مقترحات لعربيه اوتوماتيك زيرو بمبلغ محدود

**وطني مصري** · 08-03-2016 01:15 AM

انا راكب شاهين تمنها 30000 الف عايز ابعها واجيب عربيه زيرو اتوماتيك تكون هاتشباك قريبه من ارتفاع الماتريكس
الاسعار علي النت فوق وتحت ومش قادر ابني عليها قرار
فانا محتاج مساعدتكم
انا مش هقدر ادفع اكتر من 1200 شهريا قسط + 30000 مقدم
اجيب عربيه ايه ؟

**عقرب عجوز** · 08-03-2016 06:03 AM

سيبك من اسعار النت لان صاحبها بيكون قاعد فالتكييف بياكل بطيخ وبيسعر عربيته زي ماهو عاوز ممكن الرينو لوجون عربية محترمة جدا عالية قطع غيرها مش فوق اوي ولو مش حابب الاوربي ممككن نيسان صني عربية جميلة برضو ومنتشرة وربنا يوفقك ف اختيارك

**وطني مصري** · 08-03-2016 08:54 PM

انا اتصلت انهردا بشركه اسمها المصريه للسيارات واتسدت نفسي
البي واي دي الصيني اوتوماتيك وصلت 112 الف
مقدم 48 الف وقسط 1600 علي 5 سنين
ومسؤله المبيعات بتقولي سعر انهردا غير بكره
كده خراب وانا مش هكون طرف ولا ضحيه للانهيار الي بيحصل في البلد
انا همشى حالي بالشاهين احسنلي

**aw2100** · 08-03-2016 10:45 PM

كنت لسة حقولك انت واحنا مش قد عربية زيرو وكمان تقسيط حضرتك ماشى فى مصر ممكن عيل يكسرلك فانوس بكام الف جنية والمشكلة الأكبر ان العربية بتقل على متخلص قسطها النص يعنى موت وخراب ديار والفتيس الأوتوماتيك تكلفة عالية وربنا يديلك وتشترى واحدة مستعملة كاش بلاش التقسيط !!

**وطني مصري** · 17-03-2016 05:02 PM

العربيه موديل 98 وناوي ابعها علي 30000الف

**hotboja** · 29-03-2016 09:07 PM

رينو ستاب واي او داستر في معارض كسر زيرو وتقسيط

**ows212** · 30-03-2016 12:28 PM

شانجان بينى عربية صغيرة وهاتشباك فى منها مانيوال واتوماتيك

**acc_gr2004** · 11-04-2016 10:36 AM

نصيحة اخوية صااااااااااادقة
اوعى تبيع ...... اوعى
البايع خسران .... مش هتلاقى حاجة تركبها وتعجبك .. ومهما كانت حالة عربيتيك اهو انت عارفها وعارف فيها ايه ...
لكن لو هتشترى .. هتعمل زى ويحصل الاتى :
اولا هتدوخ على ما تبيع .. والناس تيجى تتفرج وينزلو سعر العربية لاسباب تافهة ويحبطوك ويتعبو نفسيتك عالفاضى
ثانيا : هتدوخ دوخة السنين علشان تلاقى عربية سليمة .. لان 90% من العربيات المعروضة للبيع بتكون رشه دواخل ومحدش هيقولك .. هيسيبوك انت وشطارتك
ثالثا : لو عربية سليمة (بلغة التجار مالهاش سقف سعر) يعنى يطلب السعر اللى هو عايزة حتى لو كان مبالغ فيه جدا بحجة ان العربيات سعرها زاد (الزيادة وانت بتشترى بس)
رابعا : انسى الاوتوماتيك بسعر 30000 او 40000 مش هتلاقى حاجة بالسعر دا سليمة ابدا
الخلاصة : هتشترى عربية مستعملة بنفس حالة عربيتك او اقل ولكن بفرق سعر انت فى غنى عنه
لو ربنا كرمك ومعاك قرشين شد عربيتك شدة حلوة هتكون افضل من الاستبدال 1000000 مرة

وعذرا للاطالة حيث اننى مريت بهذه التجربة خلال الشهر السابق