المطلوب للفحص الفني

**AhmedAlex88** · 23-03-2016 08:48 PM

المشاركة الأصلية كتبت بواسطة amr011111

انت وحظك لو الدنيا زحمه او الموظف بيفطر
بس لازم الاول تروح المرور اللى تبع محل سكنك وبعدين تطلع على المروراللى هتجيب من مطابقة البصمه وبالتوفيق

الحمد لله روحت على مرور محرم بك الاسكندرية، جيبت ٣ ورقات فحص ( فني + بيئي + طفاية )، الطفاية اللي اشتريتها من بره الحمد لله عدت الفحص بدون مشاكل وحفر عليها رقم معين وكتبه في ورقة الفحص.
الفحص الفني رفع عليها البصمات من العربية ( موتور + شاسيه )، وقالي اروح اقف في طابور الفحص.
في طابور الفحص كتب على الورق جواب موجه للمهندس في مرور طنطا لمطابقة البصمات مع المرفوع بمعرفة مرور محرم بك.
روحت مرور طنطا الجديد اللي عند الموقف، دخلت المبنى الدور التاني اخر شباك عند المهندس، طلع الملف الخاص بالعربية من الارشيف في دقائق، طابق البصمات، كتب لي جواب تحت الجواب الاول، مفاده ان البصمات مطابقة الحمد لله.
طبعاً اخدتها فرصة واتفرجت في الملف كناحية تأكد انها ملاكي من الاول مش كانت تاكسي او كده، والحمد لله.
رجعت في نفس اليوم على مرور محرم بك الاسكندرية، دخلت على طول طابور الفحص الفني، المهندس شاف الجواب الموجه لهم من طنطا، وكشف على العربية ( فتحت الكابوت + زودت بنزين + لف حول العربية ). بعد كده مضى على ورق الفحص الحمد لله وقالي روح رخص.
روحت المبنى الاداري ( الناحية التانية من الطريق )، لكن الوقت كان خلاص، ان شاء الله بكرة اكمل الترخيص هناك.

دعواتكم الدنيا تمشي بسهولة، وشكراً جداً على مساعدتكم :)

**AhmedAlex88** · 24-03-2016 02:05 PM

روحت النهاردة الحمد لله مرور محرم بك، اشتريت ملف وحافظة ملف، مكتوب في الايصال ١٠ جنيه، لكن دفعت ٢٣ جنيه، مش عارف ليه لغاية دلوقت ! المشكلة اني مش بصيت في الايصال الا بعد ما مشيت للاسف.
روحت بعدها على شباك الاستعلامات، طلبت مني الموظفة اني اروح اعمل التأمين الاجباري، روحت لمصر للتأمين، دفعت ٩٢ جنيه ( سنة واحدة )، وسلملي ورقتين.
رجعت للشباك قالتلي ان مش فيه لوحات نمر ! قلتلها طيب اعمل ايه، قالتلي تدخل للظابط.
الظابط قابلني بكل احترام وقالي ان فعلا مش فيه لوحات واحتمال على يوم الاحد ان شاء الله.
طبعاً المشكلة ان شهادة المخالفات ( اللي من طنطا ) اخرها بكرة ( الجمعة )، فربنا يستر والموضوع يعدي ومش اقف على كده يوم الاحد.

**AhmedAlex88** · 24-03-2016 02:07 PM

روحت النهاردة الحمد لله مرور محرم بك، اشتريت ملف وحافظة ملف، مكتوب في الايصال ١٠ جنيه، لكن دفعت ٢٣ جنيه، مش عارف ليه لغاية دلوقت ! المشكلة اني مش بصيت في الايصال الا بعد ما مشيت للاسف.
روحت بعدها على شباك الاستعلامات، طلبت مني الموظفة اني اروح اعمل التأمين الاجباري، روحت لمصر للتأمين، دفعت ٩٢ جنيه ( سنة واحدة )، وسلملي ورقتين.
رجعت للشباك قالتلي ان مش فيه لوحات نمر ! قلتلها طيب اعمل ايه، قالتلي تدخل للظابط.
الظابط قابلني بكل احترام وقالي ان فعلا مش فيه لوحات واحتمال على يوم الاحد ان شاء الله.
طبعاً المشكلة ان شهادة المخالفات ( اللي من طنطا ) اخرها بكرة ( الجمعة )، فربنا يستر والموضوع يعدي ومش اقف على كده يوم الاحد.

**AhmedAlex88** · 28-03-2016 05:55 PM

طبعاً بقالي كام يوم يوميا اروح المرور، وللاسف الوضع كما هو، لا توجد لوحات !

**mkaram84** · 10-04-2016 11:49 AM

ربنا ييسر لك الاحوال
AhmedAlex88 ايه اخر الاخبار يا باشا؟ لاني هاتظبط نفس الظبطة تقريباً في تغيير الرخص بعد تغيير محل الاقامة في البطاقة

**AhmedAlex88** · 20-04-2016 06:41 PM

المشاركة الأصلية كتبت بواسطة mkaram84

ربنا ييسر لك الاحوال
ahmedalex88 ايه اخر الاخبار يا باشا؟ لاني هاتظبط نفس الظبطة تقريباً في تغيير الرخص بعد تغيير محل الاقامة في البطاقة

وييسر لك الحال يا رب،
والله للاسف لغاية دلوقت لا جديد، حتى ان المرور قام بصرف لوحات قديمة مش الحروف حسب ما عرفت، والمشكلة كبيرة في التعاقد مع الجهة المصنعة للوحات الحروف، ومازالت قائمة حسب معلوماتي.
للاسف كده شهادة المخالفات عندي انتهت، وحضطر اروح طنطا تاني اطلع واحدة جديدة :(