وبعد عناااااء طويل الحمد لله اتحلت المشكلة
عرض للطباعة
وبعد عناااااء طويل الحمد لله اتحلت المشكلة
الحمد لله اولا واخيرا
بدايه الموضوع روحت لبتاع الرادياتير غسلت الدورة الاول وبعد كده فكيت خرطوم الداخل للكوعه وركبت الترموستات الجديد بإيدى(من غير سيليكون)وللعلم هو بيبقى فيه سهم بارز لفوق فى اتجاه بلف الهواء وبيبات فى مكانه بالظبط فى الكوعه (فى تجويف للسهم فى شفة قاعده الموتور عند الكوعة)وبعد كده رفعت وش العربية بالكريك عشان اسهل خروج الهواء وفتحت زرار السخان على الاخر وشغلت فان التسخين على اخر سرعه كل ده من غير تدوير العربية وبدات املى الخرطوم التانى اللى خارج من الموتور للرادياتير بالمية وانفخ فيه عشان يدخل مية للبلوك وده مهم عشان بعد تركيب الترموستات يعتبر البلوك فاضى من الميه .
وبعدين ركبت كل الخراطيم تانى ودورت العربية وبدات املى المياه المقطرة ببطء عشان الهواء يطلع وبعد كده الترموستات فتح (الخرطوم العلوى والسفلى سخنين) شويه والمروحة اشتغلت ....وكانت المفاجأة
المروحة برده مش عاوزة تفصل !!!!!
كنت هاتجنن
كان فية مركز خدمة جنب الرادياتير
قولت لازم ادخل واتكلم مع المهندس...والحمد لله لاقيت مهندس سيارات بمعنى الكلمه اسمه محمود السعيد (برنس) عرفته بنفسى وحكيتله على الموضوع كله
كشف على العربية وكان نتيجة الكشف حاجتين:
1.دورة المياه لسه فيها هوا
2.Circuit shortage from ECU to The fan control يعنى مشكله فى توصيلة الكهرباء من كونترول العربية للمروحة بسبب ملوحة او صدا على سلك الارضى
وفى خمس دقائق اتحلت المشكله
نزود ميه وندوس بنزين حوالى كذا مرة لحد الهواء كله طلع وصلح الشورتيج
والحمد لله كله تمام بس فى حاجة بسيطة
المروحه بتطول شوية عما تفصل
السبب ان المروحة بتطول شوية على ماتفصل ان فى ضغط هوا فى دورة التبريد نتيجة تسريب بسيط من غرفة الاحتراق على دورة المية (very mild leak) نتيجة ان الجوان ممكن يكون اتلسع فاصبح سيء(Head gasket is bad) ده بيعتبر بداية بسيطة جدا للجوان والمهندس نصحنى اغيره لما اكون فاضى عشان وش السلندر مايتاثرش
الخلاصة كان فى مشكلتين:
1.هواء فى دورة المياة( من ارخم العربيات فى خروج الهواء عشان الترموستات موجود تحت عند مدخل المياة عكس الدايو مثلا وده بيخلى بعد التركيب فى هواء فى البلوك وبيختاج وقت كتير عشان يخرج فنفضل نزود مياه وندوس بنزين لحد مايخرج وتغلبت على المشكله دى انى مليت المياه الاول قبل مادور العربيه من الخرطوم العلوى على الوش والبلوك وبعد كده دورت وبدات املى ميه من الرادياتير
2. المشكله التانيه شورتيج فى دايرة المروحة
السؤال المهم؟؟؟ اغير الجوان ولا لا
اعتقد الاصح تتبع نصيحه المهندس .. لو كان وجود الشرخ مؤكد .. بدل ما الوش يتعوجاقتباس:
السؤال المهم؟؟؟ اغير الجوان ولا لا
بس سؤال .. هو عرف منين ان فيه شرخ خفيف فى الجوان .. هل ظهر هوا مستمر فى دوره التبريد ؟
تأكد جيدا مرى اخرى من وجود الهواء ثم بعد ذلك فكر فى الجوان . مع ملاحظة ان كلما زاد الوقت على الجوان المعطوب زادت تكلفته وايضا زاد تلف ما حوله وبالتالى تكلفه اعلى . وفقدان قيمه جوهريه للموتور
اسال المهندس .. هل ده عيب دارج فى السيراتو ( تنميل خفيف فى الجوان ) .. لو عيب متكرر يبقى احتمال ظهر عندك
مع ملاحظه احد الاعضاء رد عليك سابقا ان صديقه حصل معاه نفس الشرخ الخفيف فى الجوان
راجع كويس جدا على كل الخراطيم و القفزان و الرادياتير و خلافه للتأكد من عدم تنفيس خفيف .. علشان تستبعد السبب ده .. التنفيس الخفيف جدا لن يظهر و العربيه سخنه لانه سيكون بخار
على فكره .. انا لى تجربتين مع عربيتين كيا ( الكلام ده من فتره طويله جدا .. سيفيا و سيراتو )
الاتنين جابوا جوان وش سلندر .. السبب سخونه لدقائق معدوده يمكن اقل من 5 دقائق بسبب دوره التبريد
انطباعى ان الكيا حساسه جدا جدا للحراره برغم انها مواتير قويه جدا ..
العربيتين اتغير الجوان و محسيتشى باى فرق فى الاداء او صوت الموتور .. اعقد ان الميكانيكى غير الجوان بس بدون نصف عمره ( بس موش متأكد او متذكر ) .. و مشيت عليهم يمكن سنتين او ثلاثه بدون مشاكل سخونه لغايه البيع
- اتاكد الاول ان كل الهوا خرج .. حط علامه عاى القربه و العربيه بارده .. لو فيه تنفيس خفيف الميه موش حتنقص بسرعه ممكن بعد عده ايام
- التنفيس الخفيف جدا لن يظهر و العربيه سخنه لانه سيكون بخار
- على حد فهمى .. اعتقد طبيعى ان الخرطوم اللى تحت يكون ابرد شويه بعد ان مرت الميه على الرادياتير ؟؟
- اعتقد يشده ان كل عربيه فيها مسمار هوا فى الموتور .. احيانا بيكون زى صاموله او طبه بس من جوه عباره عن مسمار بلف .. اسال المهندس عن وجود حاجه زى كده من عدمه فى السيراتو
- اسال المهندس .. هل ده عيب دارج فى السيراتو ( تنميل خفيف فى الجوان ) .. لو عيب متكرر يبقى احتمال ظهر عندكاقتباس:
والمهندس نصحنى اغيره لما اكون فاضى عشان وش السلندر مايتاثرش
- هل العربيه سخنت منك و وصلت للاحمر قبل كده
- و اساله هل سيتم تغيير الجوان فقط .. ام انه سيحتاج كشط وش السلندر .. يعنى افهم منه اللى حيتم قبل ما تأخذ قرار
- اسال المهندس عن المده اللى ممكن تمشى بيها قبل حدوث ضرر .. لو قال لك مثلا شهور .. يبقى ممكن تجرب العربيه كام يوم علشان تتأكد ان الميه ما بتنقصش و مفيش هوا فى الدوره
- معنديش اى نصيحه ليك بهذا الخصوصاقتباس:
يعنى تغيير الجوان امر بسيط ولا لازم اتاكد الاول لانى قلقان جداااا
- شخصيا انا كنت واثق فى الميكانيكى بتاعى جدا ( ممتاز ) .. بييجى يأخذ العربيه و يخلصها و يجيبها تحت البيت .. لا اساله هو عمل ايه .. علشان كده قلت لك موش متأكد او موش فاكر هو عمل ايه .. ممكن يكون عمل نصف عمره .. الله اعلم
- انتظر رد من احد الاعضاء ليوضح لك الامر بهذا الخصوص
دى حاجه كويسه .. يبقى من ضمن اسئلتك ليه انك توضح انه لم يحدث سخونه سابقا للموتور علشان يضع ذلك فى اعتباره اثناء التشخيص
بس طالما فيه هوا فى الدوره .. فى اعتقادى الشخصى بيكون فيه سخونه حتى لو لم تظهر لك ( ده مجرد تخمين و راى شخصى )
و فى النهايه .. لو ده عيب متكرر فى السيراتو .. يبقى ممكن يحصل معاك لاى سبب لا نعرفه
بالتوفيق
عملت النهاردة اختبارات لجوان وش السلندر والحمد لله مافيش جوان ولا حاجة
روحت لبتاع رادياتير مشهور اسمه صلاح فى الزقازيق بحكم شغلى هناك وقال الموضوع ده مشهور فى العربيات الكورى زى السيراتو ومش مشهور فى اليابانى بسبب الترموستات اللى بيفتح متاخر بعد المروحة ماتشتغل وعشان كده بيفضل قافل الا لو حرقت على العربية وانت مسافر بيبقى الحرارة عليت والطرمبة تقلب المياه السخنه فتجبره يفتح بالعافية
تشخيص السخونه و اختبارات
طريقه لاختبار تسريب الجوان
من الدقيقه 17 معلومات جيده عن غطاء الرادياتير
من الدقيقه 21 اختبار تسريب الجوان
https://www.youtube.com/watch?v=hUzOTnsWImI
مثال عن مسمار اخذ الهوا فى بعض العربيات ( شكل صاموله ) الدقيقه 5
https://www.youtube.com/watch?v=9P-hEJIBpy8
لو غطا الرادياتير موش كويس .. العربيه تسخن بالرغم ان كبس الدوره حيكون سليم ..اقتباس:
عمل كبس للدورة ولقى مافيش تسريب
شوف الفيديو الاول .. غطاء الرادياتير
- انت فى اخر كام رد قلت العربيه عمرها ما سخنت .. و عمرالعداد ما وصل للنصف ؟؟ .. يبقى ازاى اعتبرت العربيه بتسخن ؟؟اقتباس:
وقالى ازاى العربية تجيب جوان والعربية عمرها ماسخنت والمياة مابتنقص
رأيى الشخصى ( غير مؤكد ) الاتى :
- كون الخرطوم اللى خارج من الرادياتير ابرد قليلا من الاخر ( و ليس بارد تماما ) .. اعتقد ده المفروض يبقى طبيعى بعد ان تم تبريد الميه !! ؟؟
- كون العربيه مع الحمل الشديد على الموتور .. المروحه تطول شويه فى الشغل .. اظن ده طبيعى لان الحمل الزائد نتجت عنه حراره اكتر !! ؟؟
- ما تنساش انك بتعمل الاختبارات دى بالميه العاديه و لم تغيرها بميه مبرده ( اخر ردودك انك وضعت ميه مقطره فقط )
- دوره التبريد بتكون تحت ضغط علشان غطا الراديتير .. فازاى المهندس علرف ان ده ضغط هوا موش ميه ؟؟
اساس المشكله فى اول الموضوع
احتمال كبير يكون الثرموستات كان بايظ او الميه عايزه تتغير او وساخه فى الدوره عملت السخونه .. بس انت قلت العربيه عمرها ما سخنتاقتباس:
تضح ان المشكلة مشكلة سخونية والمروحة شغالة على طول والميكانيكى قال ترموستات الكوعة غيرته ونضفت
دورة التبريد كلها والمفاجأة الغير سارة ان المروحة برده مابتفصلش وبالتالى الموتور مابيسحبش والترموستات مابيفتحش عشان المروحه شغاله على طول...
هل ممكن كل اللى حصل ده ان الثرموستات كان راكب غلط بعد تغييره اول مره مثلا ؟؟ .. او ان الدوره فيها هوا
عموما انت عندك طريقه اختبار تسريب الجوان .. و خليك مراقب العربيه كويس فى الايام اللى جايه .. زياده اطمئنان
بالتوفيق
المهم عم صلاح قال انه بيعمل حاجة كده مخترعها بنفسه فى السيراتو ..انه بيحيب الترموستات وبيعمل فيه فتحتين صغيرين اوى على المخرطه واحده فوق جنب البلف وواحده تحت وكل حاجة بتظبط والمروحة بترجع تشتغل سرعه اولى وبتفصل..الا طبعا لو الحرارة عليت اوى او شغلت التكييف هتشتغل سرعة تانيه
اتكلت على الله وقولتله يشتغل
والنتيجة الحمد لله تمام☺☺☺☺
كله رجع على طبيعته ..والترموستات راكب
ةالظاهر ان الموضوع فى الاخر موضوع هواء وترموستات اصلى
بسى فى حاجه عاوز اعرفها هو لو العربية فيها جوان يبقى مافيش حاجة هاتفرق لو الترموستات موجود او لا يعنى فى الحالتين العربية هتسخن والمياه تنقص ...صح ولا ايه
ممكن مهندس سيارات مشكورا يشرحلنا الطريقة دى لتغيير الترموستات وليه يلزم عمل الخطوات دى بالظبط ...Kia Forte: Thermostat Removal and Installation - Cooling System - Engine Mechanical System - Kia Forte TD 2014-2016 Service Manual
إطمئن لا يوجد جوان لأننى مررت بتجارب عديدة , شوف يا سيدى , بعد درجة الحرارة ما توصل 82 درجة أي بعد هذه الدرجة المفروض الثرموستات فتح خلاص و كأنه مش موجود و الحرارة تفضل تعلى إلى أن تكون بين 87 و 90 طول مانت ماشى و بتجرى , لو وقفت في إشارة الحرارة ترتفع أكثر إلى أن تصل 100 و في تلك اللحظة تبدأ المروحة تشتغل و الحرارة تنزل بسرعة حتى تصل مرة أخرى ل 87 و 90 و لو الإشارة طولت تعلى تانى و يتكرر ما سبق أما لو الطريق فتح و جريت تانى بالعربية تستقر الحرارة عند 87 و 90 ( ذلك لآن طرمبة المية بتشتغل أسرع و الهواء ضارب في الرادياتير و التبريد أسرع ) هذا ما يحدث تماما في الظروف العادية , في حالة إلغاء الثرموستات لو حرارة الجو زى اليومين دول حر يعنى مش حيفرق كتير الحرارة برضة بتوصل ل 87 و 90 و يحدث كما لو أن الترموستات راكب و مفتوح . لهذا أنا قررت عدم تركيب الثرموستات خلال فترة الصيف شديدة الحرارة و سأركبه مع دخول الشتاء القادم بإذن الله , بخصوص فكرة عم صلاح فهذه فكرة عبقرية كانت في دماغى من زمان و سوف أنفذها وقت التركيب بس ياريت تقوللى قطر الخرم قد إيه يعنى 1 ملليميتر أو أكتر أو بالتقريب مثلا زى قطر عود الكبريت؟؟
هو قال "مسمار 8 مم" يعني المفروض تكون الفتحة أقل من 8 مم علشان السن يمشي فيها..
عادة .. مسمار الـ 8 مم يبيقى عايز فتحة أقل قطر فيها يتراوح بين 5-6.5 مم حسب خطوة السن.
ولو إني مش مقتنع باللي عمله.. لإنه يفترض إن التركيب الصح يغني عن الكلام ده كله..
والوصلة اللي كنت حاططها على طريقة التركيب بتقول إنك محتاج تفك خراطيم الدفاية والـBy-Pass علشان تتخلص من مسألة الهوا دي.
http://www.kifomanual.com/thermostat...ation-292.html
...
لا يجب التعديل فى ثرموستات الكوعه بفتحات لان ذلك يؤدي الى اخطاء فى التشغيل
وذلك بسبب
- ان مرور المياه ن هذه الثقوب تؤدي الى عدم ارتفاع الحرارة للدرجة التى يفتح عندها الثرموستات بالظبط مثل (انك تغلي مياه فى اناء وف نفس الوقت تضيف مياه اخرى باردة)