مشكله فى نقص مياه الاربه كليو 2008

**mmamdouh73** · 08-03-2016 10:41 PM

المياه فى الاربه بنقل حوالى زجاجه مياه صغيره فى اليوم. رحت لصنايعى ريدياتير غسل الردياتير وقالى مافيش تسريب كله تمام ونفس اللى كان بيحصل. المياه قلت. ايه الحل.؟

**ramy_gamal** · 09-03-2016 01:28 AM

حضرتك بص كدا على الدواسه اليمين اتاكيد مفيش ميه جوة

**عبدالله برعى** · 09-03-2016 07:36 AM

الاحتمالات
- تسريب خارجي سواء من غطاء المبرد او الوصلات والتدريب صعب ملاحظتة لانه ممكن ان يكون في مكان تتبخر فيه المياه حالا ولا يلاحظ
-تسريب داخلي من جوان وش السلندر وهذا احتمال ضعيف ولكن اذا كان نقص كذلك في الزيت فانه مؤكد جوان وش السلندر

**adhamsabry51** · 09-03-2016 02:50 PM

من تجربه حصلت معايا لما كانت المياه بتنقص كان عندي مشكله في حاجتين اول حاجه كانت القربه مخرومه و دي حقيقي مكانتش باينه لأن المياه كانت بتنقص حاجه بسيطه بس اول ما ضغطنا هواء في القربه التسريب بان من ضهرها و تاني حاجه كان الكوع بايش بس الأتنين كانو مع بعض و كل مره كنت اغير حاجه و اجرب

**ahmed9adel** · 09-03-2016 03:19 PM

لو العربية عاملة فى حدود 60000 كم أو 120000كم أو 180000 كم تبقى طرمبة المية.

**mmamdouh73** · 09-03-2016 05:27 PM

شكرا على المننساعده انا فعلا لقيت مكان تسريب خرطوم اللى فيه بلف أكبر من المكان اللى راكب فيه. لكن بنزل مياه قليل جدا.
هل ده ينقص الاربه زجاجة مياه صغيره فى اليوم. على العموم حشوف.
كنت عاوز اسأل عن موضوع تانى. عندى كوبلن عاوز يتغير اشترى منين ومين صنايعى كويس مع العلم انا فى الاسكندريه.

**ramy_gamal** · 10-03-2016 01:04 AM

انا كنت جبت كوبلن استعمال شغال زى الفل
انا بتعامل مع حمدى بيرو فى مدينه الحرفين كويس اوى وامين جدا

**mmamdouh73** · 10-03-2016 01:47 AM

المشاركة الأصلية كتبت بواسطة ramy_gamal

انا كنت جبت كوبلن استعمال شغال زى الفل
انا بتعامل مع حمدى بيرو فى مدينه الحرفين كويس اوى وامين جدا

سعره كام ومنين؟

**ramy_gamal** · 10-03-2016 11:39 PM

الكلام دة من 3 سنين جبته من السيوف هناك فى كتير بتوع استعمال كان ب 350

**moradlamey** · 14-03-2016 01:16 AM

انا عندى رينو كليو 2003 1200cc
مشكلتى تتلخص فى انى العربية بتنط ساعات وانت بتطلع ولازم احمل زيادة على البنزين وانا بسيب رجلى من على الدبرياج عشان اتلاشى هذة المشكلة ولو فى زحمة بتخنق من الحركة دى وممكن لو نسيت وطلعت عادى من غير مزود بنزين تبطل وممكن لو ضربت فرامل فجاة وجيت اطلع تانى بسرعة بردو تبطل او تتكتم واحس انها هتبطل تانى حاجة الفرامل لما بكون سريع ساعات بتحجر لو جيت ادوس عليها وساعات لا رحت لميكانيكى نضف البوابة وعملت سرفيس كامل للموتور وكشف عليها بالكمبيوتر طلعلة انى حساس دواسة الفرامل بايظ هل دة ممكن يكون السبب ولو هو دة لو شلت فيشة الحساس هتمنع ولا لازم بعد مشلها افصل كابل البطارية عشان اشيلها من الكمبيوتر ولا دة كلة مينفعش ولا مش هو السبب اصلا فى النطة مع العلم انى النطة دى مش منتظمة يعنى بتحصل كتيير وساعات مبتحصلش والعربية بتتحرك من الثبات للحركة بنعومة وسلاسة بس فى الاغلب بتنط ودة اهم عندى من مشكلة الفرامل وهل جهاز اعطال الميكانيكى زى الكهربائى زى اللى فى التوكيل ولا فى فرق ارجو الرد بسرعة يا اهل الخبرة