تسمع صوت كركرة في بداية الدوارة صباحا ولمد ثانيتين ذهبت لتوكيل المقطم امس واليوم صباحا اخطروني ان تكلفة الاصلاح ستكون حوالي 5000ج خمسة الاف جنيه فهل هذا معقووول
عرض للطباعة
تسمع صوت كركرة في بداية الدوارة صباحا ولمد ثانيتين ذهبت لتوكيل المقطم امس واليوم صباحا اخطروني ان تكلفة الاصلاح ستكون حوالي 5000ج خمسة الاف جنيه فهل هذا معقووول
يا باشا دي تكلفة اصلاح مجموعة الكاتينة بالكامل. + الديفيزور ... التكلفة طبعا غالية بس دا طبيعي في اي توكيل .
الديفيزور زى ما ايمن قال هو غالى بس جزء مهم فل العربيه حاول تجيبو من بره التوكيل و تركبو هناك
وسلامى وتحياتى للجميع
د/اكمل حمدى
مش عارف ليه جميع التوكيلات في مصر بتحاول تدبح اي واحد يرح ليها ولكن المبلغ ده مبالغ فيه اوي وحاول تشوف صرفه فيه من بره زي ما قاله الزملاء من قبلي وربنا معاك
معلش هو عربية حضرتك عاملة كام ألف كم ؟؟
يعن لو قريب من ال 60 ألف أو 100 ألف ممكن تتوكل على الله وتعملها لأن تقريباً نصف التكلفة بتاعت طقم الكاتينة....لأن القطعة اللى عاملة مشكلة عشان تتفك وتتركب لازم يفكوا الكاتينة.....و اللى سمعته عن الموضوع ده قبل كده أن طالما الكاتينة أتفكت مينفعش تركب تانى.
بس لو قربت على ال 60 أو 100 زى ما قولتلك فيبقى أنت كده كده هتغير الكاتينة قريب.
بس برضه لازم تسأل أذا كان خطر تمشى بيها كده ولا لأ.
زى ما قال لك أحمد مع تغير الديفيزور بيغيرو طقم الكاتينه (سير+بليه كاتينه) وده سبب غلو التكلفه وده سبب غلو صيانه ال 60.000 و12.000 بس لو العربيه قربت على ال60.000 لازم ضرورى جدا تعملها مينفعش تمشى عليها بس لو قبل كده ممكن تمشى على الديفيزور لو هو بيعمل بس صوت خشونه و كركره فى الدوران و لما بتسخن العربيه بيروح الصوت لكن لو الصوت بيطول لازم تغيروا فى اسرع وقت
ما هو الديفزور ؟ هل هو بلية شد الكاتينه ؟
كل موتور فيه كامة بتتحكم في فتح و غلق الصبابات و بالتالي كمية و وقت دخول الهواء مع البنزين إلى إسطوانة المحرك ،
و الكامة دي بتاخد حركتها من الكرنك (خرج الموتور ) عن طريق سير الكاتينة ، لحد كدة تمام و كله عادي
الجديد بقى إن بقى فيه حاجة اسمها VVt أو (Variable Valve timing ) أي توقيت الصبابات المتغير ، بمعنى إن حسب سرعة المحرك و نوع الأداء المنتظر منه بيتغير توقيت فتح و غلق الصباب مش ثابت ذي زمان ، و لكن مازال معتمد على الكامة ، طيب ازاي بيتغير ، عن طريق مجموعة من التروس راكبة مع بعض بشكل معين ، و بيتغير هذا الشكل حسب سرعة الموتور و الحمل عليه
مجموعة التروس دي بقى اسمها de-phasor أو الدفيذور ذي ما الناس بتقول عليه ، و الإسم دة مشتق من انها بتغير زاوية الكامة ، و بالتالي زاوية فتح و غلق الصبابات
طيب ده ايه الي يخليه يبوظاقتباس:
الدفيذور
المفروض يعملوها ببلأش وهعمل موضوع بكدة بكر إن شاء الله
لا يا فندم ، هو بيغير التوقيت باستمرار مش كل فترة ، بمعنى لما حضرتك بتشد بالعربية بيغير توقيت الفتح و القفل عشان يخلي الفترة المفتوح فيها الصباب أطول عشان يدخل بنزين و هوا أكتر للسلندر يؤدي إلى قدرة أكبر للمحرك (معروف إن في السرعات العالية للمحرك الفترة المتاحة للفتح بتكون أقصر كتير عشان وقت كل دورة في المحرك بتكون أقصر ) ، و دة بيحصل باستمرار ، يعني مثلاً من صفر إلى ١٠٠٠ RPM بيكون في توقيت ، من ١٠٠٠ إلى ٢٠٠٠ بيكون توقيت مختلف ، و من ٢٠٠٠ إلى ٣٠٠٠ أطول شوية و هكذا ، عشان كدة النظام دة إسمه VVt أو (Variable Valve timing) ،
و على فكرة هو دة أكبر تطور حصل في ٥ سنين إلي فاتوا على المحركات و هو السبب الرئيسي إلي وصل المحركات ال-١٦٠٠ إلى ١١٥ حصان ، بعد ما كانت بتلعب في متوسط ١٠٠ حصان ، عشان كدة الشركات إلي مواتيرها فيها تغيير التوقيت مع حقن مباشر فقط هي إلي مواتيرها فيها هذه القوة الجبارة (بس طبعاً إسم النظام بيتغير من شركة للتانية )
طب يا جماعة هل فيه أى حد من ملاك الميجان غير الديفيزور عند صيانة الـ 60 الف أو بعد ذلك ؟
ana masme3tesh 3ano demn sianet el 60!!!
انت موديل عربيتك ايه يا باشا