ياترى عينك بتزوغ على العربيات اللى ماشية حواليك ولا مابتشفوش الا عربيتك:droolingenthusiast:
عرض للطباعة
ياترى عينك بتزوغ على العربيات اللى ماشية حواليك ولا مابتشفوش الا عربيتك:droolingenthusiast:
يا باشا انا طول منا ماشى (على رجلى) ببقى عامل زاى مايكون واحد ماروش ماشى فى الشارع لو عربية سوناتا مثلا عدت جمبى او حبيبتى النترا او بريليانس FRV و عربيات كتير لازم اتلوح عشان ابص عليها
لكن طول منا سايق مش ببص غير على طريقى و المرايات :)
أنا تقدر تقول كده
شاب مزواااااااااااااااااااااا ااااااااااااااااج
يعنى لو انا مليونير مثلا هتلاقينى كل شهريت تلاتى بايع عربيتى وراكب عربية تانية
جديدة او مستعملة
كل عربية مهما كانت ليها طعم خااااااااااااااااص مختلف عن التانية
اما فى الشارع بأه فطول منا ماشى او راكب بس مش سايق بتفرج على العربيات
و لو جيت أعدى الشارع و لقيت عربية عجبانى جاية
اسيبها تعدى الاول من قدامى عشان اتفرج عليها و ممكن اكون شوفتها ميت مرة قبل كده
بس برده اتفرج تانى لدرجة انى بقيت بعرف ماركة العربية من المراية..الرفرف..فانوس الاشارة الجانبى
اى حاجة
و انا سايق بأه بتفرج برده بس مش بحرية اوى عشان الطريق
بس ساعات كده أقول لوالدى فجأه بص العربية اللى جاية من ورايا دى
دى ملهاش حل و فيها كزا و كزا و سعرها
بس هوا بقى بيفضل يصرخ ( ركز فى الطريق و سيبك من اللى جاى و اللى رايح هتموتنا)
لو حد عنده حل لحالتى دى يلحقنى بيه
لأ فى طريقى على طول
الا لو لاقيت حاجة نادرة زى بى ام 7 او بورش ...
طبعا دى حاجه اساسيه اصحابى بيضايقوا منى عشان ساعات يبقوا بيكلموا معايا فى موضوع وانا مش معاهم ابص على العربيات خصوصا الجيتا والسيفيك والالنترا بس يا سلام بقى لو عربيه GMC ولا ميركيورى ولا كامرى جمرك بتنح قدامها ومعرفش اتكلم واتحسر على اللى بلدنا فيه
..mokhtar..
طيب الحمد لله فى ناس زيى...دا أنا كنت فاكر نفسى عيان:victory::victory::victory:
انا باعمل كده اكيد
علشان : لو لقيت عربية اقل مستوى او شكل من عربيى اقول" الحمد لله على النعمة ده"
ولو كانت عربية من العربيات اللى لو بصيت عليها المفروض تدفع فلوس اقول" ماشاء الله تعالى " بس انا باحب عربيتى اكتر من اى عربية تانية
و انا كمان معاكم بحب مفوتش عربية معدية
و باحلم انى اسوق انواع كتير من العربيات
هههههههههه .....انا اول ما شفت العنوان قولت اكيد عينيا هتزوغ على واحدة ست حلوة
يعنى لما يكون الطريق رايق ومش محتاج تركيز بحب اتفرج على العربيات اللى حواليا
لكن انا معظم الاوقات بكون مركز فى السواقة وبس
اصل زوغان العيون وحش وخصوصا على الستات
وميرسى على الموضوع
انا لما اشوف عربيه جامده بوقف ذى الصنـــــم وافضل اشوف فيهاايه وكمالياتهاايه وصاحبها معدل فيها ايه
وقبل اى شى بقول بسم الله ما شاء الله :tt1::tt1:
لاحسن احسدها :jiggy:
وابص لعربيتى واقول الحمد لله ان معايا عربيه وفيه غيرى مش لاقى مواصلات
لا مش بابص الا على حاجة غريبة تلفت النظر فيها جنط جديد مثلا نقشة كاوتش حلوة ،ديل شكمان جامد، فوانيس شكلها جديد
الظاهر أن معظم أعضاء المنتدى عندهم نفس المرض اللي عند كريم ..... أنا كده بالضبط ده أنا لو ماشي بالعربيه وعربيه عجبتني راكنه على جنب ممكن أقف وأنزل أتفرج عليها مهما كانت أهمية المشوار اللي ورايا ........ ربنا يشفينا :driving::driving::driving:
مفيش حد مش بيبص جمبه :1aa:
كلنا بنحب نتفرج ع العربيات الجامده اللى بتعدى او تبقى قدامك
بس انا عن نفسى عنيا بتروح كتير اوى ع المزز لو فيه واحده تستاهل :tt1:
ده مرض في الشباب كلها انها لو شافت بنوته حلوه بتقعد تبص عليها وممكن تشد معاها وترخم عليها كمان لو الطريق يسمح :d وكذلك ف العربيات لو شفت عربيه وشدتك اكيد لو قدامك هتفضل لازق فيها وتمشى براحه عشان تتفرج عليها :toot:
ربنا يهدينا ويشفينا جميعاً :sifone:
العربيات اصلا كترت جدا بس اجمد حاجة لما تشوف عربية جامدة جدا وجواها واحدة اجمد منها
الحقيقة فيه بورش كاريرا كابروليه بشوفها كتير عالمحور و الصحراوي اليومين دول فا طول منا ماشي قاعد أدور عليها .
بصراحه ده مشكله عندي
كذا مره اشد ورا عربيه علشان اتفرج عليها كويس
وكذا مره كنت حخبط في حد علشان مش باصص في طريقي
3an nafsi mfish 3rbyat btshdni wna sai2
ya3ni ba5leni f tri2i w kman mafish 3rbyat 3'ariba bt2ablni
kolo mn el no3 el ma3rof
enma lo 3arbya gamda momkn aseb el 3rbya tmshi w anzl atfrg 3leha :D
ana mara mn kam sana kda kont awl mara ashof el x5
w kant mtfima eswd ko7llll
wna 3mal abos gwaha w a2ol eh el gmal da eh el 7lawa di ya salam
w hop ala2i sa7b el 3rbya byfta7 el ezaz w y2oli t7eb ta5odha lafa!!!
sebto w 3amlt nafsi hendi
etksft kasfa :@
alah maywriko:D
batlt mn sa3tha abos 3la 7agt el nas :D
بتهيالى الموضوع دة اصلا حاجة فطرية يعنى الرجالة بطبعهم بيحبو العربيات زى الخيول زمان
الآية:
(زُيِّنَ لِلنَّاسِ حُبُّ الشَّهَوَاتِ مِنَ النِّسَاء وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ ذَلِكَ مَتَاعُ الْحَيَاةِ الدُّنْيَا وَاللّهُ عِندَهُ حُسْنُ الْمَآبِ )
الخيل المسومة واكيد العربيات دلوقتى
بس المفروض برضو الموضوع ميكونش فراغة عين يعنى لان برضو ربنا بيقول
(وَلَا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنيَا لِنَفْتِنَهُمْ فِيهِ وَرِزْقُ رَبِّكَ خَيْرٌ وَأَبْقَى )
القناعة كنز لايفنى :d
أى خدمة قلبتلكم الموضوع درس وعظ
تقريبا كريم باشا رد عننا كلنا
أنا لما ببقى بالليل مش بعرف أبص قوي على العربيات واتلوح عشانها لحسن يكون جواها ولاد يفتكروا ان انا معجبة بيهم..لأن الواحد فيهم ساعات يلاحظ اني باصة ناحية عربيته يقوم يأمرك ولا يعمل حركات..فأنا مش ببص على العربيات الا بالنهار من ورا نضارة الشمس
بس مؤخرا عينيا مبقتش بتزوغ قوي لأن خلاص نادر لما اشوف عربية مميزة..كله بقى في منه كتير وعادي بقى
نايل موتورز ده لحس لي مخي
وعلمني زواغة العين http://www.myoneplan.net/vb/images/smilies/m-s5.gif
طول منا ماشية ابص على العربيات واقارن انهي شكلها احلى
ولو في عربية بيشكروا فيها في المنتدى ومش عارفه شكلها افضل ادور عليها في الشارع علشان اتعرف عليها يمكن تعجب بيا هي كمان :1aa:
ولو عربية عجبني شكلها في الشارع قلبي بيرفرف على طول http://www.myoneplan.net/vb/images/s..._18[1].gif ولازم ولابد كل البد اعرف ماركتها ايه وادور على اراء الناس هنا فيها
أية يملى عينى غيرك يالوزة بس ....:coolgleamA: :k4:
لو كانت إمرأة لتزوجتها :wub5::k1::k9:
:smilielol5:
انا ببقى باصص على المرايات لكن لو واحدة سايقة بسيب البنزين والعربية كلها ماشية وبفضل باصص عليها مش عارف مع انى اخد كذا قفا من ابويا بسبب الموضوع دع وبردو مش عارف اركز طول مافى واحدة سايقة عربية جنبى
ربنا يستر علينا من الحريم وقرفهم
اخوكم يوسف
كان زمان....دلوقت مش أكتر من نظرة خاطفة
لحقت أشوف كان بها...ملحقتش يبقى المرة الجاية
طبعا عينى بتزوغ على اى عربية جاااااااااامدة لان فى عربيات بتتشاف مرات قليلة فى العمر على الحقيقة وفى عربيات متعدلة تعديل جميل ورايق الواحد بيحب يرمقها بنظرة خاطفة لان الله جميل ويحب الجمال وانا اصلا طول مانا سايق موش فى زحمة ولا على طرق سريعة بقعد اتفرج على المدينة والعربيات مع التركيز على السواقة طبعا لانة موش شرط ان الواحد وهو سايق يحضن الدركسيون ويحدد نظراتة وتصرفاتة على السواقة والعربية بس الا طبعا فى حالات معينة زى لما يبقى الواحد ماشى على السريع علشان كدةاو فى اماكن زحمة.
اخطر حاجة فى رايى هى الاعلانات اللوجو على الطرق السريعة لان على السرعات العالية بتفرق كسر من الثانية فلازم الواحد يكون مركز فى سواقتة مش يركز على الاعلانات اللى بتبقى عالية وموش باينة اساسا .
اكتر عرببية عيني زاغت عليها كانت bmw z4 اول ما طلعت الموبايل علشان اصورها لقيتوا في اخر الشارع
انا طوووووووووووول مانا ماشيه عيني مابتشوف الا العربيات
بعيد عنك بقي مرض و وباء من يوم ما اشتركت في المنتدي ده
اساسا قبل كده مكنتش اعرف افرق العربيه من العجلة
لكن هلا صرت استاذه
لدرجة اني ممكن اعرف الموديل كمان مهما كان قديم
طول مانا ماشيه افضل اكلم اللي جانبي
شوفتي البي ام دي
شوفتي الشيروكي دي
شوفتي البيجو دي
و هكذا
من الاخر اللي ماشية جنبي بتبقي عاوزة تنتحر في الغالب
:k48::k48:
نفس اللي بعمله بالضبط بس مش بكلم اللي جنبي بس دة ساعات و انا لوحدي اقعد اكلم نفسي عادي يعنياقتباس:
[IMG]file:///C:/Users/WOLF_M%7E1/AppData/Local/Temp/moz-screenshot.jpg[/IMG]طول مانا ماشيه افضل اكلم اللي جانبي
شوفتي البي ام دي
شوفتي الشيروكي دي
شوفتي البيجو دي
و هكذا
العربيات الجامدة هي اللي بتشدني و خصوصا ال BMW بكل انواعها و فئاتها , بس الغريب اني لو شوفت عربية لانوس بأفضل مبحلق فيها و ممكن أمشي وراها و ساعتها بأشعر بالرضا عن عربيتي
+999999999999999999999999999
بس انا اصلا من ايام لما كنت صغير و انا عندي المرض ده ههههههههههههههههههههه ده انا حتي خليت اصحابي يتعدوا مني وبقوا ساعات يشلوني انا بقي و يقعدوا يسألوا علي العربية و تاريخها و عيوبها و مميزاتها...الخ!!!! ههههههههههه
ربنا يشفينا يارب :))
بس للعلم ده مرض لذيذ :)
_______________________
http://i92.photobucket.com/albums/l3...y/RoadRage.jpg
طول ما أنا سايق ........ هو الطريق و الميكروباصات اللي بتعمل شقلباظات و الأخوة بتوع الغرز ( اللي يهديهم و يسامحهم على اللي بيعملوا فينا )
إنما و أنا مشي على رجلي
بتشد جدا للجمال الايطالي الأخاذ للنظر
سيارات فيات الجديدة خصوصا
الجراند بونتو و اللينيا ....... و البونتو لغاية 2003 ....
و أيضا تأخذني السيارة سيات أبيزا القديم منها و الجديد ....فعلا تصميمات جميلة
و أحب أن ألقى نظرة روعة و إمتنان لمن صمم الجين 2
مع أنها معي طول الوقت ,,,,, و لكن ما أن أتركها في مكان ما و أمشي في الشارع أظل ألقى نظرات الأعجاب على سيارات جين 2 في الشارع ....و مازالت أبدي اهجابي بالتصميم الجميل الثوري
اللمسات الفرنسية ...... وحوش باريس ...... سيارات الأسد الفرنسي بيجو
....... لا أجمل و لا أروع ........ سيارات رائعة الجمال مثل باريس التي تأخذك و تمتلك قلبك ....... روائع بيجو لا تعد و لا تحصى
الرينو الجديد ....... الميجان ....... خصوصا الهاتش باك
فعلا ....... غيرت رينو منحنى تصميماتها من الغرابة ....... إلى الجمال الفرنسي المشهود له بالروعة
هذا من ناحية السيارات التي تباع في مصر
أما السيارات التي لا تباع في مصر أعشق الأستون مارتن
جميلة تخرج من وسط الضباب اللندني ...... سيارة تخطف القلوب
تقريبا هي دي السيارت التي أحب شكلها