الموضوع: تقييم الBMW 316i E90 2006-2008

بسم الله الرحمن الرحيم
اود ان اشكر كل أعضاء المنتدي الي ساعدوني علي اتخاذ القرار خصوصا اني قرفت اعضاء قسم ميتسوبيشي وتويوتا وهوندا وفي الاخر مجبتش اي واحدة منهم والغريب اني كنت ببص لل316 بقرف علي اساس ان مفهاش كماليات او اي نوع من الرفاهية وبعد قيادة الفئة السابعة لمدة اسبوع كامل وسافرت بيها اكتشفت ان كل الكماليات الي فيها لم تستخدم بما فيهم التكيف الاوتو وكمان لاحظت ان الحاجات المهمة هي الموتور والتكنولوجيا الداخلية الي بتخلي الواحد يستمتع بالقيادة

مواصفات السيارة

Engine & Transmission
6-speed manual transmission
Cylinders/valves 4/4
Displacement in cc 1595
Max. Output hp/rpm 115/6000
Max. Torque Nm/rpm 150/4300
Performance
Top speed km/h 206
Acceleration 0-100 km/h sec 11.6
Fuel consumption
Urban ltr/100Km 10.8
Extra-urban ltr/100Km 5.9
Combined ltr/100Km 7.7
CO2 emission g/km 184
Tank Capacity ltr 63
Weight
Weight (Unladen) kg 1395
Permitted Load kg 520
Dimensions
Length mm 4520
Width mm 1817
Height mm 1421
Wheelbase mm 2760

كماليات السيارة

Safety

6 airbags

- Driver and front passenger

- Front-to-rear head airbags, covering the entire window area

- Side airbags for driver and front passenger

Brakes

- Disc brakes in the front, inner-vented

- Disc brakes in the rear, inner-vented

Brake Force Display

Central locking with electronic immobilizer and crash sensor locks doors, luggage compartment and fuel filler cap

Centre locks switch for central locking

Dynamic stability control (DSC, incl. ABS, CBC and Traction Mode DTC).

ISOFIX child seat fastening system

Remote Control central locking with electronic immobilizer,
Start/Stop Button.

Runflat indicator

Safety body shell

- Bumper system, with replaceable crumple elements front and rear to absorb impacts of up to 15 Km/h. reversible front elements absorb impacts up to 4 Km/h without damage

- Side impact protection, integrated

Seatbelts

- Three-point seat belts for all seats, with pyrotechnic belt tensioner at the front


Interior equipment

Air conditioning, manual

Armrest at the front

Battery in luggage compartment

Glass sliding/vent roof, electric

Glove compartment, lockable illuminated

Hot climate package


Interior Trim

-Finishers Titanium Matt

“LIGHTS ON” warning

On-board computer

الكمبيوتر ده مش بيوضح موضوع استهلاك البنزين ومعلومات الصيانة بس, ده كمان بيخليك تتحكم في كل وظائف العربية يعني مثلا: تخلي السنتر يقفل بعد لما العربية تمشي ولا بعد وقت معين ولا الاتنين مع بعض , كمان لما تيجي تفتح العربية عايز باب السواق بس يفتح ولا كل العربية

Radio/audio

- AUX-In connection

- BMW Business CD Radio

- CD changer Preparation

Radio remote control for central locking

Seat adjustment in 6 directions

Upholstery

- Leatherette

Window lifts, electric, front and rear with open/close fingertip control


Exterior equipments

Bumpers in body color

Door handles in body color

Exterior mirrors in body color

Front doors with three-stage door brake

Metallic paint

Ornamental front grille with vertical slats in black and chrome surround

Windscreen with green shade band

White indicators lights

16" light-alloy Double Spoke 156 (205/55R16)

العربية تتميز بالشكل الخارجي الفخم خصوصا مع اللون الاسود وتجذب انظار كل ال ناس الي حوليك بالرغم من انتشارها كتير اوي في الشوارع

تتميز ايضا ال316 بأن التابلوه مطعم بمادة تشبه التيتانيوم مش خشب الابانوس زي بقية السيارات وده بيحسسك ان السيارة رياضية من الدرجة الاولي وخصوصا عند الجلوس بداخلها بتلاقي مستوي الزجاج عند الرقبة وانك فارد رجليك امامك وناقل الحركة في مستوي الصدر او اسفل قليلا

العربية موفرة جدا للبنزين علي الطرق السريعة واستهلاكها للبنزين عالي داخل المدينة . انا عامل متوسط 9.5 لتر لكل 100كم علي متوسط سرعة 40كمس ونمط القيادة بتاعي متوسط مبشدش جامد غير لما يكون الطريق فاضي ومبعديش السرعة القانونية في معظم الاحوال غير لما اكون عايز اجربها في ملف معين

الاداء و التسارع

طبعا مش هعد افتي واقول عربيتي بتجيبها في 9ثواني وانا بهدلت الفئة الخامسة وانا بشد معاه والكلام الي ملهوش لازمة ده
زي مهو واضح في المواصفات بتجيب من صفر ل100 في 11.6 ثانية وده ميخلهاش سريعة خصوصا انها مانيوال وفي نفس الوقت ميخلهاش سلحفاة وده راجع لان وزن العربية تقيل مبيخلهاش تسحب كويس بس في نفس الوقت بتعوض في سرعتها واداءها في المنحنيات

العربية مصممة بحيث ان حتي لو مبتديش اداء رياضي فصوت الموتور رياضي جدا وجميل ولو انت فاتح الزجاج بتسمع صوت شبه مروحة التربو ووضعية القيادة مماثلة للسيارات الرياضية امثال البورش 911 (دي الي ركبتها بس ) وكمان الفتيس خفيف جدا وحاراته قصيرة

استجابة الدواسات كما هو متوقع منها ولا هي تقيلة ولا هي خفيفة

الباور مش خفيف زي السيارات اليبانية بس بيديك تحكم علي كل السرعات . السرعات البطيئة بيخف اوي وكل لما تسرع يتقل معاك ومع الدفع الخلفي بيديك محور دوران اقل فتبقي سهلة الركن وسهلة المناورة في الاماكن الضيقة والزحمة وفي نفس الوقت بيعزز قدرة العربية في الملفات السريعة عن السيارات الجر امامي

الثبات

تتمتع العربية بثبات رهيب بمعني ان مش بس العربية بتبقي ثابتة ومبتعومش في الملفات ده كمان وانت بتاخد الملف تقدر تفضل حافظ الحارة بتاعتك وممكن تغيرها بالطريقة الي انت عايزها ودي بتعتمد علي مهارات السائق لان قدرة العربية في المناورة والتحكم عالية جدا

العربية مبتعومش من قدام ولا من الوراء وانا شايف ان دي اهم ميزة في العربية الا وهي الثبات

الامان

بالرغم ان الشركة حاولت انها تخفف العربية بصنع الموتور والجير بوكس والاجزاء الداخلية من مواد خفيفة وبالرغم انهم شالو الاستبن الاحطياتي فالعربية طلع وزنها اثقل من عربيات الجيل الي قبلها ب50كجم وده بسبب عوامل الامان الرهيبة وهي 6ايرباج ومجموعة الفرامل الالكترونية وكمان العربية صاجها تقيل جدا جدا لدرجة لو حد قعد عليه مهما كان وزنه مش هيطبق

وده بيساعد العربية في التصادم لدرجة ان مرة ريحت علي عربية بيجو 504 والاكصضدام بتاعه دخل لجوة وعندي محصلش اي حاجة حتي الدهان مطلعش من مكانه

قوة الفرامل

مقارنة بالسيارات اليبانية الفرامل قوية جدا ومبتحسش بيها الا لو فرملت جامد جدا

كماليات السيارة
العربية فقيرة في الكماليات فلو قارنتها مثلا باكبر المنافسين ليها زي الجيتا والفيكترا مفهاش كراسي كهرباء ولا تكيف اوتوماتيك ولا زينون ولا تليفون ولا سي دي تشانجر ولا مرايات ضم ولا فوجات ولا حساسات وكمان مفيش مثبت سرعة (معظم الحاجات دي بتتركب بالطلب) وبصفة عامة العربية الي فيها كل الكلام ده بتغلي حوالي 40000-50000

بس كده يبقي دخلت في قئة تانية والعربية غليت جامد

مميزات:

الثبات والتحكم في العربية

الامان

الشياكة والفخامة

العزل ممتاز وصوت الموتور بتسمعه خفيف فوق ال2000دورة غير كده مبتسمعش اي حاجة اطلاقا

الساوند سيستم ممتاز والراديو سي دي بتاع العربية عبقري

صوت المحرك جميل

الوضعية الرياضية

العيوب:

بالرغم ان العربية التسارع بتاعها مقبول جدا ولكن الناس اكيد بتتوقع اكتر من ال316

الوضعية الرياضية مش مناسبة للسيدات خصوصا وانت طالع من العربية كانك بتقوم من علي الارض

العفشة ناشفة جدا بفضل الكوتشات

قطع غيار غالية

التوكيل عليه ضغط جامد وممكن عشان تعمل صيانة تقعد طول اليوم رغم انك حاجز

مفيش منها اوتوماتيك وده مضايق ناس كتير رغم انه هيخلي العربية ضعيفة

فقيرة في الكماليات

الخلاصة:

الحمد لله وبفضله انا شايف ان العربية مناسبة جدا بالنسبالي لان زي موضحت قبل كده ان الكماليات دي مبتستخدمهاش وكمان مش شايف ليها اي لازمة (ممكن تكون مهمة لناس تانية) وفي نفس الوقت العافشة الناشفة مش مضيقاني لانها مبتبنش غير في الحفر لكن مع اختلاف مستوي الطريق والحفر الصغيرة الي عمقها اقل من سم مبتحسش بيها اطلاقا وفي نفس الوقت انا معجب جدا بمتعة السواقة بتاعتها وشايف ان بعيدا عن الارقام دي العربية بتشد كويس جدا والحمد لله انا عارف ومجرب عربيات سريعة كتير وعارف ازاي العربية الي بتسحب كويس من الي مبتسحبش

من وجهة نظري العربية الوحيدة الي تتشابه معها هي الهوندا مع اختلاف ان السيفيك محركها اقوي واقل سعرا وقطع غيارها ارخص من 316 وفي نفس الوقت ال316 صاجها امتن واكثر امانا وافخم وثابتة اكتر