%% تـــقـــــريـــر للـــتاريــــخ عــن بيجــو 301 الأســـــد الفرنســـى %% استمتــع

**Amr Morsi** · 11-03-2016 03:30 PM

موضوع جميل و معلومات قيمة و مجهود رائع .. و ربنا يبارك للجميع فى عربيتة مهما كان نوعها .
بس أنا عندى سؤال و ياريت ملاك البيجو و أهل اسكندرية الكرام يفيدونى بالاجابة:
أنا عايز أحط نيتروجين فى الكاوتش بس عايز مكان مضمون و مش نصاب
شكرا

**bekopop** · 11-03-2016 10:15 PM

فى كذه ميزة كمان فى السيارة

5 درجات ظبط ارتفاع و انخفاض الانوار الامامية ( بكرة )
قفل لسلامة الاطفال للابواب الخلفية فى بطن الباب نفس ( لونها احمر ) تتلف ربعة لفه ... و الباب يفتح من بره بس

غمازات اشارة فى الرفارف

كمبيوتر رحلات ... يقيس المسافة .. و البنزين اللى فى التنك يوصلك كام كيلو و و معدل الاستهلاك

الزجاج حرارى و غامق بنسبة 20 % ...

نظام اضاءة عند غلق السيارة .. و صوت تكه ... و كمان فى اوبشن لو بتدور على عربيتك تدوس على زرار اللى بيقفل العربية فى الريموت .. تنور الانتظارة لمده 30 ثانية للعثور على السيارة

التحكم فى علو و انخفاض الدركسيون

فى خصية daylight بس تتفعل فى التوكيل فقط مجانا .. انما بتنزل غير مفعلة

خاصية follow me home ...تقدر بعض ما العربية تقفل خالص تشد دراع النور تنور لمده 30 ثانية النور الواطى و تقفل بعدها...

الكمبيوتر يوجد بيه power saving عشان لو نسيت اى نور او كاسيت شغال ... البطارية متفضاش منك .. هى بتقفل كل الحاجات دى اوتوماتك

**Akram.Gamal** · 12-03-2016 02:41 PM

Bravoooooo
موضوع للتاريخ فعلا ولا اروع
مشكور مجهودك يا كبير

**ah-gawad** · 15-03-2016 01:48 PM

استكمالا للتقرير القيم ده يا ريت حد يفيدني في معلومة انا عاوز اعرفها فعلا و هي موضوع لمبة الحرارة و ليس المؤشر . يعني لو اللمبة نورت لا قدر الله معناها ال maximum في المؤشر و لا مثلا كأنها عدت علامة النص في المؤشر ارجو الافادة و شكرا

**cody02** · 19-03-2016 09:09 PM

ما شاء الله .. تقرير ممتاز فعلا

بس ايه موضوع الكاسيت الكبير والشاشة المدمجة اللي بدلوهم بكاسيت عادي ودرج في الهاي لاين .. حد عنده تفاصيل .. انا كنت بفكر فيها بس الحركات دي مش مشجعة

**bekopop** · 23-03-2016 06:13 AM

المشاركة الأصلية كتبت بواسطة cody02

ما شاء الله .. تقرير ممتاز فعلا

بس ايه موضوع الكاسيت الكبير والشاشة المدمجة اللي بدلوهم بكاسيت عادي ودرج في الهاي لاين .. حد عنده تفاصيل .. انا كنت بفكر فيها بس الحركات دي مش مشجعة

كان فى كاست البيز من غير شاشة ..
ركبوه فى الهاى ﻻين مع جنط 16

هما غيرو الكاست و رجع بشاشة و ركبو جنط 15 عشان مشاكله قليلة فى البلونات و طرق مصر فى الهاى ﻻين
و الثبات مش مختلف كتير عن 16 .. و محدش اشتكى من جنط 15 .. بالعكس متوفر جدا و صعب يحصل فى بلونات

**bekopop** · 16-04-2016 11:18 PM

المشاركة الأصلية كتبت بواسطة eng_mmm2004

بالنسبه لمشكلة الفرامل اللى كانت منتشرة من فترة كده . يا ترى اتحلت فى الموديلات الجديده و لا هى كانت اشاعة بس ؟

مفيش مشكلة زى ما طالع عنها فى الاشعات ... و العربية انتشرت و مش محتاجه دليل اكبر من كده

**ابو هنا** · 22-04-2016 12:30 AM

المشاركة الأصلية كتبت بواسطة amr morsi

موضوع جميل و معلومات قيمة و مجهود رائع .. و ربنا يبارك للجميع فى عربيتة مهما كان نوعها .
بس أنا عندى سؤال و ياريت ملاك البيجو و أهل اسكندرية الكرام يفيدونى بالاجابة:
أنا عايز أحط نيتروجين فى الكاوتش بس عايز مكان مضمون و مش نصاب
شكرا

عندك مركز بريجستون فيت اند فيكس منتشر في الاسكندرية كليوباترا بولكلي لوران سموحة