الموضوع: مساعده في تيل الفرامل لو سمحتم

السلام عليكم ورحمة الله وبركاته فعلا التيل ده فى مشكله انه بيظلط بسرعه ده كلام الميكانيكى والحل انه صنفره على لوح زجاج مسطح يعنى تجيب فرخ سنفره 5 ج وتحطه على لوح زجاج والتيل بيرجع كويس انا شوفت الميكانيكى بيعمل كده فى الصنى الجديده لان التوكيل مش هيغيره خالص هينفخ بلهوه وخلاص انتى حل المشكله صنفره من غيرتوكيل وجرب وممكن تعملها بنفسك موضوع تركيب التيل وصنفرته حاجه سهله وناس كتير بتعمل كده ده حل وربنا يوفقك

المشاركة الأصلية كتبت بواسطة amr011111

طبعا هتطلع على التوكيل طالما العربيه لسه فى الضمان وممكن فى الاول ينضفوا التيل وتروح تانى لو عمل صفارة تانى وتغيره على حسابهم. وبالتوفيق

شكرا يا باشا جدا بس حوار يغيروه دول اكتر من حد قالي مش هيرضوا وزي ما استاذ محمد بيقول في الكومنت مش هيعملوه

المشاركة الأصلية كتبت بواسطة mohamed desoky

السلام عليكم ورحمة الله وبركاته فعلا التيل ده فى مشكله انه بيظلط بسرعه ده كلام الميكانيكى والحل انه صنفره على لوح زجاج مسطح يعنى تجيب فرخ سنفره 5 ج وتحطه على لوح زجاج والتيل بيرجع كويس انا شوفت الميكانيكى بيعمل كده فى الصنى الجديده لان التوكيل مش هيغيره خالص هينفخ بلهوه وخلاص انتى حل المشكله صنفره من غيرتوكيل وجرب وممكن تعملها بنفسك موضوع تركيب التيل وصنفرته حاجه سهله وناس كتير بتعمل كده ده حل وربنا يوفقك

ما انا بصراحه بفكر ما اروحش بيستعبطوا وبيخدوا فلوس علي الفاضي وحوار الصنفره دا بيقولوا بيرجع الصوت تاني انا ممكن اعمله في الاول انا بس خايف علي الطنابير طب سؤالي ما تعرفش نوع اجيبه جديد من بره كويس وامشي بيه وبلاش دا لان اصلا مش تمام ما ننحرمش يا رجاله علي الردود

للاسف كل التيل اللى فى السوق مضروب وانا معدل الوشم عندى علشان اركب تيل المانى بتاع الجولف2 وبرضه مغشوش يا استازى احنا اصبحنا فى زمن الغش ازا كان التوكيل قطع غياره خمتها وحشه يبقى السوق حاله ايه انا لما زهقت من التيل الصينى عدلت وبرضه نفس المشكله الصفاره وبينشف اويظلط الحل اللى لفيته اصنفره كل لما يصفر اوينشف وبخاف على الطنابير لانها المانى وغاليه بس ماشى الحال لحد مايوصل التيل لنصه اغيره وبوش روسى وبرضه زى الزفت مش عارف نوع كويس لان السوق كله غش انا اسف مش هقدر افيدك مشى نفسك بلصنفره

"بدأت اسمع صفاره خفيفه مع الفرامل "

متخدش فى بالك, انساها- الصوت هيروح بعد فتره
ليه بيظهر الصوت دا؟؟ اكيد الخامه
انا كنت بسمعه وراح لوحده وعامل بيه 26000 كم ولسه فى كتير

سؤال: العربيه عامله معاك ايه- ايه العيوب والمميزات اللى شايفها فالعربيه؟

لكن لو مصمم تغيره- فى محل فالدقى شارع التحرير السرساوى بعد سينما التحرير لو جاى من ميدان التحرير

المشاركة الأصلية كتبت بواسطة mohamed desoky

للاسف كل التيل اللى فى السوق مضروب وانا معدل الوشم عندى علشان اركب تيل المانى بتاع الجولف2 وبرضه مغشوش يا استازى احنا اصبحنا فى زمن الغش ازا كان التوكيل قطع غياره خمتها وحشه يبقى السوق حاله ايه انا لما زهقت من التيل الصينى عدلت وبرضه نفس المشكله الصفاره وبينشف اويظلط الحل اللى لفيته اصنفره كل لما يصفر اوينشف وبخاف على الطنابير لانها المانى وغاليه بس ماشى الحال لحد مايوصل التيل لنصه اغيره وبوش روسى وبرضه زى الزفت مش عارف نوع كويس لان السوق كله غش انا اسف مش هقدر افيدك مشى نفسك بلصنفره

علي رايك يا باشا قله الضمير زايده اوي خلاص تمام اوي هشوف و ان لقيت اي حاجه مضمونه هعرفك تسلملى

المشاركة الأصلية كتبت بواسطة salam100100

"بدأت اسمع صفاره خفيفه مع الفرامل "

متخدش فى بالك, انساها- الصوت هيروح بعد فتره
ليه بيظهر الصوت دا؟؟ اكيد الخامه
انا كنت بسمعه وراح لوحده وعامل بيه 26000 كم ولسه فى كتير

سؤال: العربيه عامله معاك ايه- ايه العيوب والمميزات اللى شايفها فالعربيه؟

لكن لو مصمم تغيره- فى محل فالدقى شارع التحرير السرساوى بعد سينما التحرير لو جاى من ميدان التحرير

انت طمنتنى انا هشوفه عند حد لو كان كده هصنفر او استني شويه انا قلقي عشان الطنابير بدل ما يتاكل فيها بس
العربيه مجملا صاج خفيف مفيش ثبات بعد ١٢٠ بس انا مش بجري كوتش سيئ ماكسيس غيروه في الموديلات الجديده غير كده الحمد لله استهلاك معقول للبنزين عاليه و واسعه لو في عائله شوف منقدرش نقول عليها ركوبه بس افضل اداء بالسعر دا و عرفنى رايك ايه و ربنا يباركلنا فيها و يكفينا شرها تسلم يا باشا

انا بردو مبجريش فمبشتكيش من الاتزان
لكن اللى لاحظته ان لما فى فرده واحد الضغط بتاعها مش مظبوت بحس ان العربيه مش متزنه على 100-120
فانا انصح ان الواحد يشيك على ضغط الكاوتش على فترات متقاربه

غير كدا انا مريحانى جدا ومبسوط بيها- هى فعلا عربيه بسيطه

لسه الاسبوع اللى فات كنت بساعد قريب لى فالعزال- انبهرت بكميه الكراتين والاكياس اللى دخلت الشنطه- عربيه واسعه جدا