الموضوع: صيانة 20 الف خارجي (تجربة ليكومولي منظف بخاخات + زيت كاسترول ايدج )

الشباب اللوجانويه ... بعد التفكير و اتخاذ القرار بالاستغناء عن التوكيل من اول صيانة ال 20 الف - عربيه لوجان اتوماتيك... تم عمل الاتي :

- اضافة منظف ليكومولي للبخاخات مع تغيير فلتر هواء وذلك لتأجيل تغيير البوجيهات لصيانة ال 30 وبرده لتنظيف الانجكشن سيستم ، وتم ملاحظه فرق في السحب ملحوظ بعد اول 50 كم ، و هفضل اضيفه كل 5000 كم لانه فعلا بيفرق مع البنزين المزفت بتاعنا

- تم عمل فلاش لغسيل الموتور قبل تغيير الزيت ، وتم تغيير الزيت الى زيت كاسترول ايدج 5W40 ِA/B ، وتم ملاحظة فرق كبيير في صوت و اداء الموتور من حيث تجميع السرعه و عدد لفاته من الrpm ، حيث ان سرعة 110 كم كانت بتجيب 3500 لفه مع زيت التوكيل ودلوقت بتجيب 3000 حتى مع الوصل الى 120 كم ، وكان هناك عيب دايما ببلغه للتوكيل ان الموتور في بعد الاحيان بيعلى جامد و الRPM كان بيوصل لي 4000 لما الفتيس ينقل من ال2 الى 3 ، ومعملوش فيه حاجه ، و تم ملاحظة ان العيب ده اختفى تماما بعد تغيير الزيت

بصراحه العربيه فاقت تماما ..وحاسس ان الموتور ادائه اتحسن ، وفعلا زيت التوكيل ليس افضل الزيوت على الاطلاق

المشاركة الأصلية كتبت بواسطة ahmed a rahman

اللي حضرتك عملته غلط جدا

ليه تحط منظف بخاخات لعربية عاملة 20000 ؟؟ وبخاخاتها لسه جديدة المواد المنظفة عبارة عن مواد كاوية وليها اثر وحش, انا بستخدمها كل 50000 مثلا

ومين قال ان اضافة المنظف حتاجل تغيير البوجيهات, اساسا البخاخات حترمي وساختها ووساخة التانك على البوجيهات, الصح اصلا ان البوجيهات تتغير بعد اضافة المنظفات

والجريمة اللي عملها الميكانيكي, ليه يحط فلاش في عربية 20000 دا عايز يدمر الموتور
الخبراء اصلا بيحذروا يحطوا الفلاش في عربيات اقل من 100000 كيلو ومتتعادش الا من 50 الف - 100 الف

خلي بالك عربيتك جديدة حافظ عليها

اولا شكرا لرد حضرتك ، بس انا بختلف معاك لاكتر من سبب .... اولا البنزين عندنا في بلاوي سوده و ده بالدليل القاطع وقصة المنظفات انا مجربها كل 5000 كيلو في عربيتين جداد قبل كده و كنت ماشي بيهم على طول وعمرهم الحمدلله ما عملوا حاجه باثر سلبي وعلى فكره في منظفات بتتحط كل 2000 مش 5000 وفي العربيات الجديده ممكن تتحط كل 10000 على حسب سوء البنزين ، و في منظفات بيكون فيها ماده مانعه للتاكل

اما بخصوص الفلاش انا معاك ، بس هو لازم مع تغيير نوع الزيت عشان تاخد اداء الزيت صح انك تغسل الموتور من الزيت القديم وهو مش بيعمل تاكل بالشكل اللي انت متخيله ابدا ...وطبعا ده بيتعمل كل فين و فين او ممكن مرتين في العمر كله