النت فى حاجه غلط بقالها ساعه ( TE Data ) ؟؟؟؟؟

**mmtronic** · 08-03-2016 06:34 PM

يا جماعه حد بيشتكى من ضعف و تقطيع و احيانا قطع فى النت بقاله حوالى ساعه من TE Data ؟

**طارق _عبد السلام** · 08-03-2016 06:38 PM

انا عمال ارستر الراوتر كل شويه..............طمنتنى المشكله عامه تقريبا

**mmtronic** · 08-03-2016 06:56 PM

كدة تبقى عامه

المهم بقى تتصل بالكول سنتر تلاقيه واقع من ضغط الناس طبعا و لما تنجح توصلهم يستهبلو و يعملو نفسهم مش سامعينك ( يقولك فى خروشه فى الخط ) و لما توصلهم بسلامه الله و تسالهم هو فيه مشكله فى النت ؟

اسمع الرد

لا يا فندم دا بس السيستم بتاع TE Data الخاص ببيانات العملاء فيه مشكله بس دا مياثرش على الخدمه نفسها و ممكن تتصل بينا كمان ساعه

انا ممسكتش نفسى ساعتها و جعرتلهم و قولتلهم متقولو ان فيه مشكله فى النت حنضربكم بشومه يعنى متحترمو عقول الناس امال الكول سنتر سقط ليه علشان مصر كلها بتتصل بيكم - ايه بيتصلو يطمنو عليكم

و الله الواحد ما عارف يقول ايه

**dede_dodo88** · 08-03-2016 07:08 PM

كان عندي فيه مشكلة من أسبوعين و كلمتهم كذا مرة من غير ما السرعة تتظبط لحد من يومين جالي حد فني ظبطلي الدنيا بمجرد انه غيرلي رقم الـmtu في اعدادات الراوتر..