عرض للطباعة
السلام عليكم
انا عاوز اشترى عربية مستعملة فى حدود 120 الف
انا محتار مبين كرولا و سيراتو ولو فى حاجة افضل قولو
انا ممكن ازود واجيب حاجة جديدة فى حدود 140 بس يكون قطع غيارها
متوافرة وعالية عن الارض ويكون توكليها منتشر لانى من المنوفية ومشوار
القاهرة صعب فيا ريت اقتراحات لانى متحار وخلاص قررت اشترى
بلنسبة لجديد فى ناس اقترحت سيات توليدو بس انا خايف اجيبها وادوخ نزول على القاهرة
لصيانة وقطع الغيار وغيرة
التوليدو خيار أول ثم السوزوكي سياز..
وفقك الله لما يحبه ويرضاه.
موفق ف الشرا ان شاء الله
اتمني حضرتك تركز ف حاجه يكون عفشتها كويسه و محرتمه عشان طرق المنوفيه انا عارفها بتفرم اجدع عربيه
كان نفس اقدر انصح حضرتك بس انا متحيز للياباني شويتين و عشان كده رايي مشكوك فيه
ربنا يوفقك يا فندم
شوفت رد الاستاذ كريم منير قبل كدا بين شارك وتوليدو والعربيات الي في نفس الفئه
كان دايما يختار توليدو
محدش ادانى عقاد نافع ياريت ياجماعة حد يفيدنى
ياريت حد يفيدنى يجماعة اجيب عربية تويوتا كرولا 2008 او 2009 او كيا سيراتو ب 120
ولا احد اكمل واجيب سيات ليون لو فى حاجة تانية فى نفس السعر واحسن ماشى
بس ياريت تقولولى قطع غيرها مثلا مقارنة بلكرولا والكيا سيراتو وكا اداء وخامات وتقفيل
هيا افضل ولا اشترى مستعمل
يا فندم لو اختارت كورولا ٢٠٠٨ او ٢٠٠٩ حاول تجيبها مواصفات خليجي و ابعد عن التقفيل الجنوب افريقي لاني سمعت انه معيوب ف الفتيس الاستيبترونيك بتاعهاقتباس:
المشاركة الأصلية كتبت بواسطة captinahmad
انا عن نفسي ارشح لحضرتك تويوتا
اتمني تتقبل مروري المتواضع
حضرتك لية الجنوب افريقى وحشة مع ان فى ناس كتير بتشكر فيها لان فيها اوبشن اكثر من اليابانى وتدريع تحت العربيةاقتباس:
المشاركة الأصلية كتبت بواسطة dr.mero90
يا فندم ابحث ع النت علي مشاكل الجنوب افريقي هتلاقيها نزلت و شركه تويوتا سحبتها تاني بسبب عيب تصنيع ف الطنابير كان بيحرق العربيه و دفعت الشركه غرامه محترمه للي اشترو العربيات و بعدها بحوالي شهر ناس كتير اشتكت من ان الفتيس بيبوظ بسرعه جدا و بينتش و هنا اعلنت تويوتا ان اي حد معاه كورولا ٢٠٠٨ تقفيل جنوب افريقي الشركه هتغيرله الفتيس علي حسابها بس للاسف بردو العيب ما اتصلحش يعمي بتروح تغيير الفتيس وكاله و بردو معيوب و دا بسبب ان دي كانت اول موديل ينزل فيه الفتيس الاستبترونيك من تويوتا مع العلم ان الناس هي اللي بتبوظ الفتيس بطريقه الاستخدام الغلط للاسف و هي اوبشن فعلا اعلا من الخليجي بس بلاشها عشان الموضوع بتاع الفتيس ناس كتير جابتها و باعتها بسبب عيب الفتيس و ناس اكتر بتشتكي منه مع العلم ان الناس اللي عارفه استخدام الفتيس مش بيشتكو منه غير ف حاجات بسيطه حضرتك بس اعمل بحث عن عيوب كورولا الجنوب افريقي و هتتفرج و عشان نبعد عن اي عيوب تصنيع و وجع قلب ممكن تشتري الخليجي و هاتبقي نفس الاوبشن و مناسبه لظروف مصر جدا جدا انما بالنسبه للتدريع انا ما اعرفش عنه حاجه بس ما اظنش تويوتا هتطلع عربيه متدرعه من تحت و عربيه لا اكيد هي ف كل العربياتاقتباس:
المشاركة الأصلية كتبت بواسطة captinahmad
اتمني لو غلطت ف حاجه تصححوني بس دا اللي سمعته و كنت اتفرجت ع الاعتذار اللي قدمه مدير مجموعه تويوتا قدام الكونجرس بسبب عيب الطنابير
اكيد جنوب افريقي مرفوض
الاختيار لو كورولا خليك ف 2010
او جديد شارك كمثال