-
شارك وغلطه عمرى
مساء الخير
انا اشتريت شارك من 3 اسابيع و ندمان ندم عمرى العربيه دلوقتي عامله 3000 كيلو و كان معايه قبليها بومه 2007 بجد عربيه اسطورة المهم انا اشتريت الشارك بسمعه البوما و هيه للاسف ملهاش اي علاقه بل بومه و اشتريتها الناس قعدت تقول ثبات الشارك ثبات الشارك و راسيه و تقيله لا نهائى العربيه ثبتها سى بمعنه الكلمه العربيه بتعوم بعد 100 بشكل بشع اخدت ملف علي 120 ملف بسيط العربيه عامت و كانت هتروح في داهيه عكس البومه ثبتها كان مش طبيعي ملفات علي 140 و 160 و غرز ولا الهوا المتور قعدو يقولو مايفك و 1600 و بتاع و مكنه مجنونه احب اقولكم الطلعه بطى اوى بتدا تفوق بعد 60 و بعد كدا لحد 100 و بعد كدا لو جدع سيطر عليها تروح يمين و شمال و تلاقي ضهر العربيه بيعوم بطريقه مشفتهاش في عربيه والله العظيم و الفتيس النتشه طبعا الى موجودة بين الغيار الاول و التاني و مفيش واحد عندو شارك مش عندو الحته دى و اراهن سئلت مهندس عن الى فى رواس عن الحكايه دى قالي موضوع كبيير و الى فهمتو منو ان الموضوع هيكبر بعد فترة و دا عند كل الناس دا غير العزل الفوق السي سامع كل حاجه و حساسس بكل حاجه و كان المكنه قاعدة على حجرى مع ان انا عندى اعلا فئه الى فيها العازل بتاع الكبوت و المتور بس مفيس فايدة بس الحقيقه التكيف بتعها حلو اوى و شكل الخارجي فخم جدااااا و رياضي بس شكل بس والله ندمان على البومه كانت عربيه احسن مليون مرة الموضوع للافادة واللة عن تجربه شخصيه و ياريت ياجماعه الى عندو الشارك يقولي هل عندو نفس الي انا بحكى ع عليه ولا انا دى حاله لوحدها و ب>ات موضوع الثبات و شكرا و اسف لو طولت عليكم
-
والله نصيحتى
ليك امشى على 80 وماتزودش عن كده لحد ماربنا يكرمك وتبيع وتقلل خسارتك فيها
-
أخى الفاضل إستهدى بالله و ماتكبرش الموضوع
الثبات و التعويم أعتقد دى حالة فردية سببها بسيط و ممكن يتعالج لأن محدش إشتكى منها قبل كده و لى أصدقاء و أقارب معاهم العربية دى و بيجروا جامد و غرز
حل مشكلتك ممكن يكون ظبط زوايا - و ممكن يكون نوع كاوتش سئ
عشان ماتلفش كثير و تتعب نفسك روح مركز Fit & Fix زبط زوايا و يبص على الكاوتش لو مريج أو فيه مشكلة و يظبطلك ضغط الهوا و بعيدن شوف
أنا شخصيا سوقت البومة و سوقت الشارك و الثبات متقارب فى الإتنين
-
اخي الفاضل كلام حضرتك سليم مليون المية
بس مش في كل العربيات الشارك
اعتقد عربية حضرتك محتاجة شوية تظبيط ومراجعة عفشة طبعا احنا مانعرفش هي زيرو ولا مستعملة وعاملة 300 مع حضرتك بس في 3 اسابيع ولا عدادها عامل 3000 لو كده تبقي زيرو فعلا
اعتقد حضرتك تستهدي بالله وتجمع افكارك وتبداء رحلة البحث عن المشكلة وانشاء الله بسيطة لكنها مش بالسوء اللي بتتكلم عنه هي طبعا اضعف من البوما لكن بنسبة بسيطة
-
انا اجرت العربية دى مرتين كل مره شهر كامل, بصراحه ثباتها كان ممتاز و عفشتها رائعة و مكنش فى اى نتش خالص فى الفتيس على اي غيار, ملاحظاتى عليها ارتفاع صوت الماتور و العزل وحش بخلاف كدة العربية ممتازه فى كل حاجة.
واضح ان عربيتك فيها مشكلة و ممكن تراجع التوكيل فى الزوايا و الترصيص او يكون فى مشكلة فى الكاوتش
-
متابع .....................
-
المشكلة فى الفتنيس هيضرب و لا ده طبيعي
-
العربيه معايا و ثباتها معقول جدا، و كان معايا قبليها بومه بردو.
بس الصراحه عومت معايا علي 120 لما كان في هوا جامد قوي علي طريق كريمات.
مش عارف ده عيب فيها ولا كان الهوا جامد بزياده.
-
العربيه معايه من الزيرو و عامل بيها 3000 كيلو العربيه بتعوم هوا او مش هوا الثبات ضعيف اوى واللة بعد 120 بتروح يمين و شمال زى العربيات القديمه يا لو خدت غرزة هتعوم هتعوم و خصوصا من ورا بحس ان العربيه عاليه من ورا اوى بزيادة و واطيه من قدام هوة دا الى بيخليها تعوم و انا كشفت على الزوايه و العفشه طبعا سليمه 100 % يمكن من نوع الكاوتش المعفن الى نازله بيه الى هوا الدنلوب مش عارف بس انا والله اتخنقت منها انا شريها اصلا عشان سمعه الثبات الى بيقعدو يحكو عليه اهم حاجه في العربيه بلنسبالى الثبات و الشارك حطمتنى بمعنى الكلمه كرهتنى في اليباني شكلي هبيعها بخصارا و اجيب حاجه الماني
-
اخي الفاضل ...
أولا ربنا يبارك لك في عربيتك الجديدة و أن شاء الله المشكلة تكون بسيطة و تتحل قريب
أنت بس واخد علي البوما و طبعا هي أفضل من الشارك اللي بتنزل عندنا في مصر بسبب قوانين الجمارك و الضرائب و بسبب الوكلاء اللي ماينفعش يبقوا وكلاء سيارات أصلا
العربية من ناحية الثبات مش وحشة للدرجة اللي حضرتك بتتكلم عليها .... صحيح هي أقل من البوما في الثبات و لكنها أفضل من عربيات تانية في نفس فئتها يمكن أنت بس لسه مش واخد عليها أو علي نظام التحكم فيها
أما من ناحية العزم و الموتور فهي فعلا أقل بكتير من عربيات تانية و ده راجع للموتور اللي مش بتاعها علشان قوانين البلد البايظة
طبعا العربيات الجديدة كلها فيها مشاكل في العزل و الخامات و ده بسبب الوكيل اللي عايز يوفر كل حاجة من وجهة نظره مالهاش لازمة لكن تعالي أفرجك علي الشارك دي هنا في اليونان عاملة أزاي و لا حتي عربيات هيونداي عاملة أزاي
أنا شايف أنك تحاول تتعرف علي عربيتك الجديدة واحدة واحدة و تشوف عيوبها و مميزاتها و تبدأ في التأقلم معاها و تطويعها حسب متطلباتك أنت و قدراتك
و مافيش مانع أنك تتأكد أن العربية مافيهاش عيب صناعة يمكن تكون فيه حاجة مش طبيعية لأن أنت مش عارف العربية دي و هما بينقلوها من الميناء للشركة أو المعرض عملوا فيها أيه
رأيي تتاكد من الزوايا و المقصات و المساعدين
و كمان اتأكد من ضغط الهوا في الاطارات ممكن يأثر في ثبات العربية طبعا
-
طبعا انت ما اشتريتش شارك .. يمكن اشتريت حاجة تانية خالص .. لان كتير جدا جدا ما زالوا يمتلكوا بوما و اشتروا عليها الشارك و ماقالوش 1% من وصفك للشارك ..
فالاكيد بدون ادنى شك انت بتوصف في عربية غير الشارك .. لسبب واحد فقط .. الغرب و اليابانيين خاصة عودونا ان كل جديد لديهم يصاحبه تطور جديد و ان لم يفهمه العقل المصري او الشخصية المصرية ..
-
لا الثبات ده اكيد عندك حاجه غلط يا اما خدت الملف بغشم شويه.. انا جبت ابالعربيه 200 ومكنتش خايف بس كل الفكره اني كنت مقفل الشبابيك.. راجع ضغط الكاوتش ياباشا
العزل والصوت العالي ده انت اكيد عارفه كويس كعضو فضي ده عيب مشهور جدا..
موضوع التنتيش اللي عند كل الناس ده لا هو مش عند كل الناس.. انا شاري العربيه دي ومع 3 صخابي محدش مننا عنده النتشه دي رغم اني سمعت عن الموضوع ده فعلا فانا بفترض انه حاجه من اتنين.. يا اما المشكله دي بيحسها الناس اللي مسقتش اوتو قبل كده يا اما انها عربيات وعربيات
الطلعه تقيله فعلا عندك حق ف دي
-
انا بصراحة لا اعلم شئ عن هذه السيارة...لكن اتفق معك ان فيه مبالغات في تقييم بعض السيارات عند ملاكها (بصفة عامة)...3000 كيلو قليل ربما انطباعك عنها يتغير بعد فترة
-
قسما بالله حصرتك زعلتني لاني ما كنتش اشوف حد ف حاله حضرتك دي من النرفزه و الزهق
يا ريت حضرتك تهدا بس شويه و حاول تفهم مشكله العربيه فين اكيد هي محتاجه تظبيط و هتلاقيها حاجه بسيطه بامر الله و انسا مقارنتها بعربيتك القديمه ادى الجديده فرصه و ان شاء الله ختبقي كل حاجه تمام انما طول ما حضرتك زعلان منها كده عمرك ما هتشوف فيها حاجه حلوه استهدي بالله بسس و ان شاء الله خير
-
انا راكب البومه وكنت بسافر دايما بعربية واحد صاحبى شارك 2015 وماشاء الله عليها بتجيب 180 مرتاح ومفيش عوم ولا حاجه ... عيوبها فعلا العزل وصوت الموتور العالى وصغر حجم الشنطه وطبعا هى فقيرة جدااااا فى الصالون والتابلوه بتاعها ودى عاده يظهر فى ميتسوبيشى من أياااام البومه والكريستاله مش زى الكورى عاليين قوى فى الصالون والشياكه من جوه وبره بصراحة ... لكن اليابانى يابانى بجد بعد الألمانى طبعا :)
-
أنا معايا شارك 2015 أعلى فئة، بقالها سنة ونص تقريباً، وبمنتهى الأمانة عربية أكثر من رائعة. كنت خايف أوى وانا بجيبها لأن العربية اللى قبلها (نيسان صنى 2008) كانت عجبانى أوى وكنت خايف لما أغير مبقاش راضى عن الجديدة، بس هى فاقت كل توقعاتى من حيث الشكل والأداء والسحب وأهم حاجة العفشة.
-
السلام عليكم
معايا الشارك من فبراير 2015 شرق اوسط وشاريها من القرش عاملة دلوقتى 38500 كيلو وباذن الله ح اعمل صيانة ال 40000 السبت القادم.
عايز اقول انى عملت 40000 كيلو فى سنة مشاوير شغل يومى وسفر يوميا وجرى ومطبات فلو فيها مشكلة (عربيتى) كانت ظهرت .
احمد الله على اختيارى لانى اعتقد ان مافيش عربية بنفس الفئة السعرية كانت استحملت اللى انا عاملة دة.
موجود لاى استفسار والسيارة موجودة للمعاينة لمن يريد .
انصح الصديق الشاكى بالذهاب للتوكيل سواء مودرن او الرواس وشرح الامر.
-
ده احسن حاجة فيها الثبات
يا راجل حرام عليك دية احسن حاجة في العربية دية الثبات بجد العربية تحفة و فعلا موضوع النتشة مش عندي و ما شوفتهوش عند حد و كل الي معاه العربية دية مبسوط بيها جدا و مكتسحة صراحة انا فعلا مستغرب ياريت تروح والوكيل و تشوف اية العيب الي عندك
-
انا عايز اقولك على حاجه
انا معايا البومه 2007الاوتو الخليجي ماشي
انا شديت طريق الكريمات العين السخنه بتاع الجيش كله مع شارك لحد ماوصلنا قبل اخره كنت انا جايب ال 200 و هو سابقني يعني كان معديها
و غير كده عشان توصل لل 200 احنا ماكوناش بنهدي خااالص و مقضينها غرز من العربيات
فا لو العربيه زي مابتقول ماكنش غرز معايا اصلان
انا بقولك انا كنت 200 و ماجبتهوش
-
بدايه احب اوجه الشكر لنايل موتورز لحيادها و عرض مشاكل السيارات بكافة انواعها و توضيح مميزتها و الحرص الدائم ع عدم التدخل و محاولة الحجر ع اراء الأعضاء و من هنا و بصفتي ادمن جروب فعال يحرص حرصا شديدا ع. تذليل كل العقبات اللي ممكن يواجهه مالك لسيارة شارك
Mitsubishi Lancer EX Owners Club
احب اوجه دعوة للعضو الفاضل لحضور الايفنت الخاص بالجروب يوم الجمعة القادمة 18/3/2016 و ذلك لفحص السيارة و تجربتها من قبل مهندسيين متخصصين و محاولة المساعدة بدون مقابل وربنا يقدرنا ع مساعدة حضرتك و الخروج من المشكلةالايفنت في تريبل ايه المعادي صقر قريش عند نزلة الدائري مع الاوتوستراد
-
توضيح و توجيه دعوة
أنا تابعت حضرتك فعلاً الموضوع و هو حيوي جداً - حضرتك في إيفنت يوم الجمعة القادمة برعاية جروب Mitsubishi Lancer EX Owners Club - و بوجود مجموعة من المهندسين المحترميين المتخصصين في العربية و هنعمل كلنا علشان نحاول نحدد ما إذا كانت العربيات بتاعت السادة الافاضل اللي حاضرين الايفنت فيها نتشة ولا مجرد إحساس بنقلات الفتيس - فيشرفنا حضور حضرتك و اي حد حاسس انه عنده المشكلة دي. و ربنا يقدرنا على مساعدتكم و نكون عند حسن ظنكم. و بالنسبة لباقي النقاط اللي حضرتك قلت انها عيوب في العربية زي التعويم و كده فأكيد في حاجة غلط لإني انا نفسي و غيري كتير ملاك للعربية و الكلام ده مش موجود. فممكن الموضوع يكون محتاج حاجة تتظبط او تتصلح لكن العيب ده مش في الانسر الشارك ابدا بل بالعكس خلينا نكون بنتكلم بصراحة العربية من ناحية الكماليات مش كتيرة زي مثلا العربيات الكوري و كده لكن من ناحية الثبات و الاعتمادية و التحمل دا العربية تتميز فيه عن مثيلاتها و بقوة كمان. عموما يشرفنا حضور حضرتك و أي حد يوم الجمعة القادم عند مركز AAA في المعادي (عند أخر نزلة الاوتوستراد - من الدائري القادم من إتجاة المنيب و الكورنيش)
:up:
-
بص حضرتك اتمنى متبعش و اتمنى برضوا انك تحل مشكلة العربية لو هى مشكلة فردية زى ما الاخوة بيقولوا بس ليا رائى لو قررت البيع بشكل نهائى و بتفكر فى الثبات بشكل اساسى
نصيحتى ليك كروز او استرا الاتنين ممتازين و عندك الليون روعة و ربنا يوفقك للافضل ليك
-
روح الايفنت واعرض مشاكلك فى حضور الملاك والمهندسين وانشاء الله تتحل حرام تبيع عربيه جديدة
Content Relevant URLs by
vBSEO 3.6.0 PL2