ان شاء الله ساسافر الي اداء العمرة خلال مطار جدة كنت عايز اعرف وسيلة مواصلات معقولة من مطار جدة الي مكة المكرمة انا روحت قبل كدة عن طريق شركة سياحية كانت تتولي التنقلات و لكن المرة دي رايح لوحدي افيدوني بالرد سريعا
عرض للطباعة
ان شاء الله ساسافر الي اداء العمرة خلال مطار جدة كنت عايز اعرف وسيلة مواصلات معقولة من مطار جدة الي مكة المكرمة انا روحت قبل كدة عن طريق شركة سياحية كانت تتولي التنقلات و لكن المرة دي رايح لوحدي افيدوني بالرد سريعا
الوسيلة الوحيدة المكروباص
ممكن تركب مكروباص بيحمل بالنفر او تاخد عربية على بعضيها
انت تخرج من باب المطار تلاقى طابور طويل لعربيات اجرة
فيه بتحمل بالنفر و فيه لا
العربية هتاخدك لغاية الحرم
هتنزل من العربية و تمشى للخلف بعييد عن الحرم و تدخل شوارع عشان تلاقى فندق معقول
تاخد غرفتك و تظبط نفسك و تنزل تعمل عمرة
البقالة اما فى بداية الشارع قبل الكوبرى(كوبرى المسفلة) او بن داود عند الحرم
مدخل بن داود من داخل البرج
يوجد داخل البرج ايضا الطازج و محل للبيتزا هتحتاجهم (البرج الى فيه بن داود)
لو هتغير فلوس اوعى تغير من البرج-سعر الصرف مجحف جدا
ولوسمحت العربية اللي بلنفر بكام و العريية لوحدينا بكام علشان انا ذاهب انا و وزوجتي بس مافيش اوتوبيس من المطار حيكون احسن كثير و بالنسبة للتغير العملة علشان انا معنديش ريالات خالص ممكن احول في المطار
العربية كاملة بحوالى 200
النفر بحوالى 50 تعلى او تنزل شوية
قبل كوبرى المسفلة محلات تغيير عملة بسعر الصرف الحقيقي لكن محلات الصرافة الملاصقة للحرم غالية
لو انت لسه فى مصر غير فى مصر شوية
سيادتك تقصد عربية تاكسي ب٢٠٠ ريال و الثانية ميكروباص بللنفر ب ٥٠ ريال
فى الغالب من يحمل بالنفر يكون ميكروباص
هيونداى اتش وان او عربية كبيرة
بص يا ريس
انت بعد ما توصل بالسلامة لمطار جدة هتخرج برة هتلاقى عربيات كتيير اوى بتحمل بالنفر لمكة استنضفلك عربية كدة gmc - h1 ومتقلقش العربيات هناك كتير ونضيفة جدا ومكيفة وطبعا اسرع من الاوتوبيس بكتير والفرد تقريبا ب 15 ريال ( انا كنت هناك من شهر ) وخد بالك هتسمع اسعار كتير ولازم تفاصل ( هما كده هناك ) يعنى لو وصلت لل 20 ريال يبقى تمام .
ولما توصل مكة بالسلامة لو لسه هتحجز فندق خد بالك هيغلو عليك جامد لانك مش تبع مجموعة وطبعا هتبقى مضطر فحاول تفاصل على قد ما تقدر وطبعا كل ما بعدت عن الحرم كان الفلوس اقل وكدة .
بالنسبة لموضوع تغيير الجنيه المصري بالريال من عندك احسن لك تغيير من هنا لان من هناك اغلى بكتير .
وخد بالك الاكل هناك غالى شويتين بالنسبة لفرق العملة طبعا فلو هتعرف تظبط نفسك فى معلبات وكده تبقى تمام .
واى سؤال معاك .
متشكر جدا ياجماعة علي كل اللي رد عليا و جزاة اللة كل خير بس انا ليا سؤال تاني و هو المواصلات من مكة الي المدىنة برضة فية ميكروباصات او سيارات خاصة
جنب الحرم هتلاقى ناس بتحمل
استنضف واحد ميكونش شباب و معاه عربية محترمة
الشباب هيجرى بالعربية على 190-200 و يعرضك للخطر
و صاحب العربية التعبانة هيتعبك بعربيته--المسافة 450 كيلو
الاتوبيس ده بقى امامه 7 ساعات
ده بالنسبة للاتوبيس العام
فيه اتوبيس خاص هتلاقيه بيحمل وسط العربيات بمكرفون و سعره رخيص شوية--اوعى تركبه---يمكن توصل فى 10 ساعات و لا حاجة
وعلي فكرة كوبري المسفلة دة فين بالظبط علشان تحويل العملة و هو بعيد عن الحرم كثير
ممكن تعرفنا انت جايب التأشيرة ازاي ومنين وبكام ؟ وتقبل الله مقدمااقتباس:
المشاركة الأصلية كتبت بواسطة samvet813
كوبرى المسفلة حوالى 2 كيلو من الحرم
اصلا هو شارع رايح جاى كل الناس ماشيه فيه عربيات و مشاه و فى اخره كوبرى
قبل الكوبرى ب 200 متر كده تبتدى تلاقى صرافات
اما بالنسبة سؤال الاخ عن التاشيرة فهو اني اشتريت تايم شير في مكة و يحق لي استغلالة اسبوع سنويا و دي اول مرة اروح بية و علشان كدة ممكن اخذ التاشيرة منفردا و متشكر جدا لكل من رد عليا واخص بالشكر ايي العضو المحترم volociximab الذي وجعت راسة من كثرة اسالتي جزاة اللة كل خير
ممكن يا فندم تشرحلنا التايم شير ده لانه ماشاء الله فكرة رائعة وتفاصيله إن أمكن ..اقتباس:
المشاركة الأصلية كتبت بواسطة samvet813