الموضوع: مشكلة اضاءة لمبه eps بسبب كوتشة القطمه النترا من 2007-2011

السلام عليكم ورحمة الله وبركاته
دية تقريبا اول مشاركة ليا فى هذا المنتدى الرائع وسبب اشتراكى انه كان عندى مشكلة فى قطمه الدركسيون صوت تكتكه أو عضه لما بحود الدريكسيون يمين أو شمال المهم الموضوع ده معايا من فترة بس لمبة EPS كانت لسة مش منورة وكنت ماشى عادى بصوت التكتكة لحد لما اللمبة نورة بعد 6 شهور رحت للمركز اللى بعمل فيه الصيانة قالى ده ترس ثمانى كوتشة بتركب بين ترسين وديه مشكلة معروفة فى النترا وكيا سول (KIA Soul ) طب اجبها من فين قال يا التوكيل يا اما بتاع قطع غيار كبير طلعت على التوكيل اللى فى فيصل قالى اه ديه كانت بتتباع بس خلاص لازم تجيبها و تركيبها عندنا فى ابو رواش غير كده لا روحت طاير على ابو رواش المهم المهندس قالى اه موجوده 2500 ج علشان بنعمل حشو علبة واحنا بنركب وكده قالت شكرا وروحت طلع على الجيزة على بتوع قطع الغير الكبار فى ناس مش عارفه ديه ايه اصلا وبتوع الاستراد كمان قالولي لوحده لا بالقطمة اه المهم وانا بلف روحت عند المنير اللى فى اول فيصل ادنى رقم واحد بيشتغل فى الموضوع ده فى المنيل واتفقت معاه ع معاد بس بصراحة كنت خايف تكون مش اصلى واى كلام بس مفيش قدامى اختيار تانى روحت بس كانت المفجاة انه اصلى وهم ناس محترمة جدا وبيجبوها بال DHL مرفق الصورة للقطعة وحفظين العلبة كويس اوى يعنى فك وتركيب باحتراف بس بعد التركيب اللمبة لسة منورة المهم جابو الرجل بتاع الكمبيوتر من جانبهم عمل (Reset error ) والدنيا بقيت تمام ودفعت 350 + 50 كمبيوتر يعنى كله 400ج
المرفقات صورة القطعة الاصلى والترس القديم
وبالتوفيق للجميع