السلام عليكم
عايز أغير زيت فيتيس النترا 2012 md العربية محتار أغير فين واي نوع زيت يكون كويس ..هل أغير فى غور العبور ولا اى مركز صيانة مع اختيار زيت كويس ...ياريت لو حد غير في غبور أو غيرة يفدني
عرض للطباعة
السلام عليكم
عايز أغير زيت فيتيس النترا 2012 md العربية محتار أغير فين واي نوع زيت يكون كويس ..هل أغير فى غور العبور ولا اى مركز صيانة مع اختيار زيت كويس ...ياريت لو حد غير في غبور أو غيرة يفدني
اعتقد كيا و هونداى من ضمن الشركات التى تضع مواصفه خاصه لزيت الفتيس و لها زيوت الفتيس الخاصه بسياراتها
الافضل فى الحاجات المهمه ( مثل زيت فتيس ) ان تغيرها فى التوكيل
خذ فى اعتبارك ان هناك زيوت فتيس تصمم بمواصفه خاصه لفتيس محدد .. او مواصفه خاصه لفتيس شركه سيارات محدده
بصفه عامه .. زيوت الفتيس تحتوى على اضافات عديده كل منها يؤدى مهمه محدده .. لاحظ ان المواد الكيميائيه لاضافات زيت الفتيس قد تختلف لتلك الزيوت الخاصه ( لاداء نفس المهمه المطلوبه ) و ايضا قد يختلف الزيت الاساسى الذى توضع عليه الاضافات .. بما يناسب فتيس محدد لشركه محدده
للتوضيح اكثر .. لسياره ما ممكن الكتالوج يطلب مواصفه عامه فقط ( ديكسرون 3 مثلا ) .. هنا يكون من حقك اختيار ماركه الزيوت التى تناسبك طالما تحقق المواصفه العامه
اما اذا طلب الكتالوج مواصفه محدده ( ليست عامه ) يبقى الصح الالتزام بالمواصفه المحدده و الزيت المحدد المصمم خصيصا لفتيسك
أفضل زيوت تتحط في العربية هي اللي مواصفاتها زي ما كتالوجها بيقول..
والإيلانترا md الفتيس الأوتوماتك بتاعها 6-سرعات بيتحطله زيت بمواصفة إسمها ATF SP-IV (أو ATF SP-4).. وبيتغير كل 100 ألف كيلومتر... والفتيس بياخد حوالي 7.3 لتر.
أي علبة زيت مش مكتوب عليها رقم المواصفة دي بالضبط ما ينفعش مع عربيتك... وما تقربوش من الفتيس نهائي..
أحيانا بيبقى فيه زيوت من شركات بتعمل أنواع تمشي مع أكتر من مواصفة لكذا ماركة عربيات... حضرتك تقدر تستخدمها بس لازم تتأكد إن الزيت القديم اتصفى بالكامل... والأهم إنك تتأكد من وجود رقم المواصفة على علبة الزيت... غير كده ما تشتريهوش.
أعتقد هتلاقيه في توكيل هيونداي وتوكيل كيا.. وممكن تلاقيه عند بتوع قطع الغيار..
ده شكل العبوة الأصلية
http://www.ato24.de/media/catalog/pr...0115_1_l_3.jpg
ودي صورة كتالوج الكيا سيراتو اللي فيها نفس الفتيس
http://nileup.com/up/uploads/nilemotors_14089717191.jpg
أتمنى أكون قدرت أفيدك
...
+1 .. الخلاصهاقتباس:
أي علبة زيت مش مكتوب عليها رقم المواصفة دي بالضبط ما ينفعش مع عربيتك... وما تقربوش من الفتيس نهائي..
أحيانا بيبقى فيه زيوت من شركات بتعمل أنواع تمشي مع أكتر من مواصفة لكذا ماركة عربيات... حضرتك تقدر تستخدمها بس لازم تتأكد إن الزيت القديم اتصفى بالكامل... والأهم إنك تتأكد من وجود رقم المواصفة على علبة الزيت... غير كده ما تشتريهوش.
و كمان تصفيه زيت الفتيس بالكامل .. اعتقد شبه مستحيله ( الا وقت عمره الفتيس ) .. لازم حيكون فيه 2 كيلو مثلا لسه جوه ( كلام عام و ليس خاص بالسيراتو )
فالافضل و الاصح فى حاجه جوهريه بتتغير كل 100 الف كيلو .. انك تغير فى التوكيل .. او خارج التوكيل و لكن باستعمال زيت التوكيل المخصص لفتيسك
و بلاش مغامرات
تمام .. المفروض هو ده جهاز تغيير الدوره بالكامل
كام كانت التكلفه ؟ و من كام سنه
هل الجهاز ده موجود بره غى الورش ؟؟ .. و لا فى التوكيلات فقط ؟
سؤال
كمثال .. لو التزويد العادى بدون الجهاز مثلا 4 لتر .. مع الجهاز المفترض انه حيغير الدوره كامله يعنى سنفترض انه الضعف او اكثر ( حيكون مثلا 10 لتر ) ..
هل ده اللى حصل معاك عندما استخدمت الجهاز ده ؟؟ و لا هو غير لك ال 4 لتر بس ؟
تحياتى و اعزازى
و تحياتى لحضرتك و للمعلومات الى الواحد بيتعلم منها :)
الاسئلة الصعبة جدا الى حضرتك سألتها ....
كم كانت التكلفة ..... مش فاكر خالص .... انا كنت لسة شارى العربية و البائع نصحنى انى اغير زيت الموتور و كمان زيت الفتيس ..... نوع العربية ... Delta 88 ..... Oldsmobile ... و ده كان من زمان اوى ... تقريبا سنة 2001
و الجهاز ده كان فى محطة تغير زيوت ملحقة ب محطة بنزين .. و الكلام ده كان خارج مصر
و العامل العفريت ... كان حافظ نوع العربية و من غير كلام كتير ظبط الجهاز و اشتغل ... و بالطبع انا معرفتش حط اد ايه .. و كمان كان شغال بالجالون مش بالتر ...
اسف جدا ... من الصعب افتكر حتى المؤشر كان على كام
تقبل تحياتى