السلام عليكم أعضاء القسم المحترمين.....

طبعا لا يخفى على أحد ظروف البلد الأقتصادية الصعبة و لن أقول مصر لوحدها لأن كثير من بلدان العالم أيضاً ظروفهم الأقتصادية صعبة و لكن التأثير كان جامد على مصر أكتر
أدت الظروف الأقتصادية الصعبة إلى إصدار حزمة من التشريعات لتقليل الأستيراد و ذلك لشح توافر العملة الصعبة.

و ده أدى و سوف يؤدى إلى شح جامد فى توافر قطع الغيار سواء فى التوكيل أو خارجه، ارتفاع مهول لأسعار قطع الغيار أذا توافرت و طبعا ارتفاع اسعار السيارات الزيرو مع طول مدة الحجز و ارتفاع اسعار السيارات المستعملة.

نصيحتى اللى عنده اى مشكلة فى عربيته و مأجلها، أنه يصلحها انهارده مش بكره، اللى مأجل شراء أى قطعة غيار يشتريها انهارده و مش بكره لأن غالبا بكره مش هتكون موجودة و لو كانت موجودة هتبقى بأضعاف تمنها
اللى بيفكر يشترى عربية زيرو يخلص وقتى حتى لو بأوفر برايس و اللى يلاقى مستعمل نظيف ما يترددش

أتمنى نعدى الفترة الصعبة دى على خير

تحياتى للجميع