محتاج مساعده ضروري ي جدعااان بجد اتخنقت

**pompoman** · 15-03-2016 01:56 AM

المشاركة الأصلية كتبت بواسطة م/أحمد عبد الفتاح

فيه غرفة فى الكاربراتير فى النص الاسفل منه ودى بيبقى فيها عوامة ممكن تكون العوامة باظت فالغرفة بتتملى بنزين اكتر من سحب العربية للبنزين - اكشف على الكاربراتير بالكامل مش نظافة بس - العوامة دى بيبقى ليها حاجه اسمها برو ( زى المفصلة كده) وفيها ابرة - ممكن يكون البرو باظ او الابرة باظت .

شكرا لردك جدا ي هندسه طيب انا عندي كاربراتير بيبقي فيه ابرتين هواء وبنزين ولسان طويل بيروح و يجي هل النوع دا فيه عوامة للكاربراتير زي مانت تقصد كده وهل هيه ممكن تتغير العوامه دي ولا الكاربراتير كله يتغير هو اللي انا حاسه ان ممكن زي برجله ف الكاربراتير فبيطلع بنزين كتير وتجيلي الريحه بس كل الميكانيكيه اللي كشفو عليه بيقولو كاربرتير كويس وبيحرق وسحب العربيه عندي كويس .... بس المشكله هنا ف الريحه والاستهلاك ودا اللي هيجنني ياريت لو تيفدني بس برايك ي هندسه

**م/أحمد عبد الفتاح** · 15-03-2016 10:15 AM

الغرفة دى بتبقى زى خزان البنزين بيتخزن فيها علشان لما العربية تشتغل بيتسحب منها البنزين عن طريق سحب الموتور للهوا فبيحصل خلخلة تخلى البنزين يتسحب مع الهوا من الخزان الصغير ده - وزى خزان المية اللى فى البيت فيه عوامة علشان لما الخزان ده يتملى العوامة تطلع لفوق وتقفل المدخل اللى جايب البنزين للعوامة ( بلف ابرة ) ولما البنزين يقل العوامة تنزل لتحت وتفتح البلف بتاع الملئ تانى والبنزين يدخل تنى للخزان علشان يعوض اللى اتسحب - ولما العوامة تبوظ ( المفصلة بتاعتها تعلق او تتكسر او تتخرم ) بتغرق يعنى تنزل لتحت وتفضل فاتحة بلف دخول البنزين للغرفة باستمرار وبكده البنزين يكون زيادة عن اللى العربية عاوزاه فعلشان كده بتحس بالريحة نتيجة الزيادة دى - اللى بيصلح الموضوع ده بتوع الكاربيترات المتخصصين ( بنسمع عن خميس كاربراتير وحمادة كاربراتير مثلا ) هما الناس دى اللى حاتخلص الموضوع فيستحسن تروح لبتاع كاربراتير متخصص مش الميكانيكى وهو حيفكه ويقولك لو ينفع يتصلح ولا يتغير

**dr.mero90** · 18-03-2016 05:09 AM

المشاركة الأصلية كتبت بواسطة pompoman

شكرا جدا ع ردك واهتمامك ي هندسه انا كنت عند الميكانيكي النهارده م كلامك امبارح سالته ع حوار بتاع العوامه ف قالي انو الكاربراتير زيرو لانه كان فتحه وفكه خالص عشان ينضفه م الابر والبوابات وكده ...هو قالي المشكله ف التاكيهات رحتله النهارده راجعلي عليهم قالي فيهم بوش وبتاع مهم عملهم عربيه شدت اكتر بس نفس المشكله وانا بعدي عرببه المهم شديت وبتاع لاقيت مطب او مش فاكر ايه حصل مهم جيت دايس دبرباج وسنه فرامل ف لقطة الدبرياج دي شميت الريحه فمش عارف بقي لو عندك تحليل للموضوع ولا باقي ايه انا تقريبا راجعت ع العربيه كلها بس خير انشاء الله هتفرج

حيرتوني يا جدعان يعني هي المشكله فين دلوقتي

انا تهت منكم هههههههه

**pompoman** · 01-04-2016 12:42 PM

المشاركة الأصلية كتبت بواسطة dr.mero90

حيرتوني يا جدعان يعني هي المشكله فين دلوقتي

انا تهت منكم هههههههه

انا تايه اكتر منك اصلا ي دكتور هههههههه لاني حتي بعد م عملت التاكيهات وظبطها برده نفس الحوار بتيجي وتروح لوحدها ومش مرتبطه بحاجه معينه والاستهلاك عالي شويه وبرده الريحه موجوده ومفيش تسريب ولا حاجه واي ميكانيكي بيشوف الكاربراتير بيقول زيرو ي جدعاااان بجد ع اخري هههههههههههههه مش عارف فين ام المشكله بجد...هاتولي ام المشكله

**م/أحمد عبد الفتاح** · 03-04-2016 04:14 PM

انا سبق قلت لحضرتك روح لبتاع كاربراتير متخصص مش ميكانيكى وخلى بالك حاتقعد عنده فترة علشان العربية تبرد ويفك الكاربراتير ويكشف عليه - كمان فيه حاجه تانية هل كشفت عليها كمبيوتر ؟؟؟ اكشف عليها لأن ممكن يكون فيه حاجه تانية زى علبة البيئة مثلا مسدودة جزئيا او مثلا حساس اكسجين بايظ - ممكن تراجع كمان على كل الخراطيم اللى طالعة من الكابراتير وداخلة فى اماكنها ولا فيه خرطوم سايب