الموضوع: معروض على شقة قريبة من مترو حلمية الزيتون ايه رايكم فيها

المشاركة الأصلية كتبت بواسطة عقرب عجوز

اهلا بحضرتك انا ساكن قريب مالمنطقة بشوية شارع متفرع برضو من ترعة الجبل
بخصوص اهل المنطقة والامان طبعا هتبقي شهادة مجروحة مني لاني اصلا مالحلمية بس احب اقولك ان اتعمل مسلسل ليالي الحلمية متعملش اي ليالي تانية :)
عربيتك في امان تام ومفتكرش اني سمعت ان عربية اتسرقت مالمنطقة بس هتلاقي صعوبة فالركنة شوية
بخصوص السعر مناسب جدا بالنسبة للمنطقة وبنسبة العمارة هتلاقي معظم العماير كدة البيوت القديمة في المنطقة مم ايام سعد زغلول فبيجي مقاول يهد ويطلع ببرج مشاركة مع اصحاب الارض بالادوار بس عشان تطمن حقك في ترخيص طبعا بعدد الادوار المبنية عالارض وبتكون مسجلة بالشهر العقاري بس الكهربا والنياة والغاز هي كدة كدة فيها ترخيص ومسجلة فالعقار القديم مالاول فمتقلقش مالنقطة دي بس اهم حاجة تصريح الادوار المسموحة وربنا يكتبلك الخير وتكون مم نصيبك

خالص شكرى لحضرتك
بس ايه الحل فى موضوع ركن العربية غير موضوع الجراج ما دام الادنيا امان زى ما بتقول
طيب انا لو اتعرض على شقة دور عاشر فى نفس المنطقة حتبقى فيها مشكلة علشان ادوار زيادة ولا ايه الوضع

اقصد بالركنة لان منطقة شعبية سكان كتير عربيات كتير
يعني حضرتك بتقول الدور العاشر وهنقول الدور شقتين لو كل شقة واحدة بس عندها عربية العمارة خدت الشارع كله اهو وصلت

بالنسبة للدور حضرتك شوف الترخيص هل الارض مسموح بالعشر ادوار ولا اكتر ولا اقل عشان ميكنش مثلا التصريح بيقول ان الارض تشيل تسع ادور يجي المقاول يبني اتناشر ويبيع الدور الزيادة بسعر لقطة وبعديه بسنةاتنين اي مدة الحي يجيلي يهد الادوار المخالفة ودور علي غنماتك يا جحا