هزيمة منكرة للأهلي

**mody_halawa** · 28-11-2008 01:19 PM

المشاركة الأصلية كتبت بواسطة Bossy_Fadl

المشكله انهم يفضلو لابدين في الدرة و مكسوفين و اللي بيشتغل يغيب فيهم من الشغل يوم ما يبقي في ماتش ليهم عشان عارفين الكارثه اللي هتحصل

و طبيعي جدا انهم يخسروا الواحد مبيعترضش لان ده قضاء ربنا و قدره :k48:
و معروف ان الزمالك لازم يخسر و دي حاجة بيكون متوقعها جميع فئات الشعب

المصيبه يا دكتور احمد زي ما حضرتك قولت

اول ما يكسبو ماتش كل 8723476764 ماتش يتكلمو كانهم فريق البطولات اللي قاد مصر في معركة دار السلام :k48:

و يا عيني بيجيلهم زهايمر و كأنهم عمرهم ما خسرو ماتش قبل كده

و تلاقي حضرتك عينهم وسع كده و بيتكلمو بمنتهي الثقه و يقعدو بقي يفكروك بامجادهم اللي اخرها كان ايام مينا موحد القطرين

في مثل علي طرف لساني هاموت و اقوله بس بلاش عشان وليد هيتربصلي بعد كده كل ماتش

خليني ساكتة احسن

عندك حق والله ليية لما بيكسبو ماتش اكنهم جابو كاس العالم مع ان اغلب الماتشات هزيمة

**OlaOsman** · 28-11-2008 01:35 PM

المشاركة الأصلية كتبت بواسطة alaa_dash

و فيه سبب كمان
انا كأهلاوي لو عملت موضوع تهنئة عند كل هزيمة للزمالك الادارة هتطردني بتهمة الإغراق :)

مظبووووووووووط

**Abohmaid** · 29-11-2008 12:17 AM

يا جماعة الاهلى دة هوة التاريخ بأمارة 16/5/2002 :k21:
فاكرينة طبعا وطبعا الزهايمر هايشتغل:k35:

**Bossy_Fadl** · 29-11-2008 07:17 AM

المشاركة الأصلية كتبت بواسطة Abohmaid

يا جماعة الاهلى دة هوة التاريخ بأمارة 16/5/2002 :k21:
فاكرينة طبعا وطبعا الزهايمر هايشتغل:k35:

طيب انا بجد مش زهايمر و لا حاجة بس فعلا مش فاكره ايه التاريخ ده

حد يفكرني كده؟؟؟؟؟؟؟؟؟؟؟؟

**Abohmaid** · 29-11-2008 07:33 AM

ياخبر ابيض مش ممكن 6/1 بيبو وبشير

**Ahmed Selim** · 29-11-2008 07:37 AM

التاريخ ده بيفكرنى بشوية حاجات....
6-1.........أفتكرتى ولا لسه ؟
بيبو وبشير بيبو وبشير بيبو والجون ( أتقالت فى الماتش حوالى 5 مرات....و بيبو جاب منهم 3 أجوان ).....أفتكرتى ولا نقول كمان :d

**Boody8882** · 29-11-2008 04:35 PM

موضوع مخصوص لهزيمة الأهــلى
وحاجة وستين مشاركة والله كويس آوى
وناس فرحانة وناس تانية بتفرقع بمب وحاجات كده
بس والله فعلا عندكم حق تفرحوا آوى كده
لإن ده الطبيعى

وبقالى ساعة بحاول أقنع نفسى إزاى وعلى إيه مش عارف

بأمارة ال ستات والأربعات والتلاتات ولا إيه

ولا بأمارة أبوتريكة ولا بركات ولا فلافيو ولا إينو اللى شماله زى يمينو
ولا بأمارة إننا نخرجكوا من بطولة أفريقيا فى المرتين اللى وقعتوا معانا فيهم رغم إستخدام الرأفة معاكو يمكن تعملوا حاجه

ولا بأمارة إنكو يـوم مابتخسروا فرق واحد ولا تعرفوا تطلعوا متعادلين معانا جمهوركوا بيعلن الأفراح
ولا يمكن بأمارة عبدالواحد اللى عملنا منه أوسه التانــى
ولا بأمارة اللعيبة الجامدة واللعيبة اللى بتضرب بعض بالقفا

واللعيبة اللى بتسب لبعض فى الملعب
وبحب أهدى للزمالكوية آخر لافتة رفعها الجمهور فى التمرين
والصورة من موقع الزمالك

وكمان أحدث رأى لأعضاء النادى

هنا
http://www.youtube.com/watch?v=cDoXppUhc-g
وعلى فكرة السجل مشرف جدآ وجاهز للعرض لو حد حب

في حين ان الأهلوية مش بيعملوا كده لما الزمالك بيتهزم؟

لإن الطبيعى برضه إننا منشغلش بالنا إذا كان المحلة ولا الترسانة ولا الأسمنت ولا الزمالك ولا حتى الأوليمبى إذا كان دا كله خسر ولا كسب لإنهم ميفرقوش عن بعض غير بلون الفانلة

**mido777** · 29-11-2008 10:51 PM

بما ان حبيب العادلى زملكاوى قرر تغير شعار الشرطة الى

"الشرطة فى خدمة الزمالك"

ههههههههههه محدش يزعل ياجماعة بهزر طبعا

انا يمكن اكون اكتر واحد زملكاوى فى مصر
بس برضة ميمنعش اننا نعترف ان الوقت ده بتاع الأهلى

وغالبا الهزيمة دية حتخلية يرجع اكثر قوة

وان شاء الله الزمالك حيكون افضل الفترة القادمة

**Mohamed_Ibiza** · 29-11-2008 11:10 PM

ايه ده يا محمد انت طلعت زملكاوي اخس اخس اخس

تصدق بقى لو اعرف انك زملكاوي مكنتش فضلت واقف مستنيك وانت جاي متأخر

لا لا لا زعلتني منك

ههههههههههههههههههههههههه هههههه

بهزر طبعا ياباشا

-

الموضوع: هزيمة منكرة للأهلي

LinkBack

أدوات الموضوع

عرض

-

-

-

-

-

-

-

المواضيع المتشابهه

::: هزيمة النيسان جى تى أر :::

المسئولين عن هزيمة المنتخب !!!

جبتش حاجة من عندي؟حسام البدري المدير الفني للأهلي!

الكلمات الدلالية لهذا الموضوع

المفضلات

المفضلات

ضوابط المشاركة