مشروع جديد بالله عليكم تفيدونى

**عبد الله ادم** · 31-03-2016 12:32 PM

لو سمحتو انا عايش فى قريه وعايز اعمل مشروع جديد وفريد من نوعه فى القريه انا عندى 4 محلات على طريق عام وكنت عايز افتح فرع لمطعم زى كنتاكى بس هل دى مناسبه وتنفع فى قريه انا معايا حولى من 300 الف ل 400الف تنصحونى بمشروع ايه يكون كويس وجديد غير التقليدى وشكرا ليكم

**Bassem Youssef** · 01-04-2016 05:40 AM

حول فلوسك لدولار او يورو و عينهم تحت البلاطه

**دعبدالرحيم** · 01-04-2016 05:57 AM

اشتري بيهم عقار يكون مكسبه مضمون

**wawamoha** · 01-04-2016 06:33 AM

كنتاكي ايه في قريه ؟؟؟
لو قصدك بروست ؟؟؟؟؟
مش متاكد اذا كان ثقافه اهل القريه يروحم يشترم فراخ محمره و هما عندهم فراخ بلدي؟؟

ربنا يوفقك

**Karim Alaa** · 01-04-2016 07:29 AM

كنتاكى نفسه مش بتفتحه انت هما بياجرو المكان الى هعما شايفينوز مناسب و بيشغلوه بنفسهم ولا قصدك حاجه شبهم ؟

**sayedmatrix** · 01-04-2016 07:45 AM

كنتاكي وما علي شاكلته محتاج مدينة كبيرة او فيها جامعة علي الاقل ، لكن قرية يبقا بترمي فلوسك في الارض.

**mikho83** · 01-04-2016 08:44 AM

لو عايز النصيحة، ريح دماغك وأجر المحلات دي طالما على طريق يبقى أكيد إيجارهم هايكون كويس. لو مصمم على مشروع، ممكن تعمل كذا حاجة جنب بعض، زي محل فول وطعمية جنبه فرن عيش ومخبز فينو، وكله هايشيل بعضه

**mostafabakry** · 01-04-2016 10:06 PM

كنتاكي في قرية !!!! طيب ازاي حضرتك !!! صعبه جدا

لو انت متمسك انك تعمل المشروع في قرية يبقي افضل تفكر في حاجة تتناسب مع المستوي الاجتماعي و المادي لسكان المنطقة الللي فيها المشروع
ا
ممكن تفكر في حديد التسليح مثلا او الاسمنت او مواد البناء و الحديد و البويات او ادوات صحية و سيراميك او اجهزة كهربائية او الاسمدة و المبيدات الزراعية
النوعيات دي المشروعات لا تحتاج لخبرات كبيرة في ادارتها او معرفة متخصصة زي المطاعم مثلا و كمان البضاعة سعرها بيزيد و هي عندك دا غير انها لا هتبوظ و لا هتفسد لو قعدت و لا هتاكل و لا هتشرب
و في نفس الوقت ممكن تبعيها في اي وقت و باثل خسارة لو حبيت تقفل النشاط لا قدر الله