ايه رأيكم ؟؟؟؟

**Ahmad Allawy** · 29-11-2008 12:55 AM

والله يا باشا في الاوقات العادية كان سعرها الطبيعي في حدود 70 الف..
دلوقتي بيتهيألي ان السعر ده طبيعي عليها.. مش قليل يعني ولا لقطة..
لو لي مزاج فيها.. خدها و روح اكشف ف التوكيل.. و هما ممكن يتمنوهالك
(يسعروها)

**ahmedviking** · 29-11-2008 07:37 PM

طيب ايه رأيكم في اوبل كورسا 98
عامله 35 الف كيلو
ومرفوعه 7 سنين

انا لسه معرفش سعرها ولا شفتها

**Ahmad Allawy** · 29-11-2008 08:18 PM

المشاركة الأصلية كتبت بواسطة ahmedviking

طيب ايه رأيكم في اوبل كورسا 98
عامله 35 الف كيلو
ومرفوعه 7 سنين

انا لسه معرفش سعرها ولا شفتها

لأ دي بلاش منها احسن..
حتي لو حالتها ايه.. عشان فيها كام سنسور لما بيضربوا بيجننوا العربية.. و تمنهم غالي حتي لو استيراد..
لو عايز كورسا هاتها 1200 . و اشتري دماغك..

**ahmedviking** · 30-11-2008 06:29 AM

ممممم
ماشي يا ابوحميد
انا بثق في رأيك علي فكره
طيب ايه رأيك في سيتروين c3 موديل 2003 عامله 60 الف كيلو واستخدام نضيف

قلبنا من اوبل لستروين معل بس اكيد برضو ليك فيه :)))

**ahmedviking** · 30-11-2008 06:31 AM

برضو يا ابوحميد ايه رأيك :

استرا ـ مو 2000 ـ 1200cc كاملة مانيوال استعمال راقى اول يد مطلوب 49500ج

او

استرا ـ م 2004 ـ 1600 Cc ـ جميع الكماليات ـ اتوماتيك ـ 2 ايرباج ـ فابريقة ـ حاله ممتازة

**ahmedviking** · 30-11-2008 07:12 AM

abuhmeed ,plz check ur hotmail inbox

**Ahmad Allawy** · 30-11-2008 09:40 AM

شوف يا باشا..
بصراحة السيتروين ماليش فيها خاااااااااااالص.. :( :(
معلش بقي مقدرتش افيدك فيها.. :)

نيجي بقي للأسترا موديل 2000 لو ان من هواة الجري و الشد.. يبقي بلاش منها احسن..
العربية تقفيل اسباني نضيف جدا.. و شيك.. يعيبها موتورها الضعيف شوية علي حجم العربية..
و خاصة و انت مشغل التكييف.. عشان العربية ما شاء الله تقيلة و ثباتها كويس جدا..
و بتجري برضه كويس بس تجميعها و التسارع بتاعها مش كويس قوي..
ولو انت مشغل التكييف متفكرش تجري احسن.. مش هتسعفك ف الموضوع ده..
غير كده مسمعتش غير عن مشكلة واحدة فيها لازم تخلي بالك منها..
انها بتجيب جوان وش سلندر كتير..و دي محتاجة متابعه وحرص..
و خلي بالك العربية متتخبطش من قدام ولو حصل علي التوكيل عدل عشان تكشف علي الكونترول يونيت اللي مسئولة عن التبريد..
غير كده مسمعتش عن مشاكل جوهرية فيها..
السعر المطلوب فيها دلوقتي يعتبر عادي.. مش لقطة.. و مش عالي..
ممكن لو خاولت معاه شوية تنزل بيها شوية ل 48 ولا حاجة..

نيجي بقي للاسترا التانية..
انا معلوماتي عنها قليلة.. بس اللي اعرفه هاقولهولك و برضه الاخوة الافاضل اللي معاهم العربية هنا كتير.. و ممكن يفيدوك اكتر لما حد فيهم يشوف المشاركة..
العربية برازيلي تقفيل مصري.. متقفلتش في المانيا اصلا..
بس نسبة كبيرة من اساسياتها الماني..
موتور كويس..و ثبات كويس جدا.. و كماليات كتير..
بصراحة مسمعتش عن مشاكل كبيرة فيها..
سحبها حلو و بتجري ما شاء الله..
السعر بقي الطبيعي بتاعها حاليا بيتهيألي يعني بيتكلم في 65 الف..
لأنها قبل نزول الاسعار الشديد ده كانت في حدود ال70.. و حسب الحالة كان ممكن توصل 75..
دلوقتي بيتهيألي انها 65 ولو الحالة تحفة توصل بيها ل 70..
اهم حاجة ف اي عربية اوبل.. كشف التوكيل.. علي كل مسمار ف العربية..
و الكومبيوتر بتاعها.. و انك بعد كده متخليش اي حد يمد ايده ف العربية غير لما يكون متخصص اوبل..عشان الفتي و لعب الصنايعية لو مالهمش فيها.. بيخرب العربية.. و مش بتتظبط تاني..
بس كده.. ده اللي عندي لحد دلوقتي.. :) :)

انا رديت عليك علي الميل.. و كلمني في اي وقت تشرفني..
و اتمني اني اكون افدتك يا باشا...