. يعني بيهز العربية .. يبقي مش مشكلة مارش .. صدقني

**SAMEH_FOUAD** · 08-03-2016 10:51 PM

عايز شرح اكتر ليعنى اية شغال بس مش بيقوم العربية , يعنى بتحس بصوت تعتيلة , ولا المارش شغال عادى والمحرك مش بيلقط ؟

**فارس الواحة** · 14-03-2016 03:01 PM

انتظر ردك

**فارس الواحة** · 14-03-2016 03:33 PM

المشاركة الأصلية كتبت بواسطة engmesk3

:)
يا باشا مفيش مشكلة المهم المصلحة :)
بس طالما انت بتقول ان المارش صوته شغال .. يعني بيحرك الموتور .. يعني بيهز العربية .. يبقي مش مشكلة مارش .. صدقني

بس المارش لما بتسخن العربية بيشتغل تكتين بس ويبطل و ميشتغلش ، يعنى الطبيعى يضل شغال لحد ما يدور العربية لكن هوا بيبطل بعد ثانيتين