عرض للطباعة
لو سمحتو انا عايش فى قريه وعايز اعمل مشروع جديد وفريد من نوعه فى القريه انا عندى 4 محلات على طريق عام وكنت عايز افتح فرع لمطعم زى كنتاكى بس هل دى مناسبه وتنفع فى قريه انا معايا حولى من 300 الف ل 400الف تنصحونى بمشروع ايه يكون كويس وجديد غير التقليدى وشكرا ليكم
حول فلوسك لدولار او يورو و عينهم تحت البلاطه
اشتري بيهم عقار يكون مكسبه مضمون
كنتاكي ايه في قريه ؟؟؟
لو قصدك بروست ؟؟؟؟؟
مش متاكد اذا كان ثقافه اهل القريه يروحم يشترم فراخ محمره و هما عندهم فراخ بلدي؟؟
ربنا يوفقك
كنتاكى نفسه مش بتفتحه انت هما بياجرو المكان الى هعما شايفينوز مناسب و بيشغلوه بنفسهم ولا قصدك حاجه شبهم ؟
كنتاكي وما علي شاكلته محتاج مدينة كبيرة او فيها جامعة علي الاقل ، لكن قرية يبقا بترمي فلوسك في الارض.
لو عايز النصيحة، ريح دماغك وأجر المحلات دي طالما على طريق يبقى أكيد إيجارهم هايكون كويس. لو مصمم على مشروع، ممكن تعمل كذا حاجة جنب بعض، زي محل فول وطعمية جنبه فرن عيش ومخبز فينو، وكله هايشيل بعضه
كنتاكي في قرية !!!! طيب ازاي حضرتك !!! صعبه جدا
لو انت متمسك انك تعمل المشروع في قرية يبقي افضل تفكر في حاجة تتناسب مع المستوي الاجتماعي و المادي لسكان المنطقة الللي فيها المشروع
ا
ممكن تفكر في حديد التسليح مثلا او الاسمنت او مواد البناء و الحديد و البويات او ادوات صحية و سيراميك او اجهزة كهربائية او الاسمدة و المبيدات الزراعية
النوعيات دي المشروعات لا تحتاج لخبرات كبيرة في ادارتها او معرفة متخصصة زي المطاعم مثلا و كمان البضاعة سعرها بيزيد و هي عندك دا غير انها لا هتبوظ و لا هتفسد لو قعدت و لا هتاكل و لا هتشرب
و في نفس الوقت ممكن تبعيها في اي وقت و باثل خسارة لو حبيت تقفل النشاط لا قدر الله
صيانة إطارات و توكيل بيع اطارات وجنوط وبطاريات
معلش انا هلخص النصائح :
المكسب في مصر اما انشطة خدمات (موان - كهرباء - حديد-...)
+اكل (مطاعم).
+عقارات و دي احسنهم و اريحهم.
وربنا يهديك للاصلح.