صيانة 80 الف لانسر بومة 2006 مانيوال 1300

**emad_S_D** · 28-03-2016 04:06 PM

السلام عليكم

عاوز اعمل صيانة ال 80 الف كيلو
لانسر بومة 2006 1300 cc
مانيوال

لو حد يدلني علي محل قع غيار امين قريب امن 6 اكتوبر
و مركز صيانة او ورشة او صنايعي بيفهم في اللانسر كويس

جزاكم الله خير

مع الشكر

**ahmed_eng2001** · 28-03-2016 05:47 PM

ربنا يباركلك فى عربيتك

السؤال ... حتركب قطع غيار اصلية ؟ و لا مش اصلية ؟
لو مش اصلية ... عندك محل بجانب الشرقاوى فى على الدين
لو عاوز الاصلى ... الهدى فى صقر قريش او فى شارع اللبينى

بالمناسبة ....
حضرتك حتحتاج تغير ...

زيت و فلتر زيت
زيت الفتيس
بوجيهات
فلتر هواء
فلتر بنزين
تيل امامى
سير كاتينة و بلية شداد
سير دينامو
سير تكييف

و تشيك على القواعد و على العفشة

و الى بيشتغلوا فى اللانسر بس و كويسين ... همام فى صقر قريش ... المتخصصون فى الاميرية

و من الممكن اى صنايعى كوسي يعمل صيانة ال 80 الف من غير مشاكل .... هو بس يخلى باله من التقسيمة علشان متخلفش معاه و هو بيغير سير الكاتينة

**emad_S_D** · 28-03-2016 06:41 PM

الف شكر لذوقك

باذن الله ناوي اغير قع غيار اصلي

انا صفحة علي الفيس مركز شباب مصر لقع غيار اللانسر الاصلية
و لما كلمت التليفون بتاعهم قالي فرع ش السودان بنبيع فق لو عاوز الصيانة نفسها هنروح الاميرية المتخصصون او فيه مركز صيانة ميتسوبيشي جنبة ف شارع السودان هينسق معاها يغير ما تفضلت مشكورا بذكرة

ف مش عارف هل ده حد جربة قبل كده اتوكل علي الله و اروحلة

ولا احاول اروح الاميرية

و زي ما حضرتك تفضلت صيانة ال 80 باذن الله اي حد ممكن يعملها

بس انا مش حابب اتبهدل مع ورش اي كلام و صنايعية علي ما تفرج زي ما حصل معايا ف اكتوبر ف العربية القديمة

جزاك الله خير علي الرد

**ahmed_eng2001** · 29-03-2016 12:00 AM

المشاركة الأصلية كتبت بواسطة emad_S_D

الف شكر لذوقك

باذن الله ناوي اغير قع غيار اصلي

انا صفحة علي الفيس مركز شباب مصر لقع غيار اللانسر الاصلية
و لما كلمت التليفون بتاعهم قالي فرع ش السودان بنبيع فق لو عاوز الصيانة نفسها هنروح الاميرية المتخصصون او فيه مركز صيانة ميتسوبيشي جنبة ف شارع السودان هينسق معاها يغير ما تفضلت مشكورا بذكرة

ف مش عارف هل ده حد جربة قبل كده اتوكل علي الله و اروحلة

ولا احاول اروح الاميرية

و زي ما حضرتك تفضلت صيانة ال 80 باذن الله اي حد ممكن يعملها

بس انا مش حابب اتبهدل مع ورش اي كلام و صنايعية علي ما تفرج زي ما حصل معايا ف اكتوبر ف العربية القديمة

جزاك الله خير علي الرد

و جزاك خيرا اخى الكريم .....

انا كمان جربت ميكانيكية كتير فى 6 اكتوبر .... و محدش فيهم متميز ... ميكانيكية عاديين

قطع الغيار الاصلية غالية الثمن ... و بتيجى فى علبة كرتون عليها علامة ميتسوبيشى و كمان عليها part number ... و خلى بال حضرتك ... فلتر الزيت ب 55 او 60 جنيه ... فيه نوع تقليد ب 35 جنيه ... زى الاصلى بالظبط .... بس الكتابة على الفلتر مقلوبة ... سير الكاتينة كانت ب 240 جنيه مثلا

انا متعاملتش مع ورشة الاميرية ... بس اتعاملت مع همام فى صقر قريش
بيشتغل فى الميتسوبيشى بس ....الناس من كتر ما اشتغلت فى اللانسر حفظوها .... و ده لا يمنع وجود بعض الملاحظات الفردية على بعض الصنايعية عنده

بالمرة قبل ما انسى ... خلى الميكانيكى يبص على التيل الخلفى .. لو محتاج يترجلش شوية و يتنضف

ربنا يوفقك و اى استفسار انا فى الخدمة

**emad_S_D** · 30-03-2016 12:01 PM

الحمدلله تم عمل الصيانة
عند عمر أنور شارع السودان
و شراء قطع الغيار من شباب مصر
حاجة ماشاء الله مشرفة
طقم الكاتينة 925
زيت موتور 10 ك 300
فلتر زيت 50

و سيتم تأجيل تغيير فلتر الهواء و البنزين لل 100 الف باذن الله مع زيت الفتيس و تيل الفرامل

مصنعية الصيانة 280 جنية

انا حاسس انها زيادة شوية بس للامانة صنايعي محترم و منظم و عندة ضمير
و الاهم فاهم بيعمل ايه و بيتعامل مع اية

مع الشكر

**ahmed_eng2001** · 30-03-2016 03:32 PM

شكرا للافادة ...

طقم كاتينة تقصد بيه 3 سيور و بلية ؟

زيت موتور نوعه ايه ؟
هل تم فحص التيل القديم ؟ .... خلى بال حضرتك ان التيل الاصلى بيتغير كل 20 الف كم تقريبا

**emad_S_D** · 31-03-2016 07:52 AM

قم كاتينة
3 سيور و بلية فعلا

و الزيت ميتسوبيشي اول مرة اجربة باذن الله

انا صورت بعض السيور لكن للاسف الموبايل فصل شحن قبل ما اقدر اكمل و رفعت الصور

بالنسبة للتيل كشف عليه و قالي غيرة علي 100 باذن الله مع فلتر البنزين و فلتر الهوا
و نصحني اضيف كلينر في تنك البنزين علشان ينضف الرشاشات

و قال بعد الكشف علي زيت الفتيس ممكن اخلية لل 100 الف برضوة
لكن باذن الله هاغيرة مع زيت المحرك ان شاء الله علي خير

انا حابب انقل التجربة كاملة عسي ان حد من الزملاء يستفيد باذن الله او يكون له رأي اخر يفيد الجميع

مع الشكر

**ahmed_eng2001** · 31-03-2016 08:12 AM

مشكور يا فندم على المشاركة و على الافادة .... ربنا يجعله فى ميزان حسناتك

ده زيت ميتسوبيشى ... و انا كنت مستغرب من سعره !!! علشان سعر الشل هيلكس 325 :)

مياه تبريد الردياتير الميتسوبيشى جيدة جدا ... انا غيرتها على 140 الف كم .. و الجركن ب 140 جنيه تقريبا
ربنا يوفقك