الموضوع: الابواب الخشب

المشاركة الأصلية كتبت بواسطة egyarmy

عايز اجيب 3 ابواب خشب للاوض
و باب للحمام
و باب الشقه نفسها
اولا الاحسن و الاشيك اجيب ابواب الاوض زى الحمام ولا ده شكل و التانى شكل ؟




ثانيا انا عايز شكل الابواب كدة

ده يتجاب نوع الباب الخشب نفسه ايه ارو ولا موسكى ولا ايه بالظبط لان الناس قالتلى انواع انا مش فاهمها بصراحة و الافضل يتعمله قشرة ولا يتدهن لاكيه ولا استر عشان يطلع شكله كدة بالظبط و الفواصل الفضى دى بتدهن ولا ستيل ولا ايه ؟
الاهم سعر الباب الخشب بس سادة كدة هيبقى كام ؟




ثالثا بقى باب الشقه عايز شكلة كدة

شوفت باب مصفح شبهه بس من غير الاطار الازاز ده و بالنسبه لسعره كان ب1200 جنيه بالرغم من وجود ابواب تانيه كتيرة كانت ب4000 الاف و سبحان الله ده الوحيد الى كان عاجبنى لان الباقى فورمته تخينه اوى فسألت صاحب المحل نفسه مش الى شغالين ايه الفرق عشان السعر قالى مفيش فروقات جامدة غير فى الشكل و بالنسبه للطبله و المفصلات قالى مقلقش فالأفضل اننا اجيب باب مصفح و اريح دماغى لان كدة سعرة و شكلة هيبقى افضل من الخشب العادى ولا اجيب خشب عادى و يتدهن ؟ و بالنسبه لاستخداماتى فى لسان الطبله هيبقى نادرا جدا بانه بيت عيله يعنى لو سافرت بس هستخدم اللسان غير كدة لأ و بالنسبه للاطار الازاز و الحديد ده سهل يتعمل ولا لأ ؟



رابعا انا من اسكندرية انزل اشترى الحاجات دى منين ؟
المنشيه ولا سيدى بشر ولا فيه مكان تانى
و متنسوش الاسعاااااااار

أنا كمان بأبحث زيك بالضبط على أبواب داخلية للغرف بس متكونش لاكية . من فضلك لو وصلت لحد كويس تقولي