الموضوع: اختيار عربية مستعملة فى حدود 120 الف

التوليدو خيار أول ثم السوزوكي سياز..

وفقك الله لما يحبه ويرضاه.

موفق ف الشرا ان شاء الله
اتمني حضرتك تركز ف حاجه يكون عفشتها كويسه و محرتمه عشان طرق المنوفيه انا عارفها بتفرم اجدع عربيه
كان نفس اقدر انصح حضرتك بس انا متحيز للياباني شويتين و عشان كده رايي مشكوك فيه
ربنا يوفقك يا فندم

شوفت رد الاستاذ كريم منير قبل كدا بين شارك وتوليدو والعربيات الي في نفس الفئه
كان دايما يختار توليدو

محدش ادانى عقاد نافع ياريت ياجماعة حد يفيدنى

ياريت حد يفيدنى يجماعة اجيب عربية تويوتا كرولا 2008 او 2009 او كيا سيراتو ب 120
ولا احد اكمل واجيب سيات ليون لو فى حاجة تانية فى نفس السعر واحسن ماشى
بس ياريت تقولولى قطع غيرها مثلا مقارنة بلكرولا والكيا سيراتو وكا اداء وخامات وتقفيل
هيا افضل ولا اشترى مستعمل

المشاركة الأصلية كتبت بواسطة captinahmad

ياريت حد يفيدنى يجماعة اجيب عربية تويوتا كرولا 2008 او 2009 او كيا سيراتو ب 120
ولا احد اكمل واجيب سيات ليون لو فى حاجة تانية فى نفس السعر واحسن ماشى
بس ياريت تقولولى قطع غيرها مثلا مقارنة بلكرولا والكيا سيراتو وكا اداء وخامات وتقفيل
هيا افضل ولا اشترى مستعمل

يا فندم لو اختارت كورولا ٢٠٠٨ او ٢٠٠٩ حاول تجيبها مواصفات خليجي و ابعد عن التقفيل الجنوب افريقي لاني سمعت انه معيوب ف الفتيس الاستيبترونيك بتاعه
انا عن نفسي ارشح لحضرتك تويوتا
اتمني تتقبل مروري المتواضع

المشاركة الأصلية كتبت بواسطة dr.mero90

يا فندم لو اختارت كورولا ٢٠٠٨ او ٢٠٠٩ حاول تجيبها مواصفات خليجي و ابعد عن التقفيل الجنوب افريقي لاني سمعت انه معيوب ف الفتيس الاستيبترونيك بتاعه
انا عن نفسي ارشح لحضرتك تويوتا
اتمني تتقبل مروري المتواضع

حضرتك لية الجنوب افريقى وحشة مع ان فى ناس كتير بتشكر فيها لان فيها اوبشن اكثر من اليابانى وتدريع تحت العربية

المشاركة الأصلية كتبت بواسطة captinahmad

حضرتك لية الجنوب افريقى وحشة مع ان فى ناس كتير بتشكر فيها لان فيها اوبشن اكثر من اليابانى وتدريع تحت العربية

يا فندم ابحث ع النت علي مشاكل الجنوب افريقي هتلاقيها نزلت و شركه تويوتا سحبتها تاني بسبب عيب تصنيع ف الطنابير كان بيحرق العربيه و دفعت الشركه غرامه محترمه للي اشترو العربيات و بعدها بحوالي شهر ناس كتير اشتكت من ان الفتيس بيبوظ بسرعه جدا و بينتش و هنا اعلنت تويوتا ان اي حد معاه كورولا ٢٠٠٨ تقفيل جنوب افريقي الشركه هتغيرله الفتيس علي حسابها بس للاسف بردو العيب ما اتصلحش يعمي بتروح تغيير الفتيس وكاله و بردو معيوب و دا بسبب ان دي كانت اول موديل ينزل فيه الفتيس الاستبترونيك من تويوتا مع العلم ان الناس هي اللي بتبوظ الفتيس بطريقه الاستخدام الغلط للاسف و هي اوبشن فعلا اعلا من الخليجي بس بلاشها عشان الموضوع بتاع الفتيس ناس كتير جابتها و باعتها بسبب عيب الفتيس و ناس اكتر بتشتكي منه مع العلم ان الناس اللي عارفه استخدام الفتيس مش بيشتكو منه غير ف حاجات بسيطه حضرتك بس اعمل بحث عن عيوب كورولا الجنوب افريقي و هتتفرج و عشان نبعد عن اي عيوب تصنيع و وجع قلب ممكن تشتري الخليجي و هاتبقي نفس الاوبشن و مناسبه لظروف مصر جدا جدا انما بالنسبه للتدريع انا ما اعرفش عنه حاجه بس ما اظنش تويوتا هتطلع عربيه متدرعه من تحت و عربيه لا اكيد هي ف كل العربيات
اتمني لو غلطت ف حاجه تصححوني بس دا اللي سمعته و كنت اتفرجت ع الاعتذار اللي قدمه مدير مجموعه تويوتا قدام الكونجرس بسبب عيب الطنابير