شارك وغلطه عمرى

**kokowasfy** · 14-03-2016 08:57 PM

مساء الخير
انا اشتريت شارك من 3 اسابيع و ندمان ندم عمرى العربيه دلوقتي عامله 3000 كيلو و كان معايه قبليها بومه 2007 بجد عربيه اسطورة المهم انا اشتريت الشارك بسمعه البوما و هيه للاسف ملهاش اي علاقه بل بومه و اشتريتها الناس قعدت تقول ثبات الشارك ثبات الشارك و راسيه و تقيله لا نهائى العربيه ثبتها سى بمعنه الكلمه العربيه بتعوم بعد 100 بشكل بشع اخدت ملف علي 120 ملف بسيط العربيه عامت و كانت هتروح في داهيه عكس البومه ثبتها كان مش طبيعي ملفات علي 140 و 160 و غرز ولا الهوا المتور قعدو يقولو مايفك و 1600 و بتاع و مكنه مجنونه احب اقولكم الطلعه بطى اوى بتدا تفوق بعد 60 و بعد كدا لحد 100 و بعد كدا لو جدع سيطر عليها تروح يمين و شمال و تلاقي ضهر العربيه بيعوم بطريقه مشفتهاش في عربيه والله العظيم و الفتيس النتشه طبعا الى موجودة بين الغيار الاول و التاني و مفيش واحد عندو شارك مش عندو الحته دى و اراهن سئلت مهندس عن الى فى رواس عن الحكايه دى قالي موضوع كبيير و الى فهمتو منو ان الموضوع هيكبر بعد فترة و دا عند كل الناس دا غير العزل الفوق السي سامع كل حاجه و حساسس بكل حاجه و كان المكنه قاعدة على حجرى مع ان انا عندى اعلا فئه الى فيها العازل بتاع الكبوت و المتور بس مفيس فايدة بس الحقيقه التكيف بتعها حلو اوى و شكل الخارجي فخم جدااااا و رياضي بس شكل بس والله ندمان على البومه كانت عربيه احسن مليون مرة الموضوع للافادة واللة عن تجربه شخصيه و ياريت ياجماعه الى عندو الشارك يقولي هل عندو نفس الي انا بحكى ع عليه ولا انا دى حاله لوحدها و ب>ات موضوع الثبات و شكرا و اسف لو طولت عليكم

**ahmed.biso13** · 14-03-2016 11:26 PM

والله نصيحتى
ليك امشى على 80 وماتزودش عن كده لحد ماربنا يكرمك وتبيع وتقلل خسارتك فيها

**mr_green** · 15-03-2016 08:18 AM

أخى الفاضل إستهدى بالله و ماتكبرش الموضوع

الثبات و التعويم أعتقد دى حالة فردية سببها بسيط و ممكن يتعالج لأن محدش إشتكى منها قبل كده و لى أصدقاء و أقارب معاهم العربية دى و بيجروا جامد و غرز

حل مشكلتك ممكن يكون ظبط زوايا - و ممكن يكون نوع كاوتش سئ

عشان ماتلفش كثير و تتعب نفسك روح مركز Fit & Fix زبط زوايا و يبص على الكاوتش لو مريج أو فيه مشكلة و يظبطلك ضغط الهوا و بعيدن شوف

أنا شخصيا سوقت البومة و سوقت الشارك و الثبات متقارب فى الإتنين

**pepo2011** · 15-03-2016 09:09 AM

اخي الفاضل كلام حضرتك سليم مليون المية
بس مش في كل العربيات الشارك
اعتقد عربية حضرتك محتاجة شوية تظبيط ومراجعة عفشة طبعا احنا مانعرفش هي زيرو ولا مستعملة وعاملة 300 مع حضرتك بس في 3 اسابيع ولا عدادها عامل 3000 لو كده تبقي زيرو فعلا

اعتقد حضرتك تستهدي بالله وتجمع افكارك وتبداء رحلة البحث عن المشكلة وانشاء الله بسيطة لكنها مش بالسوء اللي بتتكلم عنه هي طبعا اضعف من البوما لكن بنسبة بسيطة

**devil_storm** · 15-03-2016 09:23 AM

انا اجرت العربية دى مرتين كل مره شهر كامل, بصراحه ثباتها كان ممتاز و عفشتها رائعة و مكنش فى اى نتش خالص فى الفتيس على اي غيار, ملاحظاتى عليها ارتفاع صوت الماتور و العزل وحش بخلاف كدة العربية ممتازه فى كل حاجة.
واضح ان عربيتك فيها مشكلة و ممكن تراجع التوكيل فى الزوايا و الترصيص او يكون فى مشكلة فى الكاوتش

**akmm** · 15-03-2016 10:28 AM

متابع .....................

**volociximab** · 15-03-2016 11:04 AM

المشكلة فى الفتنيس هيضرب و لا ده طبيعي

**Fawzy.Abdelnour** · 15-03-2016 12:07 PM

العربيه معايا و ثباتها معقول جدا، و كان معايا قبليها بومه بردو.
بس الصراحه عومت معايا علي 120 لما كان في هوا جامد قوي علي طريق كريمات.
مش عارف ده عيب فيها ولا كان الهوا جامد بزياده.

**kokowasfy** · 15-03-2016 01:41 PM

العربيه معايه من الزيرو و عامل بيها 3000 كيلو العربيه بتعوم هوا او مش هوا الثبات ضعيف اوى واللة بعد 120 بتروح يمين و شمال زى العربيات القديمه يا لو خدت غرزة هتعوم هتعوم و خصوصا من ورا بحس ان العربيه عاليه من ورا اوى بزيادة و واطيه من قدام هوة دا الى بيخليها تعوم و انا كشفت على الزوايه و العفشه طبعا سليمه 100 % يمكن من نوع الكاوتش المعفن الى نازله بيه الى هوا الدنلوب مش عارف بس انا والله اتخنقت منها انا شريها اصلا عشان سمعه الثبات الى بيقعدو يحكو عليه اهم حاجه في العربيه بلنسبالى الثبات و الشارك حطمتنى بمعنى الكلمه كرهتنى في اليباني شكلي هبيعها بخصارا و اجيب حاجه الماني

**Samir Elshahawy** · 15-03-2016 04:48 PM

اخي الفاضل ...

أولا ربنا يبارك لك في عربيتك الجديدة و أن شاء الله المشكلة تكون بسيطة و تتحل قريب

أنت بس واخد علي البوما و طبعا هي أفضل من الشارك اللي بتنزل عندنا في مصر بسبب قوانين الجمارك و الضرائب و بسبب الوكلاء اللي ماينفعش يبقوا وكلاء سيارات أصلا

العربية من ناحية الثبات مش وحشة للدرجة اللي حضرتك بتتكلم عليها .... صحيح هي أقل من البوما في الثبات و لكنها أفضل من عربيات تانية في نفس فئتها يمكن أنت بس لسه مش واخد عليها أو علي نظام التحكم فيها

أما من ناحية العزم و الموتور فهي فعلا أقل بكتير من عربيات تانية و ده راجع للموتور اللي مش بتاعها علشان قوانين البلد البايظة

طبعا العربيات الجديدة كلها فيها مشاكل في العزل و الخامات و ده بسبب الوكيل اللي عايز يوفر كل حاجة من وجهة نظره مالهاش لازمة لكن تعالي أفرجك علي الشارك دي هنا في اليونان عاملة أزاي و لا حتي عربيات هيونداي عاملة أزاي

أنا شايف أنك تحاول تتعرف علي عربيتك الجديدة واحدة واحدة و تشوف عيوبها و مميزاتها و تبدأ في التأقلم معاها و تطويعها حسب متطلباتك أنت و قدراتك
و مافيش مانع أنك تتأكد أن العربية مافيهاش عيب صناعة يمكن تكون فيه حاجة مش طبيعية لأن أنت مش عارف العربية دي و هما بينقلوها من الميناء للشركة أو المعرض عملوا فيها أيه

رأيي تتاكد من الزوايا و المقصات و المساعدين
و كمان اتأكد من ضغط الهوا في الاطارات ممكن يأثر في ثبات العربية طبعا

الموضوع: شارك وغلطه عمرى

LinkBack

أدوات الموضوع

عرض

-

-

-

-

-

-

المواضيع المتشابهه

عمرى ما كنت اتخيل ان افكر فى اللانوس

أرجو المساعده، شقى عمرى فى السياره دى.

فاضل على تحقيق حلم عمرى 3 ايام

استشاره بخصوص اللوجان وغلطه ندمان عليها

كامرى بس عمرى ما شفت الموديل دة

الكلمات الدلالية لهذا الموضوع

المفضلات

المفضلات

ضوابط المشاركة