طلب مساعدة, و أثق مش هتبخلوا بعلمكم

**محمود الباحث** · 13-03-2016 03:27 AM

السلام عليكم
شكرًا للمنتدى و جميع الأعضاء على مجهودهم الخارق , أنا بستفيد من علمكم بشكل يومي من غير ما نعرف بعض , وعشان كده ربنا يجزيكم خير على مساعدتكم لغيركم :)
أنا عندي استفسار لفطاحل المنتدى الأكفاء
ربنا أكرمني بفضله و كرمه بمبلغ يتراوح ما بين 50 ألف إلى 75 ألف , ومحتار أشتري أيه في المستعمل؟
أنا كان معايا هيونداي أكسنت 99 وكانت مريحاني وبيعتها عشان أعمل تحديث , ومش عارف أشتري أيه؟
كل المؤشرات بتقول " فيرنا " عشان كوري و صاينتها حلوة و بتتباع بسرعة وقطع غيارها رخيصة.
وأنا مفيش عندي مانع اشتري فيرنا , لكن مايل أكتر أني أغير الهيونداي , وحبيت أسال أهل التخصص و الخبرة: هل في عربية تانية يكون نوعها كوري أو غيره و يكون فيها نفس المواصفات ( صاينتها سهلة , قطع غيارها رخيصة , وسهلة البيع ) . فقط هي دي مواصفاتي.
-------
منتظر الإجابة وربنا يجزيكم كل خير

**pepo2011** · 13-03-2016 09:00 AM

اعتقد الفيرنا احسن واحدث وانت بقيت خبير هيونداي
البديل هو اللانوس لكن الفيرنا هنا افضل

**عبدالله برعى** · 14-03-2016 09:53 AM

التحويل من اكسنت الى فيرنا الفرق قد لا تشعر به
- لا يوجد سيارة كاملة من حيث النقاط الاساسية قطع غيار صيانه .....الخ
- حيارات المبلغ كثيرة من وجهة نظرى الشخصية
. ميتسوبيشي لا نسر 98 والتحديث ليس فى السنة فقط ولكن فى النوع
. كورولا 98
. هيونداي النترا 2000 فما فوق
. كيا سيراتو موديلات اقل من 2008
.اوبل فيكترا موديلات 2000 فما فوق

ولكن
كل هذا حسب متطلباتك من السيارة سواء اسلوب القيادة او الاداء
سفر داخل المدينة معدل المسافة السنوية لك

بالتوفيق