روحت اتفرجت النهارده على سوزوكى سيلاريو وهشترى بكره بأذن الله

**8Giga** · 18-03-2013 08:00 PM

بسم الله الرحمن الرحيم
السلام عليكم ورحمة الله وبركاته
-----------------
روحت اتفرجت النهارده على سوزوكى سيلاريو وهشترى بكره بأذن الله
----
روحت النهارده عند أباظه اتو تريد فى اسكندريه
اتفرجت على سوزوكى سيلاريو وهينوداى اى اتن
سوزوكى سيلاريو لونها كان زهرى ( هو اللون ده ال شدنى ليها )
اى تن لونها كان احمر

سيلاريو ب 79 وعليها خصم الف جنيه
واى تن اتو ب 84.5

السيلاريو مش اتو
الف سى سى 3 سلندر 2 اريباج
تمنها 78 الف
هدفع كاش وهستلم فى نفس اليوم والورق بعد يومين (مش عارف كده عادى ولا ايه )
بس نسيت اسال على هى ازاز كهربا و مفتاح برموت ولا لاء

بس هى العربيه عموما صغيره
يعنى لازم اكون مطلع الكرسى قدام عشان حد يعد ورا
والشنطه صغيره تاخد شنطه سفر صغيره
من الاخر العربيه شبابى
او اسره صغيره
الكنبه الورا 2 بس ولازم الكرسين قدام يكون طالعين على الاخر

:b4_033::b4_033::b4_033:
عاوز اعرف ايه رايكو فى العربيه
وبالنسبه الف سى سى و 3 سلندر ده مشكله ولا عادى
وبالنسبه انى هستلم الورق بعد يومين عادى ولا ايه
-----
والعربيه عموما كويسه ولا ايه ؟
-----------------
انا كده كده هحاول اخليه ينزل ال 3تلاف الزياده دول على اساس انى هدفع كاش وكده
---------------
منتظر ردكم
تحياتى للجميع

**hossamalsadik** · 18-03-2013 09:09 PM

بصراحه انا حاولت اقتنع بالعربيه ديه مش مقتنع بيها ممكن تجيب برنج السعر ده فيرنا - دايوا
ولو مستعمل ممكن مستوبيشى - ابيزا- جلف وحجات كتير

**8Giga** · 18-03-2013 10:08 PM

ايه يا جامعه 40 مشاهده ومفيش غير واحد رد بس :(

**drmsadek1979** · 18-03-2013 10:23 PM

بالنسبة لموضوع الورق دا العادي

**lidosasa** · 18-03-2013 10:23 PM

العربية فيها إزاز كهربا بس البابين اللى قدام بس وكل باب زرار التحكم فى الإزاز بتاعه فى مقبض الباب . ودا عيب فى التحكم ( من وجهة نظرى ) لآن أنا اللى سايق لو حبيت أفتح إزاز الباب اليمين لازم أوصل للزرار اللى فى الباب ودا حيكون صعب وأنا سايق . فيه ناس أكيد حتعتبر دا ميزة مش عيب وهى وجهات نظر .
مميزاتها إن التكيف بتاعها قوى واحسن من i 10
بالنسبة للإختيار ما بينها وبين الانوس أو الفيرنا فدا قرارك إنت لوحدك ولازم تاخده بنفسك مع الوضع فى الإعتبار . توفير البنزبن ودا شىء حيبقى اساسى فى العربيات بعد كده وتوافر قطع الغيار وأسعار قطع الغيار وطبيعة إستخدامك للعربية ( يعنى عيلة وعايز عربية واسعة ولا عايز حاجة هاتشباك محندقة )
وربنا يهديك بإذن الله للصواب

**8Giga** · 18-03-2013 10:32 PM

الف شكر يارجاله
يعنى اتكل على الله واروح اخلص فيها بكره
هى العربيه عجبانى :)
وتقربيا السوزوكى عربيات اعتماديه صح ولا ايه
وبتوفر فى البنزين صح ؟
-----------
تحياتى للجميع

**8Giga** · 18-03-2013 10:35 PM

المشاركة الأصلية كتبت بواسطة land_cruiser

حضرتك سألت عن توافر قطع غيارها و اسعارها كمان؟ الموضوع ده مهم لان العربيه مش منتشره و ياريت حضرتك تحاول تعرف تقييم ملاكها و سعر اعاده البيع بتاعها كمان

لا مسألتش
بالنسبه لاعادة البيع فمش مشكله معايا لان ده لسه هتكون بنسبالى اول عربيه
ولسه هتعلم عليها السواقه :)
بس مسألتش على قطع غيارها
انا روحت المعرض وشوفتها وعجبتنى
بس ارخم حاجه فيها انها صغيره شويه
بس انا مستعجل لان العربيات كل يوم بتغلى :"(
مقلق لو صبرت شويه معرفش اجيب حاجه بالفلوس ال معايا
------------

**Land_Cruiser** · 18-03-2013 10:49 PM

المشاركة الأصلية كتبت بواسطة 8giga

لا مسألتش
بالنسبه لاعادة البيع فمش مشكله معايا لان ده لسه هتكون بنسبالى اول عربيه
ولسه هتعلم عليها السواقه :)
بس مسألتش على قطع غيارها
انا روحت المعرض وشوفتها وعجبتنى
بس ارخم حاجه فيها انها صغيره شويه
بس انا مستعجل لان العربيات كل يوم بتغلى :"(
مقلق لو صبرت شويه معرفش اجيب حاجه بالفلوس ال معايا
------------

بص حضرتك نصيحه بلاش تعتمد علي الشكل الخارجي فقط كمعيار للاختيار و لا تتسرع في قرار الشراء علشان تلحق تشتري بسعر رخيص لانه مش علشان توافر ٣ او ٤ الاف جنيه تضيع بقيه ثمن العربيه . مهم جدا تعرف اراء المالكين ليها من خلال التجربه من حيث الصاج و الموتور و العفشه و توافر قطع الغيار و اسعارها و جوده خاماتها. مهم جدا تعرف النقاط دي و كمان تتعرف علي البدائل التانيه اللي في نفس رينج السعر و المقارنه فيما بينهم من حيث اولويات حضرتك