bmw 316 coupe model 1979 ارجوا المساعده

**modiali** · 21-03-2016 10:49 PM

السلام عليكم اخوانى الاعزاء
اولا انا بتشرف بأنضمامى اليكم و محتاج مساعداتكم و خبراتكم الواسعه فى مجال السياره الروعه BMW

مبدأيا انا من بنى سويف و شغال فى القاهره و محتاج عربيه تسفرنى بين المحافظتين علشان طبعا اهلي و بنزل اشوفهم كل اسبوع و كده , المهم علشان مطولش عليكم , انا قدامى عربيه bmw 316 mo 1979 بس محتاجة شويه شغل , يعنى نظافه و فرش و عفشه و كنت عايز اسقطلها موتور - اذا كان فيه نصيب و اشتريتها ان شاء الله - هيا تمنها كده علي الارض يجيب حوالي 9000 جنيه و مش هدفع فيها اكتر من كده الصراحه :D بس اللى في ايدى 17 الف و كنت عايز اعرف ياتري اقدر انضف العربيه بال8000 الباقيه ولا لأ ؟ و هتبقى كويسه معايا ولا لأ بردوا ؟ علشان انا مش من هواه الميكانيكيه كل شويه الصراحه لأنى مش فاضى اصلا للمواضيع دى , فياريت رأيكم و اسف انى طولت عليكم فى الكلام , بس ارجوا النصيحة و الافاده فى اسرع وقت لأنى فعلا محتاج عربيه تحت رجلى , و مشكورين جدا على تفهمكم , و شكرا مقدما على نصائحكم .
اخوكم محمد

**svneleven** · 22-03-2016 04:36 AM

العربية جميلة لكن المشكلة انها عشان قديمة قطع غيارها اصبحت مش كتير و بالتالي سعرها زاد عن الموديل اللي بعدها. الموديل ده اسمه e21 و الموديل اللي بعده اسمه e30. الي جانب ال ال 9000 مش هيكفو سمكرة و دوكو و موتور جديد و عفشة و طبعا شوية شغل في الصالون و يا سلام لو شوية اكسسوارات زي شبكة و دبانة و غيره.

**modiali** · 22-03-2016 09:03 PM

المشاركة الأصلية كتبت بواسطة svneleven

العربية جميلة لكن المشكلة انها عشان قديمة قطع غيارها اصبحت مش كتير و بالتالي سعرها زاد عن الموديل اللي بعدها. الموديل ده اسمه e21 و الموديل اللي بعده اسمه e30. الي جانب ال ال 9000 مش هيكفو سمكرة و دوكو و موتور جديد و عفشة و طبعا شوية شغل في الصالون و يا سلام لو شوية اكسسوارات زي شبكة و دبانة و غيره.

يعنى انت رأيك بلاها خالص ولا ادوس فيها و انا و رزقي ؟

**svneleven** · 23-03-2016 04:44 AM

المشاركة الأصلية كتبت بواسطة modiali

يعنى انت رأيك بلاها خالص ولا ادوس فيها و انا و رزقي ؟

هو لو ما فيش فلوس تاني يبقي ما قدمناش اختيارات كتير. أصل لو معايا 20 الف جنيه مش هروح اجيب 132 و الا 128. عامة اكتب الميزانية بتاعتك و نفكر مع بعض ممكن تجيب ايه. لكن الصراحة ما تتوقعش ان ال e21 هتكون مصاريفها قليلة او انك هتعتمد عليها من غير مشاكل.

**modiali** · 28-03-2016 03:10 AM

المشاركة الأصلية كتبت بواسطة svneleven

هو لو ما فيش فلوس تاني يبقي ما قدمناش اختيارات كتير. أصل لو معايا 20 الف جنيه مش هروح اجيب 132 و الا 128. عامة اكتب الميزانية بتاعتك و نفكر مع بعض ممكن تجيب ايه. لكن الصراحة ما تتوقعش ان ال e21 هتكون مصاريفها قليلة او انك هتعتمد عليها من غير مشاكل.

ان بتكلم فى 17 الف جنيه تقريبا ممكن يوصلوا ل 18 الف

**pepo2011** · 28-03-2016 09:42 AM

ياباشا الموديل ده والعربية دي بلاعة فلوس حاجتها غالية ومش موجودة وهي في الاخر 79
ياباشا ماتورها بس ب 8 حرام عليك هاتقف عليك ب 22 او 23 في الاخر وبرضو هاتفضل 79 وتمنها 17 و18

**modiali** · 31-03-2016 11:53 PM

[QUOTE=pepo2011;3876066555]ياباشا الموديل ده والعربية دي بلاعة فلوس حاجتها غالية ومش موجودة وهي في الاخر 79
ياباشا ماتورها بس ب 8 حرام عليك هاتقف عليك ب 22 او 23 في الاخر وبرضو هاتفضل 79 وتمنها 17 و18[/QUOT
هوا مبدأيا انا لو جبت عربيه زى دى مش هبيعها اصلا , هتبقى ليا و للبيت و خلاص لحد ما اجيب حاجة جديده و بعدين ابقى اقطعها و ابيعها قطع غيار , بس انت كده بتقول اني اكبر دماغي منها , صح كده ؟