3 مشاكل فى اوبل استرا 2016 برجاء الرد

**moataz1313** · 08-03-2016 11:18 PM

الاخوة الاعزاء بعد اسبوع من استلام اوبل استرا بلص 2016 واجهت 3 مشاكل مش عارف اعمل ايه الاولى ان العربية مرة واحدة بتهدى ومهما تدوس بنزين لا تزيد السرعة عن 20 كيلو فى الساعة وتفضل المشكلة لغاية لما ادوس على زر مثبت السرعو ترجع العربية عادى.
المشكلة الثانية انى ساعات بحس زى دبه بسيطة جدا دركسيون العربية .
اما المشكلة الثالثة فى صوت موتور العربية اكن فيه زنه فهل ده طبيعى ولا لا ....ياريت اعرف حد يطمنى خاصة ان العربية لسة معملتش 200 كليو ....اخيرا كل الشكر لكم جميعا

**bluemail** · 09-03-2016 02:09 AM

اولا مبروك علي العربيه
ثانيا لازم تطلع علي التوكيل فورا تشوف المشاكل اللي عندك
علشان لا قدر الله ممكن تزيد خصوصا صوت الموتور والزنه اللي فيه

**K.Ossama** · 09-03-2016 06:37 PM

المشاركة الأصلية كتبت بواسطة moataz1313

الاخوة الاعزاء بعد اسبوع من استلام اوبل استرا بلص 2016 واجهت 3 مشاكل مش عارف اعمل ايه الاولى ان العربية مرة واحدة بتهدى ومهما تدوس بنزين لا تزيد السرعة عن 20 كيلو فى الساعة وتفضل المشكلة لغاية لما ادوس على زر مثبت السرعو ترجع العربية عادى.
المشكلة الثانية انى ساعات بحس زى دبه بسيطة جدا دركسيون العربية .
اما المشكلة الثالثة فى صوت موتور العربية اكن فيه زنه فهل ده طبيعى ولا لا ....ياريت اعرف حد يطمنى خاصة ان العربية لسة معملتش 200 كليو ....اخيرا كل الشكر لكم جميعا

حضرتك غالبا بتسوق وانت ماسك الدريكسيون من جوة. امسكه من برة احسن واكثر أمانا.
لازم كمان تلغى المثبت او المحدد عن طريق انك تدوس على الزرار بتاعه (حسب مين فيهم اللى منور) ويطفى العلانة بتاعته من العدادات مش مجرد زرار الcancel الكبير.
الدبة دى ممكن يكون ضغط العجل مضبوط على التخزين (اكتر من 40). اضبط العجل كله على 35 وان شاء الله تختفى الدبة.
اخيرا صوت الزنة دى كانت موجودة فعلا فى الأول وراحت. لو استمرت قولهم فى التوكيل يسمعوها فى زيارة الألف كيلو
تحياتي

**Abdulrahman M** · 26-05-2016 02:58 AM

ممكن حضرتك تبلغنا وصلت لإية ؟

**moataz1313** · 26-05-2016 09:49 PM

الحمدلله ..المشاكل كلها كانت بسبب عدم درايه بالعربية فى الاول يعنى جهل منى.. وهى والحمدلله تمام

**dr.amr** · 08-07-2017 03:36 AM

كنت عاوز اعرف ايه سبب صوت الزنة ده لانه موجود عندي
هل له تفسير

**Mahmoud Samer** · 28-04-2018 12:07 PM

انا بقارن بين اوبل استرا وكيا سيراتو....
هل المشاكل اللي في الأوبل انتهت ولا لسه يا جماعه علشان بقيت محتار فيها ناس تقول كويسه وناس تقول فيها مشاكل ياريت حد يطمني