مين جرب يعمل عمرة للمكنة وايه النتيجة ؟

**MIZ0O0O0VIC** · 21-03-2016 07:19 AM

الموضوع كذة زى ما العنوان ببقول يا ريت الناس اللي جربت تحكي عن تجاربها في موضوع العمرة وهل تنصحوا بيه ولا لأ، لاني اتلسعت في مكنة استيراد ادائها ضعيف ونا كنت متخيل اني هركبها ومحدش هيقف قصادي بس كان وهم :-))
فا يا ريت الناس تفيدنا لاني بفكر اعمر تاني

**pepo2011** · 21-03-2016 08:21 AM

عزيزي العمرة او مكنة استيراد ليها مقاييس كتير يعني حالة المكنة القديمة هل تم القضاء عليها نهائيا فعلا وهل لاتصلح عمرة انا شخصيا بفضل العمرة طبعا حتي لو هاتتكلف وقت وفلوس اكتر فالقرار ده حسب حالة المكنة طبعا
وبالتوفيق

**MIZ0O0O0VIC** · 23-03-2016 08:01 PM

المشاركة الأصلية كتبت بواسطة pepo2011

عزيزي العمرة او مكنة استيراد ليها مقاييس كتير يعني حالة المكنة القديمة هل تم القضاء عليها نهائيا فعلا وهل لاتصلح عمرة انا شخصيا بفضل العمرة طبعا حتي لو هاتتكلف وقت وفلوس اكتر فالقرار ده حسب حالة المكنة طبعا
وبالتوفيق

هى المكنة اللى راكبة استيراد بقالها سنة معايا ما بتكلش زيت واعتقد ان وش السلندر كويس لأنها ما سخنتش منى زى ما كان بيحصل ايام المكنة القديمة ولاكن أدائها ضعيف و صوتها مش حلو وفيه خشونة وعلاطول فى رجة فى الموتور هى 2000 سى سى والمفروض بتطلع 122 حصان بس مفيش الكلام ده :d
بس الميكانيكى طبعا لازم يبص ويحكم اذا كان ينفع تتعمر ولا حرام يتدفع فيها فلوس ,ياريت لو حضرتك جربت العمرة تقولى هل فعلاً فرق جامد فى اداء الموتور ولا مش بالدرجة و ايه الفرق اللى حسيتو بعد العمرة

**pepo2011** · 24-03-2016 08:30 AM

يا عزيزي انا اساسا عمري مغيرت مكنة غير مرة واحدة لاني افضل العمرة ومن هواة العمرات حتي لو هاتاخد فلوس ووقت اكتر لكن هواية بقي لان العمرات فن من ميكانيكي وخلاص الاول حضرتك لازم تعرف فين سبب المشكلة عندك يعني البلوك ولا البساتم ولا الكرنك والسبايك ..... ايه اللي بيعمل صوت المكنة عالي ومفيش عزم وسحب ؟؟؟؟
ولازم تاخد راي ميكانيكي واتنين وتلاتة ماهو مش معقول مكنة بقالها سنة هاتغيرها او تعمرها ولو انه منطقي لانك بتشتري المكنة بطيخة مقفولة محدش يعرف حاجة عنها

**MIZ0O0O0VIC** · 25-03-2016 01:31 AM

اه طبعا الأستيراد بطيخة وانت ونصيبك فى ميكانيكى بيبقى لى نظرة يقدر يميز بنسبة كبيرة حالة المكنة ولكن احيان كتير ما بنظبطش يعنى فى مرة شفت الميكانيكى بتاعى جاب مكنة استيراد لواحد طلعت عايزة طقم شنبر مع أنه ميكانيكى كويس وبيفهم والمكنة اللى عندى مودبل سنة 88 فنهنا كان هتلاقيها ماشية كتير