معروض على شقة قريبة من مترو حلمية الزيتون ايه رايكم فيها
معروض على شقة فى منطقة اسمها الجبلاية متفرعة من ش ترعة الجبل اللى فى حلمية الزيتون وقريبة من ميدان المطرية دور تالت بسعر ١٨٠ الف ومساحتها تقريبا ٨٥ م المساحة بالنسبة لى مناسبة جدا علشان الشقة دى واخدتها ترانزيت لما انرل القاهرة انا روحت شفت المكان وعجبنى فيه انه قريب من محطة مترو حلمية الزيتون والمكان عمار يعنى تقريبا فيه كل الخدمات بس كان لى كام سؤال لاحلى زملاء لى على المنتدى الجميل ده
س١: ايه رايكم فى المكان ده واهل المكان (مع خالص احترامى لهم جميعا) وهل المكان امان
س٢ : هل من السهل ركن السيارة فى الشارع ام لابد من البحث على جراج علشان انا لاحظت عدد سيارات كتير
س٣: السعر مناسب ام مبالغ فيه وهل المتبع ان يكون هناك تسهيلات فى السداد
س٣: الاجراءات القانونية اللى ممكن اتخذها لضمان حقى علشان الشقة دى مبنية جديد مكان عمارة قديمة والشارع كله غير مسجل بس يوجد بها عداد كهرباء ومن السهل تركيب الغاز
ممكن تساعدنى بالراى والنصيحة والمسوره وبارك الله فيكم جميعا