روحت النهاردة الحمد لله مرور محرم بك، اشتريت ملف وحافظة ملف، مكتوب في الايصال ١٠ جنيه، لكن دفعت ٢٣ جنيه، مش عارف ليه لغاية دلوقت ! المشكلة اني مش بصيت في الايصال الا بعد ما مشيت للاسف.
روحت بعدها على شباك الاستعلامات، طلبت مني الموظفة اني اروح اعمل التأمين الاجباري، روحت لمصر للتأمين، دفعت ٩٢ جنيه ( سنة واحدة )، وسلملي ورقتين.
رجعت للشباك قالتلي ان مش فيه لوحات نمر ! قلتلها طيب اعمل ايه، قالتلي تدخل للظابط.
الظابط قابلني بكل احترام وقالي ان فعلا مش فيه لوحات واحتمال على يوم الاحد ان شاء الله.
طبعاً المشكلة ان شهادة المخالفات ( اللي من طنطا ) اخرها بكرة ( الجمعة )، فربنا يستر والموضوع يعدي ومش اقف على كده يوم الاحد.
المفضلات